បន្ទាប់ពីតារាបាល់ទាត់ខ្សែបម្រើ Paul Pogba បានបង្ហាញជាសាធារណៈពីការចង់ចាកចេញពីក្លឹប ពេលនេះក្លឹប Manchester United កំពុងកំណត់គោលដៅលើកីឡាករខ្សែបម្រើពីររូបរបស់ក្លឹប Barcelona កីឡាករ Ivan Rabkitic ហើយនឹង Philippe Coutinho ដើម្បីយកមកជំនួសកន្លែងរបស់កីឡាករ Paul Pogba។ តាមរយៈការរាយការណ៍របស់សារព័ត៌មាន Mundo Deportivo បានអោយដឹងថាក្លឹបបិសាចក្រហម Manchester United បច្ចុប្បន្នកំពុងដោះស្រាយបញ្ហាចំពោះមុខ ដែលថាកីឡាករ Paul Pogba នឹងចាកចេញនៅក្នុងរដូវកាលដោះដូរកីឡាករបន្ទាប់ពីគាត់បានប្រកាសជាសាធារណៈថាគាត់កំពុងតែសម្លឹងរកការប្រកួតប្រជែងថ្មី។

ទោះបីជាយ៉ាងណាក៏ដោយ តាមរយៈការរាយការណ៍នេះបានបង្ហាញថាក្លឹបបានកំពុងតែរៀបចំខ្លួនរួចជាស្រេចចាប់តាំងពីរដូវកាល ២០១៨-២០១៩ចាប់ផ្តើមមកម្ល៉េះនៅពេលដែលកីឡាករ Paul Pogba និងលោកគ្រូបង្វឹក Jose Mourinho មានបញ្ហានឹងគ្នា។ បន្ថែមពីនេះទៅទៀតក្លឹប Manchester United នឹងកំណត់គោលដៅលើកីឡាករ Coutinho របស់ក្លឹប Barcelona ដែលកំពុងតែមិនសូវសប្បាយចិត្តនៅក្នុងពហុកីឡាដ្ឋាន Camp Nou ហើយចំណែកឯខ្សែបម្រើសញ្ជាតិក្រូអាត់ Ivan Rakitic ឯនេះវិញក៏កំពុងតែមានការប្រកួតប្រជែងថ្មីដោយសារតែវត្តមានរបស់ខ្សែបម្រើចំណូលថ្មីរបស់ក្លឹប Barcelon កីឡាករ Frenkie de Jong ។ លើសពីនេះទៅទៀត កីឡាករ Coutinho ដែរធ្លាប់លេងអោយក្លឹបហង្សក្រហម Liverpool បានបង្ហាញទម្រង់លេងដ៏ល្អនៅក្នុងក្របខ័ណ្ឌ English Premier league កំពុងតែសម្លឹងរកការចាកចេញពីក្លឹប Barcelona នេះបើតាមគេរាយការណ៍មក៕

អត្ថបទ៖ សុគុណា
ប្រភព៖ FoxSportAsia