បារាំង៖ របាយការណ៍មួយបង្ហាញថា មនុស្សរាប់លាននាក់អាចប្រឈមនឹងការខ្វះខាតអាហារ ឬគ្មានអាហារសម្រាប់ទទួលទានតែម្តង ប្រសិនបើច្រកសមុទ្រហ័រមូសនៅតែ​មិនអាចបើកឡើងវិញក្នុងដ៏ខ្លីខាងមុខ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១២ ខែឧសភា។ របាយការណ៍នេះត្រូវបានសិក្សានិងផ្សព្វផ្សាយដោយក្រុមការងារពិសេសរបស់អង្គការសហប្រជាជាតិ ដែលមានគោលបំណងបញ្ចៀសវិបត្តិមនុស្សធម៌នៅលើពិភពលោក។ បើតាមលោក Jorge Moreira da Silva ប្រធានដឹកនាំគម្រោងសិក្សាខាងលើបានពន្យល់ថា នាពេលបច្ចុប្បន្ននេះមានកប៉ាក់ដឹកជីជាច្រើនគ្រឿងកំពុងជាប់គាំងមិនអាចបើកឆ្លងកាត់ច្រកសមុទ្រហ័រមូសនោះទេ ខណៈជីទាំងនោះគឺជាវត្ថុធាតុដើមយ៉ាងសំខាន់មួយសម្រាប់វិស័យកសិកម្មនៅក្នុងបណ្តាប្រទេសជាច្រើននៅជុំវិញពិភពលោក។ ប្រធានដឹកនាំគម្រោងរូបនេះបានបន្តថា ប្រសិនបើច្រកសមុទ្រហ័រនៅតែបន្តបិទក្នុងរយៈពេលយូរទៀតនោះ ពោលគឺរហូតដល់ផុតរដូវដាំដុះក្នុងឆ្នាំនេះ គឺមានន័យថាកសិកររាប់លាននឹងគ្មានជីសម្រាប់ធ្វើកសិកម្មនោះទេ ហើយទិន្នផលសំខាន់ៗរប​ស់ពួកគេនៅឆ្នាំបន្ទាន់ ជាពិសេសគឺដំណាំស្រូវ នឹងត្រូវធ្លាក់ចុះយ៉ាងគំហុកតែម្តង។ តាមការវាយតម្លៃនៅក្នុងការសិក្សាបានបង្ហាញថា ប្រសិនបើសេណារីយ៉ូដូចបានជម្រាប់ជូនខាងលើបន្តកើតឡើងពិតមែននោះ គឺនឹងមានពលរដ្ឋប្រមាណជា ៤៥លាននាក់នឹងត្រូវជួបប្រទះបញ្ហាខ្វះខាតអាហារ ឬគ្មានអាហារសម្រាប់ទទួលទានតែម្តង៕ អត្ថបទ៖

