ហុងកុង៖ ហេតុការណ៍ភ្លើងឆេះអគារនៅក្នុងទីក្រុងហុងកុង បានកំពុងតែបង្កឱ្យមានការភ្ញាក់ផ្អើលយ៉ាងខ្លាំងនៅជុំវិញពិភពលោក ដ្បិតវាជាហេតុការណ៍គ្រោះថ្នាក់ដ៏ធ្ងន់ធ្ងរ និងមិនធ្លាប់កើតមាននោះទេនៅក្នុងរយៈពេលជាង ៣០ឆ្នាំចុងក្រោយនេះ។ ចំពោះផលប៉ះពាល់និងតួលេខជនរងគ្រោះនៅតែបន្តកើនឡើង បើទោះជាពេលនេះអគ្គិភ័យបានរលត់អស់ទៅហើយក្តី។ យោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងព្រឹកថ្ងៃទី ២៧ ខែវិច្ឆិកានេះ បានបញ្ជាក់ថា គិតត្រឹមពេលនេះគឺតួលេខអ្នកស្លាប់បាត់បង់ជីវិតមានចំនួន ៤៤នាក់ ខណៈតួលេខនេះអាចបន្តកើនឡើងយ៉ាងច្រើននាក់បន្ថែមទៀត ព្រោះថាទន្ទឹមគ្នាក៏នៅមានមនុស្សចំនួន ២៧៩នាក់ផ្សេងទៀតកំពុងតែបាត់ខ្លួនផងដែរ។ ជុំវិញករណីគ្រោះថ្នាក់ដ៏រន្ធត់នេះ អាជ្ញាធរហុងកុងបានឃាត់ខ្លួនមនុស្ស ៣នាក់រួចហើយ ដោយពួកគេត្រូវបានសង្ស័យថា មានចេតនាធ្វើឱ្យអគ្គិភ័យនេះកើតឡើង៕ អត្ថបទ៖ ភក្តី ប្រភព៖ The Strait Time  

ឥណ្ឌូណេស៊ី៖ យ៉ាងហោចណាស់មានមនុស្សចំនួន ១០នាក់បានស្លាប់បាត់បង់ជីវិតដោយសារទឹកជំនន់និងបញ្ហាបាក់ដីនៅក្នុងប្រទេសឥណ្ឌូណេស៊ី ​នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី២៦ ខែវិច្ឆិកា។ នៅក្នុងចំណោមជនរងគ្រោះទាំង ១០រូបនោះ មានជនរងគ្រោះចំនួន ៤នាក់ គឺជាសមាជិកក្នុងគ្រួសារតែមួយ ពោលគឺជាឪពុក ម្តាយ និងកូន។  បើតាមអាជ្ញាធរឥណ្ឌូណេស៊ីបានបញ្ជាក់ថា ទីតាំងដែលកំពុងរងការគំរាមកំហែងដោយគ្រោះធម្មជាតិខាងលើនេះគឺ ខេត្ត North Sumatra ដែលជាដែនដីកោះស្ថិតនៅក្នុងតំបន់ភាគខាងជើង នៃប្រទេសឥណ្ឌូណេស៊ី។ ប្រភពខាងលើបានបន្តថា ក្រៅតែពីបានបណ្តាលឱ្យមានមនុស្សជាច្រើននាក់ត្រូវស្លាប់បាត់បង់ជីវិតហើយ គិតត្រឹមពេលនេះក៏នៅមានមនុស្សចំនួន ៦នាក់ផ្សេងទៀតកំពុងតែបាត់ខ្លួនផងដែរ ខណៈក្រុមអ្នកជួយសង្គ្រោះកំពុងបើកប្រតិបត្តិការណ៍តាមស្វែងរកពួកគេ។ ទន្ទឹមគ្នានេះ មានផ្ទះជាងជា ២,០០០ខ្នង និងអគារជាច្រើនត្រូវបានទឹកជន់លិចយ៉ាងឆាប់រហ័ស៕ អត្ថបទ៖ ភក្តី

