សមាជិក ប.ស.ស. ជាស្ត្រីមានផ្ទៃពោះ ចង់ស្នើសុំប្រាក់ឧបត្ថម្ភរបស់រាជរដ្ឋាភិបាលនៅ ប.ស.ស. ពេលពិនិត្យផ្ទៃពោះ ត្រូវភ្ជាប់ឯកសារទាំងនេះមកជាមួយ

(រាជធានីភ្នំពេញ)៖ នៅថ្ងៃទី ៤ ខែមីនា ឆ្នាំ ២០២៦ នេះ បេឡាជាតិសន្តិសុខសង្គម បានឱ្យដឹងថា សម្រាប់សមាជិក ប.ស.ស. ជាស្ត្រី ដែលមានផ្ទៃពោះ ហើយចង់ស្នើសុំប្រាក់ឧបត្ថម្ភរបស់រាជរដ្ឋាភិបាលនៅ ប.ស.ស. ពេលពិនិត្យផ្ទៃពោះ ត្រូវភ្ជាប់ឯកសារមួយចំនួននេះមកជាមួយផង។

ចំពោះសមាជិក ប.ស.ស. ជាស្ត្រីមានផ្ទៃពោះត្រូវអញ្ជើញមកកាន់ស្នាក់ការ/សាខា ប.ស.ស. ខេត្ត/ខណ្ឌដែលនៅជិតបំផុតដើម្បីចុះឈ្មោះ ដោយត្រូវភ្ជាប់ឯកសារ ដែលមានដូចខាងក្រោមនេះ៖

-សៀវភៅសុខភាពមាតា ដែលបញ្ជាក់ពីអាយុគភ៌ដំបូងចេញដោយមន្ទីរពេទ្យរដ្ឋ

-អត្តសញ្ញាណប័ណ្ណសញ្ជាតិខ្មែរមានសុពលភាព

-ប័ណ្ណសមាជិក ប.ស.ស.

-លេខគណនីធនាគារអេស៊ីលីដា ឬធនាគារកាណាឌីយ៉ាជាប្រាក់រៀល និងលេខទូរសព្ទ

គួរបញ្ជាក់ដែរថា សម្រាប់សមាជិក ប.ស.ស. ជាបុគ្គលស្វ័យនិយោជន៍ពុំទទួលបានប្រាក់ឧបត្ថម្ភនេះទេ។ សម្រាប់ព័ត៌មានបន្ថែម អាចទំនាក់ទំនងទៅកាន់លេខ ១២៨៦ ឬតាមរយៈប្រព័ន្ធផ្សព្វផ្សាយបណ្តាញសង្គមរបស់បេឡាជាតិសន្តិសុខសង្គម៕

ប្រភព៖ បេឡាជាតិសន្តិសុខសង្គម