កង់រថយន្ត១គូរបូតចេញពីរថយន្តរមៀលខ្ទាតត្រូវក្មេងប្រុសបណ្តាល ឲ្យស្លាប់
ព្រះសីហនុ ៖ ថ្ងៃទី១០ ខែកុម្ភៈ ឆ្នាំ២០១៨ វេលាម៉ោង ១៨:២០នាទី លើផ្លូវជាតិលេខ៤ ចន្លោះគីឡូម៉ែត្រ ១៧៧-១៧៨ ស្ថិតនៅក្នុងភូមិចំការកៅស៊ូ ឃុំជើងគោ ស្រុកព្រៃនប់ ខេត្តព្រះសីហនុ មាន ករណីគ្រោះថ្នាក់ចរាចរណ៍មួយកើតឡើង បង្កដោយ កង់រថយន្ត ១គូ ដែលមិនស្គាល់ម៉ាករថយន្ត មិនដឹងរបូតចេញពីកង់រថយន្ត ដែលមានទិសដៅពីណាទេ លុះដល់ចំណុចខាងលើក៏ខ្ទាតទៅជាយផ្លូវបុកនឹងក្មេងប្រុសម្នាក់ឈ្មោះ រស់ ភារម្យ អាយុ៨ឆ្នាំ មានទីលំនៅភូមិឃុំកើតហេតុ។
គ្រោះថ្នាក់នេះបណ្ដាលឲ្យរងរបួសធ្ងន់ក្មេងប្រុសម្នាក់ បានបញ្ជូនទៅសង្គ្រោះក្រោយមកស្លាប់ បានប្រគល់ជូនទៅក្រុមគ្រួសារយកទៅធ្វើបុណ្យតាមប្រពៃណី។ រីឯវត្ថុតាងកង់រថយន្ត ១គូ បានយកមករក្សាទុកនៅអធិការដ្ឋាននគរបាលស្រុកព្រៃនប់ ដើម្បីស្រាវជ្រាវរករថយន្តបង្ក៕
ប្រភព៖ អគ្គស្នងការនគរបាលជាតិ