លទ្ធផលចេញហើយ! ស្ត្រីខ្មែរដែលរត់គេចពីកន្លែងចត្តាឡីស័ក គឺមិនមានមេរោគកូវីដ១៩ទេ និងត្រូវអនុញ្ញាតឲ្យត្រលប់ទៅផ្ទះវិញនៅថ្ងៃនេះ
- July 30, 2020
រយៈពេល ១៤ ថ្ងៃនៃការធ្វើចត្តាឡីស័ករបស់ស្ត្រីខ្មែរ-អាមេរិកឈ្មោះ Vira Rose ដែលបានលួចរត់ចេញពីកន្លែងធ្វើចត្តាឡីស័កនៅរាជធានីភ្នំពេញ និងបានរត់ទៅខេត្តកំពង់ចាមនោះ លទ្ធផលបញ្ជាក់ថាគ្មាន COVID-19 ទេ។ នេះបើតាមលោក អ៊ុន ចាន់ដា អភិបាលខេត្តកំពង់ចាម ផ្ដល់បទសម្ភាសន៍ទៅកាន់អង្គភាពព័ត៌មាន Fresh News។
បន្ទាប់ពីចាប់ដាក់ឲ្យធ្វើចត្តាឡីស័ក និងតាមដានសុខភាពម្ដងទៀតអស់រយៈពេល ១៤ ថ្ងៃនៅក្នុងខេត្តកំពង់ចាម រួចមកស្ត្រីរូបនេះ នឹងត្រូវអនុញ្ញាតឲ្យចាកចេញពីកន្លែងធ្វើចត្តាឡីស័ក ទៅកាន់ផ្ទះរបស់ខ្លួននៅថ្ងៃទី ៣០ ខែ កក្កដា ឆ្នាំ ២០២០។
ស្ត្រីឈ្មោះ Vira Rose នោះបានលួចរត់ចេញពីកន្លែងចត្តាឡីស័កក្នុងសណ្ឋាគារមួយកន្លែងនៅរាជធានីភ្នំពេញ ហើយបានរត់គេចទៅកាន់ខេត្តកំពង់ចាម។ បន្ទាប់មកអាជ្ញាធរបានរកឃើញនៅសណ្ឋាគារមួយក្នុងខេត្តកំពង់ចាម និងបានរៀបចំឲ្យស្រ្តីរូបនោះធ្វើចត្តាឡីស័ក និងតាមដានសុខភាព ១៤ ថ្ងៃជាថ្មី ដោយកាលពីនៅភ្នំពេញទើបតែចូលធ្វើចត្តាឡីស័ក ៣ ថ្ងៃប៉ុណ្ណោះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្តល់សិទ្ធិដោយ៖ helloគ្រូពេទ្យ
- Share This Post: