តារាចម្រៀងរូបស្រស់សោភា ប្រចាំផលិតកម្មហង្សមាស គឺអ្នកនាង សុគន្ធ នីសា បានបង្ហាញវត្តមាន២យប់ជាប់ៗគ្នា នៅក្នុងព្រឹត្តិការណ៍ និរតីសង្ក្រាន្ត GANZBERG UBER CONCERT ក្នុងឪកាសបុណ្យចូលឆ្នាំខ្មែរ នៅខេត្តព្រះសីហុន លើឆ្នេរអូឈើទាល។ នៅក្នុងព្រឹត្តិការណ៍ប្រគុំតន្ត្រីដែលមានទស្សនិកជន រាប់ម៉ឺននាក់ឈរផង រាំផងនៅលើឆ្នេរអូឈើទាល តារាចម្រៀងល្បីៗ ប្រចាំផលិតកម្មហង្សមាស បានបង្កភាពសប្បាយរីករាយ និងរំភើបចិត្តយ៉ាងខ្លាំង ពេលឃើញវត្តមាន ទស្សិកជនយ៉ាងច្រើនកុះករបែបនេះ។ នាយប់ថ្ងៃទី ៣ នៃព្រឹត្តិការណ៍ប្រគុំតន្ត្រី និរតីសង្ក្រាន្ត GANZBERG UBER CONCERT នេះដែរ អ្នកនាង សុគន្ធ នីសា បានបង្ហើរសំនៀង ៤បទជាប់ៗគ្នា ផងដែរ។

គួរបញ្ជាក់ផងដែរ នៅក្នុងខែមេសា នេះក្រុមហ៊ុនស្រាបៀរ GANZBERG បានបង្កើតព្រឹត្តិការណ៍សំខាន់ចំនួន 3 គឺរួមមាន ការចែកសំបុត្រឡានក្រុងឥតគិតថ្លៃ និងកម្មវធីសង្ក្រាន្តឆ្នាំថ្មីចំនួន២ទីតាំងធំៗព្រមគ្នា ហើយអ្វីដែលកាន់តែពិសេសជាងនេះទៅទៀត ក្រុមហ៊ុនស្រាបៀរ GANZBERG នឹងនាំយកតារាចម្រៀងអន្តរជាតិ ដ៏ល្បីឈ្មោះ គឺម្ចាស់បទ PANAMA មកកាន់ឆាកតន្ត្រី GANZBERG នៅថ្ងៃទី ១២ ខែឧសភា ខាងមុខនេះ ដែលនឹងធ្វើអោយទស្សនិកជន ទន្ទឹងរង់ចាំយ៉ាងអន្ទះសារ៕