កម្មវិធីតាំងពិព័រណ៍បោកសម្លៀកបំពាក់ក្លិនក្រអូប ទទួលបានការគាំទ្រច្រើនពីមហាជន

រាជធានីភ្នំពេញ៖ កម្មវិធីតាំងពិព័រណ៍បោកសម្លៀកបំពាក់ក្លិនក្រអូប រយៈពេល 2 ថ្ងៃនៅផ្សារទំនើបអ៊ីអនម៉ល សែនសុខ ស៊ីធី បានទទួលការគាំទ្រយ៉ាងច្រើនកុះករពីអ្នកទស្សនា ជាពិសេសស្ដ្រីមេផ្ទះ និងអ្នកមានអាជីវកម្មផ្នែកបម្រើសេវាកម្មបោកគក់សម្លៀកបំពាក់ ដែលពួកគាត់ចង់បាននូវផលិតផលដែលមានគុណភាព អាចជួយរក្សាពណ៌ និងឲ្យសម្លៀកបំពាក់ស្អាតភ្លឺចែងចាំង ហើយជាពិសេសមានក្លិនក្រអូបដូចទឹកអប់ពីប្រទេសបារាំង។

កញ្ញា ពង្ស របៀប អ្នកផ្ដួចផ្ដើមរៀបចំកម្មវិធីតាំងពិព័រណ៍បោកសម្លៀកបំពាក់ក្លិនក្រអូប និងជាប្រធានផ្នែកទីផ្សារម៉ាកផលិតផល នៃក្រុមហ៊ុន យូនីលីវើ បានឲ្យដឹងថា៖ គោលបំណងចម្បងនៃកម្មវិធីតាំងពិព័រណ៍បោកសម្លៀកបំពាក់ក្លិនក្រអូបរយៈពេល 2 ថ្ងៃ (28-29 ធ្នូ 2019) នេះ ក្រុមហ៊ុនចង់ឲ្យអតិថិជន និងអ្នកប្រើទូទៅបានសាកល្បងផ្ទាល់នូវផលិតផល ហើយនូវបាននូវបទពិសោធន៍ថ្មីនៃផលិតផលដ៏ពិសេស ដែលនឹងជួយធ្វើឲ្យសម្លៀកបំពាក់ស្អាតភ្លឺចែងចាំង ជួយឲ្យសាច់ក្រណាត់ទន់ល្មឿយ និងរក្សាពណ៌ធ្វើឲ្យសម្លៀកបំពាក់ថ្មីបានយូរ ហើយមានក្លិនក្រអូបដូចទឹកអប់ពីប្រទេសបារាំង។

កញ្ញាបានបន្តថា ផលិផលថ្មីដែលក្រុមហ៊ុនដាក់ចេញរួមមានម្សៅសាប៊ូ វីសូពិសេស ទឹកអប់ថ្មី ដែលនឹងជួយធ្វើឲ្យការបោកគក់សម្លៀកបំពាក់របស់យើងបានស្អាតល្អ នឹងនៅតែភ្លឺចែងចាំង ហើយផ្ដល់ក្លិនក្រអូបដូចទឹកអប់ពីប្រទេសបារាំង។ បន្ថែមពីលើនេះ ប្រសិនបើអ្នកប្រើប្រាស់ ប្រើរួមគ្នាជាមួយនឹងទឹកក្រអូបខមហ្វតទឹកអប់ថ្មី នោះនឹងទទួលបានក្លិនទឹកអប់ដ៏ក្រអូប ធ្វើឲ្យសម្លៀកបំពាក់ក្រអូបស្រស់ស្រាយជាប់បានយូរ សាច់ក្រណាត់ទន់ល្មឿយ ហើយក៏អាចជួយរក្សាពណ៌ធ្វើឲ្យសម្លៀកបំពាក់ថ្មីបានយូរផងដែរ។ ទឹកក្រអូបខមហ្វតមួយកញ្ចប់អាចប្រើជាមួយអាវបានរហូត 20 អាវ ដោយគ្រាន់តែត្រាំទុក 10 នាទីសម្រាប់ទឹកចុងក្រោយ។

កញ្ញា ពង្ស របៀប បានបន្ថែមទៀតថា អតិថិជនជាច្រើនមានការពេញចិត្តនឹងក្លិនថ្មីដែលផ្ដល់ភាពក្រអូបដូចទឹកអប់មកពីប្រទេសបារាំង ក្រោយពួកគាត់បានទស្សនាការធ្វើសាកល្បងដោយផ្ទាល់ពីក្រុមការងារ។ ចំពោះផលិតផលទាំង 2 អតិថិជនទាំងអស់អាចរកជាវបាននៅតាមបណ្ដារហាង និងកន្លែងលក់ដូរទូទាំងប្រទេសចាប់ពីថ្ងៃផ្សាយដំណឹងនេះទៅ៕