ឥណ្ឌូណេស៊ី៖ អាជ្ញាធរក្រុងចាកាតា នៃប្រទេសឥណ្ឌូណេស៊ីគ្រោងនឹងអនុវត្តបទបញ្ជាហាមឃាត់ការលក់និងបរិភោគសាច់ឆ្កែ សាច់ឆ្មា និងសាច់ប្រចៀវ យ៉ាងតឹងរឹងបំផុតមួយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី២៦ ខែវិច្ឆិកា។ ការអនុវត្តបទបញ្ជាខាងលើនេះត្រូវបានធ្វើឡើងក្នុងគោលបំណងដើម្បីទប់ស្កាត់ការរាតត្បាតនៃជំងឺឆ្កែឆ្កួត ដែលអាចចម្លងចេញពីសាច់សត្វទាំង ៣ប្រភេទខាងលើនេះ។ បើតាមលោក Pramono Anung ដែលជាអភិបាលក្រុងចាកាតាបានបញ្ជាក់ថា ការចុះហត្ថលេខាលើបទបញ្ហាខាងលើនេះត្រូវបានធ្វើឡើងជាផ្លូវការនៅក្នុងថ្ងៃទី២៤ ខែវិច្ឆិកា ខណៈការអនុវត្តជាក់ស្តែងនឹងត្រូវធ្វើឡើងនៅក្នុងរយៈពេល ៦ខែបន្ទាប់មកទៀត។ អភិបាលក្រុងរូបនេះបានបន្តថា ចំពោះអ្នកដែលបំពាននឹងបទបញ្ជាខាងលើ គឺអាជ្ញាធរនឹងចាត់វិធានការមួយចំនួនចំពោះពួកគេ ដូចជាចេញលិខិតព្រមាន ដកហូតអាជ្ញារប័ណ្ណអាជីវកម្មទាំងស្រុង និងពិន័យជាប្រាក់ចំនួនផងដែរ។ គួរបញ្ជាក់ជូនថា គិតចាប់តាំងពីខែមករា រហូតដល់ដល់ត្រឹមខែមីនា ឆ្នាំ២០២៥ អាជ្ញាធរសុខាភិបាលក្រុងចាកាតាបានរកឃើញករណីអ្នកស្លាប់ដោយជំងឺឆ្កែឆ្កួតចំនួន ២៥ករណី៕ អត្ថបទ៖

ជប៉ុន៖ ប្រទេសជប៉ុនបានទទួលរងការវាយប្រហារដោយគ្រោះរញ្ជួយដីកម្រិត ៥,៨រ៉ិចទ័រ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time កាលពីយប់ថ្ងៃទី២៥ ខែវិច្ឆិកា។ តំបន់ដែលទទួលរងការវាយប្រហារដោយគ្រោះរញ្ជួយដីខាងលើនេះ រួមមានខេត្ត Kumamoto និង ខេត្ត Oita ដែលស្ថិតនៅភាគនិរតី នៃប្រទេសជប៉ុន។ ប្រភពខាងលើបានបន្តថា គ្រោះរញ្ជួយដីខាងលើនេះមិនបានបណ្តាលឱ្យមានរលកយក្សស៊ូណាមិកើតឡើងនោះទេ ប៉ុន្តែអាជ្ញាធរជប៉ុនបានជូនដំណឹងឱ្យពលរដ្ឋត្រូវបង្កើតការប្រុងប្រយ័ត្នឱ្យបានខ្ពស់ ដ្បិតយោងតាមការព្យាករណ៍គឺគ្រោះរញ្ជួយដីកម្រិតដូចគ្នានេះឬអាចធ្ងន់ធ្ងរជាងនេះ អាចនឹងបន្តកើតមាននៅក្នុងទីតាំងដដែលជាថ្មីម្តងទៀតនៅក្នុងរយៈពេលប៉ុន្មានសប្តាហ៍ខាងមុខនេះ។ យ៉ាងណាក្តី គ្រោះថ្នាក់ដែលបានកើតឡើងពីគ្រោះរញ្ជួយដីខាងលើនេះក៏មានមួយចំនួនផងដែរ ដូចជាមានស្រ្តីម្នាក់បានរងរបួស និងមានផ្ទះមួយចំនួនបានរងនូវការខូចខាត៕ អត្ថបទ៖ ភក្តី ប្រភព៖ The Strait Time

