អ៊ីរ៉ង់៖ ប្រទេសអ៊ីរ៉ង់បានព្រមានថា ខ្លួនកំពុងរៀបចំ “សន្លឹកបៀរថ្មីនៅលើសមរភូមិ” ប្រសិនបើសង្គ្រាមជាមួយអាមេរិកត្រូវបន្តឡើងវិញ នេះបើយោងតាមការចុះផ្សាយរបស់បណ្តាញសារព័ត៌មាន BBC នៅក្នុងល្ងាចថ្ងៃទី២១ ខែមេសា។ ការព្រមាននេះត្រូវបានធ្វើឡើងស្របពេលដែលប្រទេសប៉ាគីស្ថានកំពុងរៀបចំឱ្យមានកិច្ចចរចារសន្តិភាពរវាងអាមេរិកនិងអ៊ីរ៉ង់ជាថ្មីម្តងទៀត។ ជុំវិញស្ថានភាពខាងលើនេះ ភាគីខាងអាមេរិកក៏បានគំរាមទម្លាក់គ្រាប់បែកកម្ទេចអ៊ីរ៉ង់ផងដែរ ប្រសិនបើគ្មានកិច្ចចរចារសន្តិភាពណាមួយត្រូវបានធ្វើឡើងនោះទេ។គួរកត់សម្គាល់ថា ​​​​​​​បទឈប់បាញ់រវាងកងកម្លាំងសហរដ្ឋអាមេរិកនិងអ៊ីរ៉ង់នឹងត្រូវអស់សុភពភាពត្រឹមថ្ងៃពុធនេះហើយ ខណៈគិតត្រឹមពេលនេះភាពតានតឹងរវាងអាមេរិកនិងអ៊ីរ៉ង់ហាក់មិនមានសញ្ញាវិជ្ជមានទាល់តែសោះ៕ អត្ថបទ៖ភក្តី ប្រភព៖ BBC

ឥណ្ឌា៖ យ៉ាងហោចណាស់មានមនុស្សចំនួន ២៥នាក់បានស្លាប់បាត់បង់ជីវិតក្នុងហេតុការណ៍ផ្ទុះក្នុងរោងចក្រផលិតកាំជ្រួចមួយកន្លែងនៅក្នុងប្រទេសឥណ្ឌា នេះបើយោងតាមការចុះផ្សាយរបស់បណ្តាញសារព័ត៌មាន BBC នៅថ្ងៃទី២១ ខែមេសា។ ក្រៅតែពីបានបណ្តាលឱ្យមានមនុស្សត្រូវស្លាប់ហើយក៏នៅមានមនុស្សចំនួន ៤នាក់ផ្សេងទៀតបានរងរបួសធ្ងន់ធ្ងរផងដែរ។ ប្រភពខាងលើបានបន្តថា រោងចក្រដែលជាកន្លែងកើតហេតុខាងលើនេះមានឈ្មោះថា Vanaja Fireworks Industry មានទីតាំងស្ថិតនៅក្នុងទីក្រុង Virudhunagar នៃរដ្ឋ Tamil Nadu ភាគខាងត្បូងនៃប្រទេសឥណ្ឌា ហើយនៅក្នុងរោងចក្រមានកម្មករសរុបជាង ៥០នាក់។ បើតាមអាជ្ញាធរឥណ្ឌាបានបញ្ជាក់ថា ក្រោយកើតមានហេតុការណ៍អកុសលនេះម្ចាស់រោងចក្របានរត់គេចខ្លួនបាត់​ ខណៈពេលនេះក្រុមប៉ូលិសជំនាញកំពុងតាមចាប់ខ្លួនម្ចាស់រោងចក្ររូបនោះឱ្យមកដោះស្រាយបញ្ហាខាងលើនេះទៅតាមផ្លូវច្បាប់៕ អត្ថបទ៖ ភក្តី ប្រភព៖ BBC

