ភ្ញៀវទេសចរណ៍ និងនាវិកជិត ១០០០នាក់ មកលេងកម្សាន្តនៅកម្ពុជា តាមរយៈនាវាទេសចរណ៍ SEABOUNR ENCORE របស់សញ្ជាតិ បាហាម៉ាស

(ខេត្តព្រះសីហនុ)៖ តាមការចុះផ្សាយពី កំពង់ផែស្វយ័តក្រុងព្រះសីហនុ បានឱ្យដឹងថា ភ្ញៀវទេសចរណ៍ និងនាវិកជិត ១០០០នាក់ មកលេងកកម្សាន្តនៅកម្ពុជា តាមរយៈនាវាទេសចរណ៍ SEABOUNR ENCORE របស់សញ្ជាតិ បាហាម៉ាស បានចូលចតនៅ កំពង់ផែស្វយ័តក្រុងព្រះសីហនុ វេលាម៉ោង ៧:០០ នាទី ថ្ងៃទី ៦ ខែកុម្ភៈ ឆ្នាំ ២០២៦ នេះ។

ចំពោះនាវាទេសចរណ៍ SEABOUNR ENCORE របស់សញ្ជាតិ បាហាម៉ាស មួយនេះ មានប្រវែងបណ្តោយ ២១០៥ ម៉ែត្រ ប្រវែងទទឹង ២៨០០ ម៉ែត្រ ជម្រៅ ៦០០ ម៉ែត្រ។ ក្នុងគោលបំណងមកទស្សនា ប្រទេសកម្ពុជា រយៈពេល ១ ថ្ងៃ បន្ទាប់ពីចេញដំណើរមកពីប្រទេសថៃ។ នាវាទេសចរណ៍នេះ មាននាវិកសរុបចំនួន ៤១១ នាក់ (ស្រី ៨៤ នាក់) មាន ៤២ សញ្ជាតិនិងមានភ្ញៀវទេសចរណ៍សរុបចំនួន ៥៨១ នាក់ (ស្រី ៣០០ នាក់) មាន ២១ សញ្ជាតិ។ ចំនួនសញ្ជាតិដែលមានភ្ញៀវច្រើនជាងគេ គឺសហរដ្ឋអាមេរិក (៣២៥) ហើយនាវាទេសចរណ៍នេះ នឹងចាកចេញទៅប្រទេសវៀតណាម នៅវេលាម៉ោង ២០:០០ នាទី នៅថ្ងៃដដែល៕

ប្រភព៖ កំពង់ផែស្វយ័តក្រុងព្រះសីហនុ