ថៃ៖ យ៉ាងហោចណាស់មានពលរដ្ឋថៃចំនួន ១៣នាក់បានស្លាប់បាត់បង់ជីវិតដោយសារទឹកជំនន់ នេះបើយោងតាមាការចុះផ្សាយរបស់បណ្តាញសារព័ត៌មាន Channel News Asia នៅល្ងាចថ្ងៃទី២៥​ ខែវិច្ឆិកា។ ក្រៅតែពីបានបណ្តាលឱ្យមានមនុស្សត្រូវស្លាប់បាត់បង់ជីវិតហើយ គិតត្រឹមពេលនេះទឹកជំនន់ក៏កំពុងធ្វើឱ្យប៉ះពាល់ដល់ការរស់នៅរបស់ប្រជាពលរដ្ឋថៃប្រមាណជា ១,៩លាននាក់ផ្សេងទៀតផងដែរ។ គួរបញ្ជាក់ជូនថា តំបន់ដែលកំពុងរងនូវការគំរាមកំហែងដោយទឹកជំនន់នៅពេលនេះគឺតំបន់ភាគខាងត្បូងនៃប្រទេសថៃ ដោយនៅក្នុងនោះគឺមានខេត្តសរុបចំនួន ៩។ នៅចំពោះមុខគ្រោះធម្មជាតិដ៏ធ្ងន់ធ្ងរនេះ អាជ្ញាធរបានបញ្ជូនទូកសង្គ្រោះចំនួន ១៤គ្រឿង និងអមដោយឧទ្ធម្ភាគចក្រមួយចំនួនផង ដើម្បីនាំយកចំណីអាហារ និងថ្នាំពេទ្យចែកជូនប្រជាពលរដ្ឋ ក៏ដូចជាជួយសង្គ្រោះពលរដ្ឋមួយចំនួនដែលកំពុងស្ថិតនៅក្នុងស្ថានភាពគ្រោះថ្នាក់ធ្ងន់ធ្ងរ។ យ៉ាងណាក្តី ប្រតិបត្តិការណ៍ជួយជនរងគ្រោះកំពុងជួបប្រទះនូវការរំខានយ៉ាងខ្លាំង ដោយសារភ្លៀងនៅតែបន្តធ្លាក់ឥតឈប់ឈរទាល់តែសោះ៕ អត្ថបទ៖ ភក្តី ប្រភព៖ Channel News Asia

ថៃ៖ ស្រ្តីជនជាតិថៃម្នាក់បានធ្វើឱ្យមានការភ្ញាក់ផ្អើលពេញវត្ត ក្រោយគេបានប្រទះឃើញរូបគាត់នៅរស់មានជីវិត ខណៈពេលដែលគេកំពុងរៀបចំបូជាគាត់ទៅហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី២៥ ខែវិច្ឆិកា។ ហេតុការណ៍ដ៏ចម្លែកនេះបានកើតឡើងនៅក្នុងវត្ត Rat Prakhong Tham ដែលមានទីតាំងស្ថិតនៅក្នុងខេត្ត Nonthaburi នៃប្រទេសថៃ។ បើតាមលោក Pairat Soodthoop ដែលជាអ្នកគ្រប់គ្រងទូទៅ និងកិច្ចការហិរញ្ញវត្ថុនៅក្នុងវត្ត Rat Prakhong Tham បានឱ្យដឹងថា ស្រ្តីរូបនេះត្រូវបានក្រុមគ្រួសារសន្មតថា បានស្លាប់ក្រោយរូបគាត់លែងដកដង្ហើមកាលពី ២ថ្ងៃមុន ខណៈរូបគាត់ជាអ្នកជំងឺរ៉ាំរ៉ៃនិងបានដេកនៅលើគ្រែអស់រយៈពេលជាង ២ឆ្នាំមកហើយ។ នៅចំពោះស្ថានភាពបែបនេះ ក្រុមគ្រួសារបានរៀបចំដាក់ស្រ្តីនៅក្នុងមឈូស ដើម្បីរៀបចំពិធីបុណ្យតាមប្រពៃណី។ យ៉ាងណាក្តី នៅក្នុងពេលគេយកមឈូសរបស់គាត់មកដល់ក្នុងវត្ត និងកំពុងរៀបចំបូជាទៅហើយនោះ គេបានឮសំឡេងគោះស្រាលៗចេញពីក្នុងមឈូស

