ប៉ុន្មានហេតុផលនេះ ប៉ាម៉ាក់ល្មមឈប់ដាក់ទណ្ឌកម្មកូនទៀតទៅ
- November 3, 2020
ប៉ាម៉ាក់ភាគច្រើន នៅពេលដែលកូនៗធ្វើអំពើមួយយើងមិនពេញចិត្ត ឬធ្វើខុស បើមិនបានវាយកូនមួយដៃដូចនៅមិនសុខ ព្រោះខ្លាចកូននៅតែខូច។ ប៉ុន្តែយើងត្រូវដឹងថា ការដែលប្រើពាក្យគំរោះគំរើយ ឬវាយដំកូនដោយសារចង់កែទង្វើឆ្គាំឆ្គងរបស់កូនចេញ មិនមែនជាតិចនិកល្អ ដូចដែលយើងគិតទេ ហើយបែរជាផ្ដល់ការចងចាំមិនល្អដល់កូនថែមទៀត។ ក្នុងករណីដែលកូនមិនស្ដាប់បង្គាប់ យើងមិនចាំបាច់វាយ ឬស្រែកគំហកដាក់កូនទេ ព្រោះអំពើវាយតប់ ស្រែកគំហកដាក់កូននេះ សុទ្ធតែផ្ដល់ភាពអវិជ្ជមានដល់កូន ថែមទាំងអាចឲ្យកូនខ្លាចយើងជាម៉ាក់ប៉ាមិនហ៊ាននៅជិតក៏ថាបាន។ នេះបើតាមការឲ្យដឹងរបស់លោកស្រីវេជ្ជបណ្ឌិត កុសល កណិការ ឯកទេសជំងឺកុមារ។
ការប្រើអំពើហិង្សាទៅលើកូន ជំនួសដោយការបង្រៀនលួងលោមកូន មិនអាចកែប្រែទង្វើខុសឆ្គងរបស់កូនបានទេ ហើយលើសពីនេះ វាអាចធ្វើឲ្យចរិតកូនកាន់តែយ៉ាប់៖
– ការដាក់ទណ្ឌកម្មកូន អាចធ្វើឲ្យកូនចេះនិយាយកុហក ដើម្បីគេចពីការវាយ ឬស្ដីឲ្យរបស់ម៉ាក់ប៉ា ហើយកូនអាចទម្លាក់កំហុសទៅឲ្យអ្នកផ្សេង ជាដើម
– ការដាក់ទណ្ឌកម្មមិនជួយសម្រួលដល់អារម្មណ៍កូនទេ បែរជាធ្វើឲ្យកូនគិតថា ម៉ាក់ប៉ាមិនស្រលាញ់ហើយលាក់ទុកអារម្មណ៍ខ្លួន រហូតផ្ទុះចេញមកក្រៅនៅថ្ងៃណាមួយ
– ទំនាក់ទំនងរវាងកូន និងម៉ាក់ប៉ានឹងត្រូវថយចុះនៅពេលដែលយើងវាយកូន ស្រែកគំហកខ្លាំងៗដាក់កូន
– យើងគិតថា ការដាក់ទណ្ឌកម្មកូននឹងធ្វើឲ្យកូនស្គាល់កំហុស ឬកែប្រែចរិតមកត្រឹមត្រូវវិញ តែពេលខ្លះ យើងកាន់តែដាក់ទណ្ឌកម្ម កូនកាន់តែល្មើសសម្ដីយើង ធ្វើរឿងអាក្រក់ៗលើសដើម
– ចំពោះក្មេងៗ នៅពេលដែលយើងងាកវាយ ងាយស្រែកឲ្យ អាអូនច្បាស់ជាគិតថា ម៉ាក់ប៉ាមិនស្រឡាញ់ ហើយអាចបណ្ដាលឲ្យកូនបាត់បង់ភាពជឿជាក់លើខ្លួនឯង ឬអាចប៉ះពាល់ទៅដល់ផ្លូវចិត្តរបស់កូនថែមទៀត។ល។
នៅពេលដែលកូនមួរម៉ៅ កិកកុក ឬមានចរិតមិនសមរម្យ យើងត្រូវរកមូលហេតុច្បាស់មុនសិនថា ហេតុអីបានសុខៗកូនមានចរិតបែបនេះ។ ម៉ាក់ប៉ាក៏អាចដោះស្រាយចរិតមិនសមរម្យរបស់កូនបានដោយវិធីត្រជាក់អស់នេះបានដែរដូចជា៖
+ បង្ហាញក្ដីស្រលាញ់ទៅកូន
+ បង្រៀនកូនឲ្យចេះសុំទោស
+ បញ្ជាក់ពីវិន័យច្បាស់ៗជាមួយកូន
+ បង្រៀនកូនឲ្យចេះទទួលខុសត្រូវកំហុសខ្លួន។ល។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្តល់សិទ្ធិដោយ៖ Helloគ្រូពេទ្យ
- Share This Post:
អត្តបទទាក់ទង
-
សុខភាពរោគសញ្ញា ១០ យ៉ាង បង្ហាញថាយើងកំពុងខ្វះវីតាមីន C
December 4, 2021
-
សុខភាពតើការទទួលទានកាហ្វេច្រើន នឹងអោយវិវត្តន៏ជាជំងឺទឹកនោមផ្អែមប្រភេទទី២ទេ? (ពន្យល់ដោយលោកវេជ្ជបណ្ឌិត អុឹង បញ្ញារិទ្ធ)
October 10, 2021
-
សុខភាពស្រីៗមានផ្ទៃពោះ ចង់ញ៉ាំទុរេន ត្រូវដឹងរឿងទាំងនេះសិន!
January 25, 2021
-
សុខភាពចំណីអាហារមានដាក់សារធាតុបូរ៉ាក់ ញ៉ាំទៅប៉ះពាល់អីខ្លះ?
January 16, 2021