ជប៉ុន៖ អាជ្ញាធរជប៉ុនបានព្រមានអំពីលទ្ធភាពនៃការកើតមានគ្រោះរញ្ជួយដីកម្រិតធ្ងន់ធ្ងរជាថ្មីម្តងទៀតនៅសប្តាហ៍ក្រោយ នេះបើយោងតាមការចុះផ្សាយរបស់បណ្តាញសារព័ត៌មាន BBC នៅក្នុងថ្ងៃទី២១ ខែមេសា។ ការព្រមាននេះត្រូវបានធ្វើឡើងក្រោយតំបន់ភាគភាគឦសាននៃប្រទេសជប៉ុនបានរងការវាយប្រហារដោយគ្រោះរញ្ជួយដីក្នុងកម្រិតរហូតដល់ ៧,៧រ៉ិចទ័រម្តងរួចហើយកាលពីថ្ងៃម្សិលមិញនេះ។ គួររម្លឹកជូនថា ក្រោយរងការវាយប្រហារដោយគ្រោះរញ្ជួយដីក្នុងកម្រិត ៧,៧រ៉ិចទ័រ កាលពីថ្ងៃម្សិលមិញ អាជ្ញាធរជប៉ុនក៏បានទាញសញ្ញាព្រមានអំពីលទ្ធភាពនៃការកើតមានរលកយក្សស៊ូណាមិក្នុងកម្រិតធ្ងន់ធ្ងរបន្ថែមទៀតផងដែរ។ យ៉ាងណាក្តី រហូតមកទល់នឹងពេលនេះរលកយក្សស៊ូណាមិដែលអាជ្ញាធរជប៉ុនបានព្រមាននោះនៅមិនទាន់កើតមាននៅឡើយទេ។​ គួររម្លឹកជូនថា កាលពីឆ្នាំ២០២១ ជប៉ុនធ្លាប់បានទទួលរងការវាយប្រហារដោយគ្រោះរញ្ជួយដីនិងរលកយក្សស៊ូណាមិកម្រិតធ្ងន់ធ្ងរម្តង​ ដែលពេលនោះបានបណ្តាលឱ្យមានមនុស្សត្រូវស្លាប់បាត់បង់ជីវិតរហូតដល់ជាង ១៨,០០០នាក់៕ អត្ថបទ៖ ភក្តី ប្រភព៖ BBC

ជប៉ុន៖ ប្រទេសជប៉ុនបានរងការវាយប្រហារដោយគ្រោះរញ្ជួយដីកម្រិត ៧,៥រ៉ិចទ័រ ដែលជាកម្រិតដ៏គ្រោះថ្នាក់មួយ នេះបើយោងតាមការចុះផ្សាយរបស់បណ្តាញសារព័ត៌មាន NHK នៅល្ងាចថ្ងៃទី២០ ខែមេសា។ ទីតាំងដែលជាកន្លែងរងការវាយប្រហារដោយគ្រោះធម្មជាតិខាងលើនេះគឺតំបន់ឆ្នេរសមុទ្រ Sanriku នៃខេត្ត Iwate ។ ក្រោយកើតមានគ្រោះរញ្ជួយដីក្នុងកម្រិតដ៏ខ្ពស់ខាងលើនេះ អាជ្ញាធរជប៉ុនក៏បានទាញសញ្ញាព្រមានអំពីលទ្ធភាពនៃការកើតមានរលកយក្សស៊ូណាមិផងដែរ ដោយរលកយក្សស៊ូណាមិអាចវាយប្រហារខេត្ត Iwate និងផ្នែកខ្លះនៃខេត្តHokkaido និងក្រុង Aomori ។ យ៉ាងណាក្តី រហូតមកទល់នឹងពេលនេះនៅមិនទាន់មានរបាយការណ៍បង្ហាញអំពីគ្រោះថ្នាក់ដែលបង្កឡើងដោយ​គ្រោះរញ្ជួយដីខាងលើនេះនៅឡើយទេ៕ អត្ថបទ៖ ភក្តី ប្រភព៖ NHK