អាមេរិក៖ សហរដ្ឋអាមេរិកបានប្រកាសដាក់ទណ្ឌកម្មលើក្រុមហ៊ុនប្រេងចំនួន ៩បន្ថែមទៀត ជុំវិញករណីដឹកជញ្ជូនប្រេងចេញពីប្រទេសអ៊ីរ៉ង់ទៅកាន់ប្រទេសចិន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី១២ ខែឧសភា។ នៅក្នុងការដាក់ទណ្ឌកម្មថ្មីនេះក៏មានបញ្ជូលទាំងមនុស្សដែលមានការពាក់ព័ន្ធចំនួន ៣នាក់ផងដែរ ខណៈអត្តសញ្ញាណរបស់ពួកគេមិនត្រូវបានបង្ហាញជាសាធារណៈនោះទេ។ បើតាមលោក Scott Bessent រដ្ឋមន្ត្រីក្រសួងរតនាគារអាមេរិកបានបញ្ជាក់ថា នៅក្នុងចំណោមក្រុមហ៊ុនប្រេងទាំង ៩ខាងលើនេះ គឺមានក្រុមហ៊ុនចំនួន ៤មានមូលដ្ឋានៅក្នុងទីក្រុងហុងកុង ក្រុមហ៊ុនចំនួន ៤មានមូលដ្ឋានៅក្នុងប្រទេសអេមីរ៉ាតអារ៉ាប់រួម និងមួយក្រុមហ៊ុនទៀតមានមូលដ្ឋានៅក្នុងប្រទេសអូម៉ង់។ គួរកត់សម្គាល់ថា ការប្រកាសដាក់ទណ្ឌកម្មទៅលើក្រុមហ៊ុនផ្គត់ផ្គង់ប្រេងទៅកាន់ប្រទេសចិននៅពេលនេះ ត្រូវធ្វើឡើងមុនពេលលោក ដូណាល់ ត្រាំ ត្រូវអញ្ជើញទៅធ្វើទសន្សកិច្ចក្នុងប្រទេសចិនតែប៉ុន្មានថ្ងៃប៉ុណ្ណោះ ពោលគឺតាមគម្រោងប្រធានាធិបតីអាមេរិកនឹងត្រូវទៅបំពេញទស្សនកិច្ចក្នុងប្រទេសចិនចាប់ពីថ្ងៃទី១៣ ដល់ថ្ងៃទី១៥ ខែឧសភានេះ៕ អត្ថបទ៖

នេប៉ាល់៖ យន្តហោះដឹកអ្នកដំណើរមួយគ្រឿងបានឆេះក្នុងអំឡុងពេលចុះចតនៅក្នុងព្រលានយន្តហោះអន្តរជាតិ Tribhuvan International របស់ប្រទេសនេប៉ាល់ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី១២ ខែឧសភា។ យ៉ាងណាក្តី ហេតុការណ៍នេះមិនបានបណ្តាលឱ្យអ្នកដំណើររងរបួសនោះទេ ដ្បិតប្រតិបត្តិការណ៍ពន្លត់អគ្គិភ័យត្រូវបានធ្វើឡើងទាន់ពេលវេលា។ ប្រភពខាងបានបន្តថា យន្តហោះដឹកអ្នកដំណើរមួយគ្រឿងនេះគឺជាយន្តហោះប្រភេទ  Airbus 330 ស្ថិតក្រោមការគ្រប់គ្រងរបស់ក្រុមហ៊ុនអាកាសចរណ៍ Turkish Airlines។ នៅក្នុងយន្តហោះមានផ្ទុកអ្នកដំណើរសរុបចំនួន ២៧៧នាក់ និងក្រុមអ្នកបម្រើការងារនៅលើយន្តហោះចំនួន ១១នាក់ ហើយយន្តហោះមានទិសដៅធ្វើដំណើរចេញពីទីក្រុង Istanbul ប្រទេសតួគី មកកាន់ទីក្រុង Kathmandu ប្រទេសនេប៉ាល់។ បើតាមអាជ្ញាធរអាកាសចរណ៍នេប៉ាល់បានបញ្ជាក់ថា បើទោះគ្រោះថ្នាក់មិនបានបណ្តាលឱ្យមានអ្នករងរបួសដ៏ដោយ តែនៅចំពោះមុខស្ថានភាពបន្ទាន់នេះគេបានសម្រេចបិទព្រលានយន្តហោះប្រមាណជា

