យោងតាមសារពត៌មាន Don Balon បានចេញផ្សាយអោយដឹងថា៖ ក្លឹបអធិរាជសរ Real Madrid បានឈានដល់កិច្ចព្រមព្រៀងជាមួយនឹងក្លឹបបិសាចក្រហម Manchester United ចុះហត្ថលេខាផ្ទេរអ្នកចាំទី David De Gea មកកាន់ទឹកដីអេស្ប៉ាញហើយនៅក្នុងរដូវកាលក្រោយនេះ។

ក្លឹបអធិរាជសរ Real Madrid ឫក៏ឈ្មោះក្នុងតំបន់ក្លឹបយក្ស Blancos គ្រោងនឹងចំណាយលុយដល់ទៅ 100លានអឺរ៉ូ ក្នុងការផ្ទេរអ្នកចាំទី David De Gea ចេញពីក្លឹបបិសាចក្រហម Manchester United។ ការព្យាយាមទិញខ្សែអ្នកចាំទីសញ្ជាតិអេស្ប៉ាញរបស់ក្លឹបអធិរាជសរ Real Madrid នេះគឺកើតឡើងអស់រយៈពេលជាច្រើនឆ្នាំមកហើយ ប៉ុន្ដែការប៉ុនប៉ុងរបស់ Real Madrid គឺមិនដែលបានជោគជ័យ ទើបតែពេលថ្មីៗនេះក្លឹបអធិរាជសរ Real Madrid និងក្លឹបបិសាចក្រហម Manchester Untied ឈានដល់កិច្ចព្រមព្រៀងផ្ទេរអ្នកចាំទី David De Gea។

យោងតាមសម្ដីរបស់ភ្នាក់ងារអ្នកចាំទី David De Gea បានអោយដឹងថា៖ លោក Jorge Mendes ដែលជាភ្នាក់ងាររបស់ De Gea បានចំណាយពេលអស់ជាច្រើនសប្តាហ៍ដើម្បីចរចារជាមួយនឹងក្លឹបបិសាចក្រហម Manchester United លើកិច្ចព្រមព្រៀងផ្ទេរទៅកាន់ក្លឹបអធិរាជសរ Real Madrid នៅក្នុងរដូវកាលក្រោយនេះ។

បុត្រ

ប្រភព៖ Goal