Uniqlo ចាប់ដៃគ្នាជាមួយ Toray នឹងលក់ខោអាវធ្វើពីដបប្លាស្ទិចកែច្នៃចាប់ពីឆ្នាំក្រោយតទៅ

ក្រុមហ៊ុនសម្លៀកបំពាក់ Uniqlo មានគម្រោងលក់ផលិតផលធ្វើពីសរសៃ ដែលបានមកពីដបប្លាស្ទិចកែច្នៃចាប់ពីឆ្នាំក្រោយតទៅ។ Uniqlo ដែលជាប្រតិបត្តិករលក់រាយ និងវាយនភ័ណ្ឌ នឹងចាប់ដៃគ្នាជាមួយក្រុមហ៊ុន Toray Industries ដើម្បីរួមគ្នាផលិតក្រណាត់ប្រភេទឆាប់ស្ងួត ដែលផលិតជាមួយសរសៃ polyester ពីប្លាស្ទិចកែច្នៃ។

ប្រធានផ្នែកលក់រាយ និងជានាយកប្រតិបត្តិលោក Tadashi Yanai បានមានប្រសាសន៍ថា៖ “គោលដៅរបស់យើងគឺហួសពីគំនិតប្រពៃណីនៃម៉ូតខោអាវ។ យើងចង់បង្កើតខោអាវថ្មីទាំងស្រុង។ យើងបានធ្វើការលើរឿងនេះអស់រយៈពេលជាង ៣០ឆ្នាំ មកហើយ”។

ក្រុមហ៊ុន Uniqlo ក៏និយាយដែរថា ពួកគេបានគ្រប់គ្រង ដើម្បីកែលម្អបច្ចេកវិទ្យាដែលយកភាពមិនស្អាតចេញពីដប ដែលអនុញ្ញាតឱ្យពួកគេបង្កើតសរសៃល្អពិសេស។ ពួកគេនិយាយថា សរសៃអាចត្រូវបានប្រើនៅក្នុងផលិតផលដែលមានមុខងារខ្ពស់ៗទៀតផង៕

អត្ថបទ៖​ លីដា