អង់គ្លេស៖ អាវសង្គ្រោះជីវិតមិនឱ្យ​លង់ទឹក ឬជាទូទៅត្រូវបានគេហៅថាអាវពោងដ៏កម្រមួយត្រូវបានគេដាក់លក់ក្នុងតម្លៃរហូតដល់ ៦៧០,០០០ ផោន (ជាង ៩០០,០០០ដុល្លារអាមេរិក) នេះបើយោងតាមការចុះផ្សាយរបស់បណ្តាញសារព័ត៌មាន VN Express នៅក្នុងថ្ងៃទី១៩ ខែមេសា។ អាវពោងដែលមានតម្លៃយ៉ាងច្រើនមហាសាលនេះគឺជាអាវពោងរបស់អ្នកដំណើរម្នាក់នៅលើកប៉ាល់ទីតានិច (Titanic) ដែលបានលិចកាលពីឆ្នាំ ១៩១២។ ប្រភពខាងលើបានបន្តថា ការលក់អាវពោងខាងលើនេះត្រូវធ្វើឡើងជាលក្ខណៈដេញថ្លៃ​ ដែលរៀបចំឡើងដោយក្រុមហ៊ុនលក់ដេញថ្លៃដ៏ធំមួយនៅក្នុងប្រទេសអង់គ្លេស ឈ្មោះ Henry Aldridge & Son។ គួររម្លឹកជូនថា កប៉ាល់ទីតានិច ដែលមានផ្ទុកមនុស្សសរុបជាង ២,០០០នាក់ បានចេញដំណើរពីប្រទេសអង់គ្លេសនៅក្នុងថ្ងៃទី១០ ខែមេសា ឆ្នាំ១៩១២ ដោយមានទិសដៅធ្វើដំណើរទៅកាន់សហរដ្ឋមេរិក ហើយកប៉ាល់បានលិចនៅក្នុងយប់ថ្ងៃថ្ងៃទី១៤​ ឆ្លងចូលថ្ងៃទី១៥

អាមេរិក៖ សហរដ្ឋអាមេរិកបានរឹបអូសកប៉ាល់ដឹកទំនិញរបស់អ៊ីរ៉ង់មួយគ្រឿង ដែលបានព្យាយាមបើកចេញពីការបិទផ្លូវរបស់ខ្លួន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី២០ ខែមេសា។ ការរឹបអូសនេះបានកើតឡើងខណៈដែរប្រទេសអ៊ីរ៉ង់បានបដិសេដមិនចូលរួមការចរចាសន្តិភាពជុំទីពីរនោះទេ។ ឆ្លើយតបនឹងសកម្មភាពរបស់យោធាអាមេរិកខាងលើនេះប្រទេសអ៊ីរ៉ង់បានប្រកាសថា នឹងសងសឹងអាមេរិកវិញឱ្យសមទៅតាមអ្វី ដែលយោធាអាមេរិកបានធ្វើមកលើខ្លួន។ តាមរយៈភាពតានតឹងដែលកំពុងកើតឡើងថ្មីៗនេះ ក្រុមអ្នកវិភាគអំពីស្ថានភាពជម្លោះនៅតំបន់មជ្ឈិមបូព៌ាបានសម្តែងការព្រួយបាមរម្ភជាថ្មីថា បទឈប់បាញ់រវាងអាមេរិកនិងអ៊ីរ៉ង់គឺកាន់តែផុយស្រួល ពោលគឺលទ្ធភាពនៃការផ្ទុះអាវុធជាថ្មីមានខ្ពស់ខ្លាំងណាស់៕  អត្ថបទ៖ ភក្តី ប្រភព៖ Channel News Asia