អ្នកដំណើរមកពីកប៉ាល់ទេសចរណ៍ MV Hondius ចំនួន ២នាក់បន្ថែមទៀត ត្រូវបានតេស្តវិជ្ជមានមេរោគ Hantavirus នេះបើយោងតាមការចុះផ្សាយរបស់បណ្តាញសារព័ត៌មាន CNN នៅក្នុងថ្ងៃទី១១ ខែឧសភា។ ទន្ទឹមគ្នានេះក៏មានអ្នកដំណើរ ៣-៤នាក់ផ្សេងទៀតកំពុងកើតមានរោគសញ្ញានៃការឆ្លងមេរោគ Hantavirus ផងដែរ តែការធ្វើតេស្តចំពោះពួគគេនៅមិនទាន់បង្ហាញលទ្ធផលវិជ្ជមាននៅឡើយទេ។ ប្រភពខាងលើបានបន្តថា ករណីឆ្លងថ្មីនេះនេះ​បានកើតឡើងចំពោះអ្នកដំណើរអាមេរិកម្នាក់ និងអ្នកដំណើរបារាំងម្នាក់។ គួររម្លឹកជូនថា នៅលើនាវាទេសចរណ៍ MV Hondius មានផ្ទុកមនុស្សសរុបចំនួន ១៤៧នាក់ ដែលមកពីប្រទេសចំនួន ១៩ផ្សេងគ្នា ខណៈនៅក្នុងពេលនេះអាជ្ញាធរនៃប្រទេសអស់នោះកំពុងប្រើប្រាស់មធ្យោបាយផ្សេងៗគ្នា ដើម្បីនាំពលរដ្ឋរបស់ពួកគេចេញពីប្រទេសអេស្ប៉ាញទៅកាន់ប្រទេសកំណើតរៀងៗខ្លួនវិញ៕ អត្ថបទ៖ ភក្តី ប្រភព៖ CNN

ម៉ិចស៊ីកូ៖ អាជ្ញាធរនៃប្រទេសម៉ិចស៊ីកូ បានប្រកាសពីគម្រោងបិទបញ្ចប់ឆ្នាំសិក្សាមុនពេលកំណត់ជាងមួយខែ ពោលគឺមុនព្រឹត្តិការណ៍​បាល់ទាត់ពិភពលោក​ World Cup ២០២៦ ចូលមកដល់ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី៩ ខែឧសភា។ សេចក្តីសម្រេចនេះក៏បានជំរុញឱ្យមានប្រតិកម្មយ៉ាងខ្លាំងនៅក្នុងចំណោមពលរដ្ឋម៉ិចស៊ីកូជាច្រើននាក់ផងដែរ។ បើតាមលោក Mario Delgado រដ្ឋមន្ត្រីក្រសួងអប់រំម៉ិចស៊ីកូបានបញ្ជាក់ថា ផលប៉ះពាល់នៃរលកកម្តៅចំពោះសិស្សានុសិស្សក្មេងៗគឺជាហេតុផលមួយ និងបន្ថែមដោយការមកដល់នៃព្រឹត្តិការណ៍​បាល់ទាត់ពិភពលោក​ World Cup ២០២៦ ទើបអាជ្ញាធរសម្រេចបញ្ចប់ឆ្នាំសិក្សាមុនពេលកំណត់ ៤០ថ្ងៃតែម្តង។ សូមបញ្ជាក់ជូនថា ព្រឹត្តិការណ៍​បាល់ទាត់ពិភពលោក​ World Cup ២០២៦ នឹងត្រូវចាប់ផ្តើមចាប់ពីថ្ងៃទី១១ ខែមិថុនា រហូតដល់

ស្វីស៖ អង្គការសុខភាពពិភពលោកបានបញ្ជាក់ថា គិតត្រឹមថ្ងៃទី៩ ខែឧសភានេះ មានអ្នកជំងឺសរុបចំនួន ៦នាក់ហើយ​ ដែលត្រូវបានធ្វើតេស្តវិជ្ជមានមេរោគ Hantavirus ខណៈអ្នកជំងឺ ២នាក់ផ្សេងទៀតកំពុងស្ថិតនៅក្នុងការតាមដានសុខភាព ដ្បិតក្រុមគ្រូពេទ្យកំពុងសង្ស័យថា ពួកគេក៏អាចនឹងឆ្លងមេរោគផងដែរ។ យោងតាមការចុះផ្សាយរបស់បណ្តាញសារព័ត៌មាន The Strait Time បានបញ្ជាក់ថា អ្នកឆ្លងនិងអ្នកកំពុងស្ថិតក្នុងការសង្ស័យទាំង ៨នាក់នេះគឺជាក្រុមអ្នកដំណើរនៅនាវាទេសចរណ៍ ដែលជាកន្លែងផ្ទុះការរាតត្បាតមេរោក Hantavirus ដំបូង ពោលគឺវាមិនមែនជាករណីថ្មីនោះទេ។ ប្រភពខាងលើបានបន្តថា ដោយផ្អែកទៅលើតួលេខអ្នកឆ្លងនិងសង្ស័យចំនួន ៨ករណី និងមានអ្នកស្លាប់ចំនួន ៣ករណីផងនោះ ក្រុមអ្នកអ្នកជំនាញបានទាញសេចក្តីសន្និដ្ឋានជាបឋមថា មេរោគ Hantavirus អាចបង្កឱ្យមានអត្រាមរណភាព ៣៨%។ អង្គការសុខភាពពិភពលោកបានវាយតម្លៃថា