ម៉ាឡេស៊ី៖ ក្រសួងអប់រំម៉ាឡេស៊ីបានណែនាំឱ្យសាលារៀននៅកម្រិតឧត្តមសិក្សារអនុវត្តវិធានការ “សិក្សាតាមប្រព័ន្ធ Online” ឡើងវិញ ដើម្បីសម្រួលការលំបាកដល់ក្រុមសិស្សានុសិស្ស នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី២៥ ខែវិច្ឆិកា។ យ៉ាងណាក្តី វិធានការខាងលើត្រូវបានណែនាំឱ្យអនុវត្តនៅក្នុងរដ្ឋចំនួន ៧ ដែលកំពុងរងផលប៉ះពាល់ខ្លាំងដោយសារបញ្ហាទឹកជំនន់។ ប្រពខាងលើបានបន្តថា រដ្ឋទាំង ៧ ដែលកំពុងរងការគំរាមកំហែងដោយសារបញ្ហាទឹកជំនន់នោះជារដ្ឋដែលស្ថិតតំបន់ឆ្នេរខាងកើត និងឆ្នេរខាងជើង នៃប្រទេសម៉ាឡេស៊ី រួមមាន រដ្ឋ​ Kelantan រដ្ឋ Terengganu រដ្ឋ Pahang រដ្ឋ Johor រដ្ឋ Selangor រដ្ឋ Perak និងរដ្ឋ Negeri Sembilan។ បើតាមអាជ្ញាធរម៉ាឡេស៊ីបានបញ្ជាក់ថា គិតត្រឹមពេលនេះទឹកជំនន់កំពុងធ្វើឱ្យប៉ះពាល់ដល់ពលរដ្ឋជាច្រើននាក់ ហើយនៅក្នុងនោះមានពលរដ្ឋចំនួន

ថៃ ៖ អាជ្ញាធរខេត្ត Songkhla ប្រទេសថៃ បានប្រកាសដាក់ក្រុង Hat Yai ជា “តំបន់គ្រោះមហន្តរាយ” នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី២៥ ខែវិច្ឆិកា។ ការសម្រេចខាងលើនេះត្រូវបានធ្វើឡើងក្រោយតំបន់ខាងលើកំពុងប្រឈមនឹងបញ្ហាទឹកជំនន់ដ៏ធ្ងន់ធ្ងរមួយ ដែលមិនធ្លាប់កើតមាននោះទេនៅក្នុងរយៈពេល ៣០០ឆ្នាំចុងក្រោយនេះ។ នៅចំពោះមុខការសម្រេចដាក់តំបន់រងគ្រោះខាងលើជា “តំបន់គ្រោះមហន្តរាយ” នេះ អាជ្ញាធរថៃក៏បានណែនាំឱ្យពលរដ្ឋជាច្រើននាក់ត្រូវធ្វើការជម្លៀសខ្លួនទៅកាន់កន្លែងមានសុវត្ថិភាពជាបណ្តោះអាសន្នសិនផងដែរ។ ប្រភពខាងលើបានបន្តថា គិតត្រឹមពេលនេះភ្លៀងកំពុងតែបន្តធ្លាក់ខ្លាំង ដែលធ្វើឱ្យសម្ពាធទឹកជំនន់កាន់តែធ្ងន់ធ្ងរ និងកំពុងធ្វើឱ្យប៉ះពាល់យ៉ាងខ្លាំងដល់ប្រជាពលរដ្ឋជាង ១៥,០០០គ្រួសារ ឬស្មើនឹងជាង ៥០,០០០នាក់ ដែលកំពុងរស់នៅក្នុងភូមិចំនួន ៩២ និងសង្កាត់ចំនួន ១០ផ្សេងគ្នា៕ អត្ថបទ៖ ភក្តី