អាមេរិក៖ មានរឿងរ៉ាវគួរឱ្យចាប់អារម្មណ៍ជាច្រើនបានកើតឡើងយ៉ាងឆាប់រហ័ស ក្រោយកិច្ចចរចារសន្តិភាពរវាងអាមេរិកនិងអ៊ីរ៉ង់នៅក្នុងទីក្រុងអ៊ីស្លាម៉ាបាដ នៃប្រទេសប៉ាគីស្ថានកាលពីចុងសប្តាហ៍នេះទទួលបរាជ័យ។ រឿងរ៉ាវទាំងនោះមានដូចជា តម្លៃប្រេងបានកើនឡើង ៨% ខណៈយោធាអាមេរិកបានប្រកាសបិទចក្រផ្លូវសមុទ្រទាំងអស់របស់អ៊ីរ៉ង់ និងបំផ្លាញមីនដែលអ៊ីរ៉ង់បានទម្លាក់នៅក្នុងច្រកសមុទ្រ Hormuz L1N40Q0L0 ដែលជាចំណុចស្ទះសម្រាប់ការផ្គត់ផ្គង់ថាមពលសកលប្រហែល ២០%ផងដែរ។ ជុំវិញចំណាត់ការរបស់យោធាអាមេរិកខាងលើនេះ ក្រុមអ្នកវិភាគជាច្រើននៅលើពិភពលោកលើកឡើងថា​ ការសម្រេចបិទច្រកសមុទ្ររបស់អ៊ីរ៉ង់ពីសំណាក់យោធាអាមេរិក នឹងបង្កឱ្យមានការសងសឹកដោយប្រើកម្លាំងយោធាយ៉ាងខ្លាំងក្លាពីប្រទេសអ៊ីរ៉ង់វិញផងដែរ។ ប្រសិនបើសេណារីយ៉ូ ​​​​នៃការសងសឹងដោយប្រើកម្លាំងយោធាពីសំណាក់ប្រទេសអ៊ីរ៉ង់បានកើតឡើងពិតមែន គឺសង្គ្រាមរវាងអាមេរិកនិងអ៊ីរ៉ង់នឹងរីកកាន់តែធំ ហើយពិភពលោកទាំងមូលក៏ត្រូវបន្តរងផលប៉ះពាល់ពីវិបត្តិខ្វះខាតប្រេងឥន្ទនៈកាន់តែយូរបន្ថែមទៀតផងដែរ។ សូមបញ្ជាក់ជូនថា គិតត្រឹមពេលនេះអាមេរិកនិងអ៊ីរ៉ង់កំពុងអនុវត្តបទឈប់បាញ់ ដែលមានរយៈរហូតដល់ ២សប្តាហ៍ ខណៈគេបានមើលឃើញបទឈប់បាញ់នេះគឺមានភាពផុយស្រួយខ្លាំងណាស់៕ អត្ថបទ៖ ភក្តី ប្រភព៖ Channel News Asia

ជប៉ុន៖ តម្លៃប្រេងនៅលើទីផ្សារពិភពលោកបានហក់ឡើង ៨%នៅក្នុងថ្ងៃចន្ទ ទី១៣ ខែមេសា នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ តម្លៃប្រេងបានកើនឡើងយ៉ាងឆាប់រហ័ស ក្រោយកិច្ចចរចារសន្តិភាពរវាងអាមេរិកនិងអ៊ីរ៉ង់ទទួលបរាជ័យ។ គិតត្រឹមពេលនេះ តម្លៃប្រេងឆៅទាំង ២ប្រភេទ នៅក្នុងទីផ្សារពិភពលោកមានដូចខាងក្រោម៖ -ប្រេងឆៅប្រភេទ Brent មានតម្លៃ  ១០២ដុល្លារក្នុងមួយធុងបារ៉ែល (កើនឡើង ៧%) -ប្រេងឆៅប្រភេទ West Texas Intermediate មានតម្លៃ ១០៤,៥០ដុល្លារក្នុងមួយធុងបារ៉ែល (កើនឡើង ៨%)៕ អត្ថបទ៖ ភក្តី ប្រភព៖ Channel News