ឥណ្ឌូណេស៊ី៖ អ្នកដើរឡើងភ្នំចំនួន ៣នាក់បានស្លាប់បាត់បង់ជីវិតក្រោយភ្នំភ្លើងដ៏ធំមួយនៅក្នុងប្រទេសឥណ្ឌូណេស៊ីបានផ្ទុះ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី៨ ខែឧសភា។ ភ្នំភ្លើងមួយកន្លែងនេះមានឈ្មោះថា Dukono មានទីតាំងស្ថិតនៅលើកោះ Halmahera ភាគខាងកើត នៃប្រទេសឥណ្ឌូណេស៊ី។ បើតាមអាជ្ញាធរឥណ្ឌូណេស៊ីបានបញ្ជាក់ថា នៅក្នុងចំណោមជនរងគ្រោះដែលបានស្លាប់បាត់បង់ជីវិតទាំង ៣រូបនោះ គឺមានម្នាក់ជាពលរដ្ឋឥណ្ឌូណេស៊ី និង ២រូបផ្សេងទៀតគឺជាជនបរទេស។ ប្រភពខាងលើបានបន្តថា តួលេខអ្នកស្លាប់បាត់បង់ជីវិតអាចបន្តកើនឡើងបន្ថែមទៀត ដ្បិតគិតត្រឹមពេលនេះក៏នៅមានអ្នកដើរឡើងភ្នំចំនួន ១០នាក់ផ្សេងទៀតកំពុងតែបាត់ខ្លួនផងដែរ៕ អត្ថបទ៖ ភក្តី ប្រភព៖ Channel News Asia

ស្វីស៖ យ៉ាងហោចណាស់មានកប៉ាល់ប្រមាណជា ១,៥០០គ្រឿង កំពុងជាប់គាំងនៅតំបន់ឈូងសមុទ្រពែក្សដោយសារតែការបិទផ្លូវនៅចក្រសមុទ្រហ័រមូសរបស់អ៊ីរ៉ង់ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី៨ ​ខែឧសភា។ តួលេខខាងលើនេះត្រូវបានបញ្ចេញដោយអង្គការសមុទ្រអន្តរជាតិ (IMO) ដែលជាផ្នែកមួយរបស់អង្គការសហប្រជាជាតិ។ ប្រភពខាងលើបានបន្តថា នៅលើកប៉ាល់ទាំង ១,៥០០គ្រឿងនោះក៏មានផ្ទុកក្រុមនាវិកសរុបប្រមាណជា ២០,០០០នាក់ផងដែរ ដែលបានជាប់នៅទីនោះអស់រយៈពេលជាច្រើនថ្ងៃមកហើយ។ បើតាមលោក Arsenio Dominguez ដែលជាអគ្គលេខាធិការនៃអង្គការសមុទ្រអន្តរជាតិបានឱ្យបញ្ជាក់ថា តាមធម្មតាគឺមានទំនិញនៅលើពិភពលោកចំនួន ៨០% ត្រូវបានដឹកជញ្ជូននិងចែកចាយតាមផ្លូវសមុទ្រ ដូចនេះការជាប់គាំងរបស់កប៉ាល់ដឹកទំនិញក្នុងចំនួនដ៏ច្រើននេះបានធ្វើឱ្យប៉ះពាល់ដល់ការផ្គត់ផ្គង់ទំនិញសំខាន់ៗជាច្រើននៅក្នុងទីផ្សារពិភពលោកផងដែរ៕ អត្ថបទ៖ ភក្តី ប្រភព៖ Channel News Asia