កូរ៉េខាងត្បូង៖ ក្មេងស្រីអាយុ ១៤ឆ្នាំម្នាក់បានធ្វើសកម្មភាពដុតផ្ទះខ្លួនឯងចោលទាំងកម្រោល ដោយសារខឹងឪពុកម្តាយមិនព្រមប្តូរស៊េរីទូរស័ព្ទឱ្យនាង នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី២៤ ខែវិច្ឆិកា។ ហេតុការណ៍អគ្គិភ័យនេះបានកើតឡើងនៅក្នុងសង្កាត់ Gwangju នៃទីក្រុងសេអ៊ូល ខណៈផ្ទះដែលជាកន្លែងកើតហេតុនោះគឺជាប្រភេទ Apartment ស្ថិតនៅជាន់ទី៣។ ប្រភពខាងលើបានបន្តថា ក្រោយអគ្គិភ័យឆាបឆេះបានប្រមាណជា ២០នាទី ក្រុមអ្នកពន្លត់អគ្គិភ័យក៏បានទៅដល់កន្លែងកើតហេតុដើម្បីធ្វើអន្តរាគមន៍ តែអគ្គិភ័យបានឆេះបំផ្លាញទ្រព្យសម្បត្តិនៅក្នុងផ្ទះជនរងគ្រោះអស់ទៅហើយ ខណៈផ្សែងចេញពីអគ្គិភ័យក៏បានបណ្តាលឱ្យអ្នកជិតខាងចំនួន ៧ចំនួន បានរងគ្រោះថ្នាក់និងត្រូវបញ្ជូនទៅមន្ទីរពេទ្យផងដែរ។ បើតាមអាជ្ញាធរកូរ៉េខាងត្បូងបានបញ្ជាក់ថា ភ្លាមៗក្រោយកើតហេតុ ក្រុមប៉ូលិសក៏បានឃាត់ខ្លួនក្មេងស្រីដែលជាជនបង្កហេតុដែរ តែក្រោយមកតុលាការបានសម្រេចមិនអនុវត្តទោសណាមួយចំពោះរូបនាងឡើយ ដោយយោងទៅតាមច្បាប់លើកលែងចំពោះ “អនីតិជនអាយុក្រោម ១៩ឆ្នាំ”៕ អត្ថបទ៖ ភក្តី ប្រភព៖ The Strait

វៀតណាម៖ តួលេខអ្នកស្លាប់បាត់បង់ជីវិតដោយសារឥទ្ធិពលរបស់ជំនន់ទឹកភ្លៀងនៅក្នុងប្រទេសវៀតណាមបានកើនឡើងដល់ ៩០នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី២៣ ខែវិច្ឆិកា។ ក្រៅតែពីបានបណ្តាលឱ្យមានមនុស្សត្រូវស្លាប់បាត់បង់ជីវិតហើយ ជំនន់ទឹកភ្លៀងដែលបានវាយប្រហារតំបន់ភាគកណ្តាលវៀតណាមអស់រយៈពេលជាង ១សប្តាហ៍មកនេះ ក៏បានជះឥទ្ធិពលអាក្រក់ដោយប្រយោលចំពោះការរស់នៅ ឬការបំពេញការពារផ្សេងៗរបស់ពលរដ្ឋវៀតណាមជាច្រើនម៉ឺននាក់ផ្សេងទៀតផងដែរ។ គិតរហូតមកដល់នឹងពេលនេះផ្លូវសំខាន់ៗមួយចំនួនត្រូវបានកាត់ផ្តាច់ដោយសារបញ្ហាបាក់ដី អាជីវកម្មមួយចំនួនផ្អាកដំណើរការជាបណ្តោះអាសន្ន ខណៈពលរដ្ឋមួយចំនួនកំពុងរស់នៅដោយគ្មានភ្លើងអគ្គិសនីប្រើប្រាស់។ ចំពោះផលប៉ះពាល់លើវិស័យកសិកម្មវិញក៏ច្រើនផងដែរ ដោយមានស្រែប្រមាណជា ៨០,០០០ហិកតាត្រូវបានបំផ្លាញទាំងស្រុង និងមានសត្វចិញ្ចឹម (គោ ក្របី មាន់ ទា) របស់ប្រជាកសិករប្រមាណជា ៣,២លានក្បាលបានងាប់ផងដែរ។ បើតាមអាជ្ញាធរវៀតណាមបានព្យាករណ៍ថា ផលប៉ះពាល់ចេញពីជំនន់ទឹកភ្លៀងខាងលើអាចមានតម្លៃជាទឹកប្រាក់ប្រហែល ៣៤៣លានដុល្លារ៕ អត្ថបទ៖ ភក្តី ប្រភព៖ Channel News