អាមេរិក៖ យោធាអាមេរិកបាននិយាយថា នឹងបិទចរាចរណ៍ផ្លូវសមុទ្រសម្រាប់ចេញ-ចូលកំពង់ផែនៅក្នុងប្រទេសអ៊ីរ៉ង់ទាំងអស់ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១៣ ខែមេសា។ ការថ្លែងខាងលើនេះត្រូវបានធ្វើឡើងបន្ទាប់ពីលោក ដូណាល់ ត្រាំ បានបញ្ជាក់ថា កិច្ចចរចារសន្តិភាពរវាងអាមេរិកនិងអ៊ីរ៉ង់កាលពីចុងសប្តាហ៍នេះគឺពុំមានផ្លែផ្កាអ្វីនោះទេ។ បន្ថែមពីវិធានការបិទផ្លូវសមុទ្ររបស់អ៊ីរ៉ង់ហើយ យោធាអាមេរិកក៏បានប្រកាសនឹងបំផ្លាញមីនដែលអ៊ីរ៉ង់បានទម្លាក់នៅក្នុងច្រកសមុទ្រ Hormuz L1N40Q0L0 ដែលជាចំណុចស្ទះសម្រាប់ការផ្គត់ផ្គង់ថាមពលសកលប្រហែល ២០%ផងដែរ។ គួរបញ្ជាក់ជូនថា កិច្ចចរចារសន្តិភាពរវាងអាមេរិកនិងអ៊ីរ៉ង់ត្រូវបានរៀបចំឡើងនៅក្នុងថ្ងៃសៅរ៍ និងអាទិត្យ ចុងសប្តាហ៍កន្លងទៅនេះ ​នៅក្នុងទីក្រុង Islamabad នៃប្រទេសប៉ាគីស្ថាន ស្របពេលដែលអាមេរិកនិងអ៊ីរ៉ង់បានយល់ព្រមអនុវត្តបទឈប់បាញ់ក្នុងរយៈពេល ២សប្តាហ៍៕ អត្ថបទ៖ ភក្តី ប្រភព៖ The Strait

ឥណ្ឌា៖ យ៉ាងហោចណាស់សមានមនុស្សចំនួន ១០នាក់បានស្លាប់បាត់បង់ជីវិតនៅក្នុងហេតុការណ៍មានទូកមួយគ្រឿងបានបើកទៅបុកស្ពានមួយកន្លែងនៅក្នុងប្រទេសឥណ្ឌា។ យោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១១ ខែមេសា បានបញ្ជាក់ថា ហេតុការណ៍អកុសលនេះបានកើតឡើងនៅលើទន្លេ Yamuna ក្នុងក្រុង​ Mathura ភាគខាងត្បូងនៃប្រទេសឥណ្ឌា។ ប្រភពខាងបានបន្តថា ទូកដែលបានជួបគ្រោះថ្នាក់ខាងលើនេះគឺជាប្រភេទទូកដឹកអ្នកដំណើរ ដែលមានផ្ទុកមនុស្សសរុបចំនួន ២៧នាក់ ហើយស្ពានដែលទូកបានបើទៅបុកនោះគឺជាប្រភេទស្ពានបណ្តែតទឹក ដែលគេបង្កើតឡើងសម្រាប់ប្រើប្រាស់បណ្តោះអាសន្នតែប៉ុណ្នោះ។ បើតាមអាជ្ញាធរឥណ្ឌាបានបញ្ជាក់ថា ក្រៅតែពីបានរកឃើញសាកសពមនុស្ស ១០នាក់ហើយ គិតត្រឹមពេលនេះក៏នៅមានមនុស្សជាច្រើនទៀតកំពុងតែបាត់ខ្លួនផងដែរ៕ អត្ថបទ៖​ ភក្តី ប្រភព៖ The Strait Time