វៀតណាម៖ អាជ្ញាធរវៀតណាមបានឃាត់ខ្លួនមនុស្ស ២នាក់ជុំវិញករណីផលិតនិងចែកចាយគ្រឿងទេសក្លែងក្លាយ ដែលអាចបណ្តាល​ឱ្យប៉ះពាល់ដល់សុខភាពអ្នកទទួលទាន នេះបើយោងតាមការចុះផ្សាយរបស់បណ្តាញសារព័ត៌មាន VN Express នៅក្នុងថ្ងៃទី៧ ខែឧសភា។ គ្រឿងទេសដែលជនខិលខូចបានផលិតនិងចែកចាយនោះមានដូចជា ប៊ីចេង និងម្សៅស៊ុប ដែលសុទ្ធតែត្រូវបានច្រកក្នុងកញ្ចប់ផលិតផលម៉ាកកំពុងល្បីនៅលើទីផ្សារ។ Duong Thi Yen Oanh (រូបឆ្វេង) និង Ho Tu Phung (រូបស្តាំ) ប្រភពខាងលើបានបន្តថា ក្នុងការបង្ក្រាបករណីខាងលើនេះអាជ្ញាធរវៀតណាមក៏បានរឹបអូសប៊ីចេង និងម្សៅស៊ុបក្លែងក្លាយប្រមាណជា ៣តោនផងដែរ ដែលក្រុមជនខិលខូចបានរក្សាទុកនៅក្នុងផ្ទះជួលរបស់ពួកគេ។ បើតាមអាជ្ញាធរវៀតណាមបានបញ្ជាក់ថា ជនសង្ស័យក្នុងករណីខាងលើនេះមានចំនួនសរុប ៣នាក់ រួមមាន ឈ្មោះ Duong

អ៊ីរ៉ង់៖ ប្រទេសអ៊ីរ៉ងបានឱ្យដឹងថា ខ្លួនកំពុងពិនិត្យមើលសំណើសន្តិភាពរបស់សហរដ្ឋអាមេរិក នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី៧ ខែឧសភា។ តាមការរំពឹងទុក គឺសង្គ្រាមទំនងជាអាចត្រូវបានបញ្ចប់ក្នុងពេលដ៏ខ្លីខាងមុខ បើទោះជាលក្ខខណ្ឌទាមទារមួយចំនួននៅមិនទាន់អាចដោះស្រាយបានដោយ​រលូនក៏ដោយ។ គួរកត់សម្គាល់ថា នៅក្នុងកិច្ចចរចារសន្តិភាពនាពេលកន្លងមកភាគីអាមេរិកបានទាមទារលក្ខខណ្ឌសំខាន់ៗជាច្រើន ហើយនៅក្នុងនោះគឺមានលក្ខខណ្ឌចំនួន ២ ដែលគេរំពឹងថា នឹងត្រូវបន្តដោះស្រាយឬចរចារគ្នាក្នុងរយៈពេលយូរបន្ថែម ពោលគឺការទាមទារឱ្យអ៊ីរ៉ង់បោះបង់ចោលទាំងស្រុងនូវកម្មវិធីនុយក្លេអ៊ែរ និងការបើកច្រកសមុទ្រហ័រមូលឱ្យប្រក្រតីដូចមុនពេលមានសង្គ្រាមឡើងវិញ។ ប្រភពខាងលើបានបន្តថា បើគ្មានអ្វីប្រែប្រួលទេគឺកិច្ចព្រមព្រៀងថ្មីមួយរវាងអាមេរិកនិងអ៊ីរ៉ងនឹងត្រូវកើតមានឡើងនៅក្នុងរយៈពេល ២៤ម៉ោងទៀត៕ អត្ថបទ៖ ភក្តី ប្រភព៖ Channel News Asia