Kane រកបានគ្រាប់បាល់ទី ៣០០នៅ Premier League ខណៈ Spur លុតម្ចាស់ផ្ទះ Crystal Palace ៤ : ០ ក្នុងជំនួប London derby
- BY
- Pheakdey
- January 5, 2023
អង់គ្លេស៖ កីឡាករខ្សែប្រយុទ្ធឆ្នើមរបស់ក្រុមមាន់ខ្នាយមាស Tottenham Hotspur គឺកីឡាករ Harry Kane អាចរកបានគ្រាប់បាល់ទី ៣០០ របស់ខ្លួននៅក្នុងក្របខណ្ឌ Premier League ហើយ ក្រោយកីឡាកររូបនេះអាចរកបាន ២គ្រាប់ម្នាក់នៅក្នុងជំនួបទល់នឹងក្រុម Crystal Palace។ គួរកត់សម្គាល់ថា ក្នុងការប្រកួតកាលពីយប់មិញនេះគឺជាជំនួបដ៏ពិសេសមួយ ដែលនៅក្នុងពិភពបាល់ទាត់អង់គ្លេសបានហៅថា London derby ឬជាការប្រកួតរវាងក្រុមធំៗដែលមកពីទីក្រុងឡុងដ៏ជាមួយគ្នា។
គួរកត់សម្គាល់ថា នៅក្នុងជំនួបដ៏ធំនេះក្រុម Tottenham Hotspur បានទទួលជ័យជំនះក្នុងលទ្ធផលរហូតដល់ ៤ ទល់ ០ ដោយនៅក្នុងនោះ កីឡាករ Harry Kane អាចរកបាន ២គ្រាប់គឺនៅនាទី ទី៤៨ និង នាទី ទី៥៣ ហើយគ្រាប់ទី ៣ អាចរកដោយកីឡករខ្សែបម្រើស្លាបសាំ Matt Doherty នៅនាទី ទី៦៨ ខណៈគ្រាប់ទី ៤ គឺជាកាសុតបញ្ចូលទៅបានយ៉ាងល្អពីសំណាក់ខ្សែប្រយុទ្ធឆ្នើមរបស់កូរ៉េខាងត្បូងគឺប្រុសស្អាត Son Heung-min នៅនាទី ទី៧២៕
អត្ថបទ៖ ភក្តី
ប្រភព៖ Channel News Asia
- Share This Post: