[ទំព័រម្ហូប] នំផាយសូកូឡា ធ្វើជារបស់ផ្អែមៗលាងមាត់ក្រោយបាយក៏បាន ធ្វើញ៉ាំលេងកំដរមាត់ពេលរសៀលក៏អ៊ែម
- BY
- autoadmin
- October 15, 2021
សួស្តីបងប្អូនទាំងអស់គ្នា ចង់ញាំរបស់ផ្អែមៗលាងមាត់មែនទេ តោះយើងមានរូបមន្តងាយៗប្រើពេលមិនយូរ ដូចជានំផាយសូកូឡា មកចែកជូន ធានាថាត្រូវមាត់ក្មេងៗជាមិនខាន តោះយើងមកមើលគ្រឿងផ្សំនិងវិធីធ្វើទាំងអស់គ្នា៖
*គ្រឿងផ្សំ
- នំបុ័ង ២០បន្ទះ
- សូកូឡាបន្ទះ ១០បន្ទះ
- ពងមាន់ ២គ្រាប់
- ទឹកដោះគោស្រស់ ១៥០មីលីលីត្រ
- ប័រសាប ១០០ក្រាម
*វិធីធ្វើ
- ជាដំបូងយើងគោះពងមាន់ដាក់ចាន និងផ្សំទឹកដោះគោស្រស់ រួចវាយអោយចូលគ្នាល្អ រូចទុកមួយអន្លើរ
- ក្រោយមកទៀតយើងយកបន្ទះនំបុ័ងមកកាត់រឹមជុំវិញចេញ ក្រោយមកលាបពងមាន់ទឹកដោះគោស្រស់ដែលយើងវាយចូលគ្នា មុននេះលាបអោយសប់នំបុ័ងទាំងពីរបន្ទះដែលត្រូចផ្គុំចូលគ្នា រួចដាក់បន្ទះសូកូឡាត្រង់ចំណុចកណ្តាល ក្រោយមកផ្គុំនំបុ័ងទាំងពីរបន្ទះចូលគ្នា អោយផ្អឹបចូលគ្នាល្អរួចយកពងមាន់ទឹកដោះគោស្រស់លាបអោយសប់នំបុ័ងផ្នែកខាងក្រៅ
- ក្រោយមកទៀតចាក់ប័រចូលក្នុងខ្ទះអោយរលាយរួចយកបន្ទះនំបុ័ងមកចៀន អោយលឿងឈ្ងុយនិងស្រួយល្អ រួចស្រង់ឡើងដាក់ចាន ជាការស្រេច។
- Share This Post: