វៀតណាម៖ អាជ្ញាធរវៀតណាមបានចាប់ខ្លួនមនុស្ស ៣៥នាក់ នៅក្នុងសំណុំរឿងលក់ផលិតផលក្លែងក្លាយនៅតាមបណ្តាញសង្គម ដែលមានតម្លៃជាទឹកប្រាក់ប្រមាណ ៣៥០លានដុល្លារ នេះបើយោងតាមការចុះផ្សាយរបស់បណ្តាញសារព័ត៌មាន​ The Strait Time នៅក្នុងថ្ងៃទី៨ ខែមករា។ ការចាប់ខ្លួនក្រុមជនខិលខូចទាំងនេះត្រូវបានធ្វើឡើងនៅក្នុងក្រុងចំនួន ៥ផ្សេងគ្នានៅភាគខាងជើងប្រទេសវៀតណាម និងរួមមានទាំងទីក្រុងហាណូយផងដែរ។ អាជ្ញាធរវៀតណាមបានបញ្ជាក់ថា ក្រុមជនខិលខូចទាំងអស់នេះបានប្រើប្រាស់គណនី Online Gambling និងគណនីបណ្តាញសង្គមមួយចំនួនផងដែរ ដើម្បីផ្សព្វផ្សាយលក់ផលិតរបស់ពួកគេ ហើយការទូទាត់ប្រាក់ទិញទំនិញគឺភាគច្រើនត្រូវបានផ្ញើទៅកាន់គណនី Online Gambling របស់ពួកគេ ដើម្បីជៀសវាងការត្រួតពិនិត្យពីអាជ្ញាធរ។ យ៉ាងណាក្តី ក្រោយទទួលបានប្រាក់ពីអតិថិជនហើយ ក្រុមជនខិលខូចទាំងនេះមិនបានផ្ញើទៅទំនិញទៅកាន់ក្រុមអតិថិជននោះទេ។ ប្រភពខាងលើបានបន្តថា នៅក្នុងការបង្ក្រាបបទល្មើសដ៏ធំនេះ ប៉ូលិសវៀតណាមក៏បានរឹបអូសរថយន្តចំនួន ៥គ្រឿង និងទូរស័ព្ទចំនួន

អាមេរិក៖ លោក ដូណាល់ ត្រាំ បានចុះហត្ថលេខាលើសេចក្តីប្រកាសដកសហរដ្ឋអាមេរិកចេញពីអង្គការធំៗជាច្រើននៅជុំវិញពិភពលោកជាផ្លូវការហើយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី៨ ខែមករា។ ការសម្រេចដកខ្លួនចេញអង្គការទាំងនេះគឺត្រូវបានធ្វើឡើងក្រោមហេតុផលថា អង្គការទាំងអស់នោះ «ធ្វើប្រតិបត្តិការផ្ទុយនឹងផលប្រយោជន៍ជាតិអាមេរិក»។ ប្រភពខាងលើបានបន្តថា នៅក្នុងចំណោមអង្គការដែលអាមេរិកសម្រេចដកខ្លួនលែងពាក់ព័ន្ធនោះ គឺមានអង្គការចំនួន ៣១ ជាអង្គការនៅក្រោមប្រតិបត្តិការណ៍របស់អង្គការសហប្រជាជាតិ (UN) និងអង្គការចំនួន ៣៥ផ្សេងទៀត គឺជាអង្គការដែលមិនមានការពាក់ព័ន្ធជាមួយនឹងអង្គការសហប្រជាជាតិនោះទេ។ យ៉ាងណាក្តី សេតវិមានអាមេរិកមិនបានបង្ហាញឈ្មោះអង្គការទាំងអស់នោះឱ្យបានជាក់លាក់នោះទេ៕ អត្ថបទ៖ ភក្តី ប្រភព៖ The Strait Time

អាមេរិក៖ លោកប្រធានាធិបតីអាមេរិក ដូណាល់ ត្រាំ បានអះអាងថា ប្រទេសវេណេស៊ុយអេឡាបានចុះកិច្ចព្រមព្រៀងនាំចេញប្រេងឆៅ ដែលមានតម្លៃប្រមាណជា ២ពាន់លានដុល្លារទៅកាន់សហរដ្ឋអាមេរិកហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ តាមរយៈកិច្ចព្រមព្រៀងនេះគេអាចមើលឃើលញថា ប្រទេសវេណេស៊ុយអេឡាកំពុងព្យាយាមឆ្លើយតបទៅនឹងការទាមទាររបស់លោក ដូណាល់ ត្រាំ ដើម្បីជៀសវាងកុំឱ្យមានអន្តរាគមន៍ពីយោធាអាមេរិកបន្ថែមទៀត។ ទន្ទឹមគ្នានេះ លោក ដូណាល់ ត្រាំ ក៏ចង់ឱ្យលោកប្រធានាធិបតីស្តីទីនៃប្រទេសវេណេស៊ុយអេឡា អនុញ្ញាតឱ្យអាមេរិក និងក្រុមហ៊ុនឯកជនមួយចំនួន ចូលទៅប្រើប្រាស់ឧស្សាហកម្មប្រេងរបស់ប្រទេសវេណេស៊ុយអេឡាផងដែរ។ សូមបញ្ជាក់ជូនថា គិតត្រឹមពេលនេះប្រទេសវេណេស៊ុយអេឡាមានប្រេងរាប់លានបារ៉ែលកំពុងស្តុកទុកនៅលើនាវាដឹកប្រេង និងនៅក្នុងធុងស្តុកប្រេង ដែលមិនអាចដឹកជញ្ជូនបាន ក្រោយលោក ដូណាល់ ត្រាំ បានបិទផ្លូវលើការនាំចេញចាប់តាំងពីពាក់កណ្តាលខែធ្នូមក៕ អត្ថបទ៖

ថៃ៖ បុរសជនជាតិឥណ្ឌាម្នាក់ ត្រូវក្រុមស្ត្រីកែភេទថៃនៅទីក្រុងប៉ាតាយ៉ាព្រួតគ្នាវាយឱ្យរងរបួសធ្ងន់ ជុំវិញករណីមិនព្រមបង់ថ្លៃសេវាឱ្យពួកនាង នេះបើយោងតាមការចុះផ្សាយរបស់បណ្តាញសារព័ត៌មាន India Time កាលពីពេលថ្មីៗនេះ។ បុរសជាជនរងគ្រោះមានឈ្មោះថា Raj Jasuja និងមានអាយុ ៥២ឆ្នាំ។ ប្រភពខាងលើបានបន្តថា ភ្លាមៗក្រោយពេលកើហេតុ លោក Raj Jasuja ត្រូវបានគេបញ្ជូនទៅកាន់មន្ទីរពេទ្យ Pattaya Memorial Hospital ដើម្បីព្យាបាលរបួសនៅលើរាងកាយរបស់គាត់។ នៅក្នុងវីដេអូដែលគេបង្ហោះនៅតាមបណ្តាញអ៊ីនធឺណិតបានបង្ហាញថា ក្រុមស្រ្តីកែភេទដែលបានព្រួតគ្នាវាយទៅកាន់ជនរងគ្រោះនោះមានគ្នាចំនួន ៣នាក់ និងអមជាមួយអ្នកកាន់ទូរស័ព្ទថតសកម្មភាពម្នាក់ផងដែរ ខណៈមូលហេតុដែលបង្កឱ្យមានអំពើហិង្សានៅតាមទីសាធារណៈនេះគឺដោយសារតែបុរសជាជនរងគ្រោះមិនព្រមបង់ថ្លៃសេវាពិសេសមួយទៅកាន់ក្រុមពួកនាង៕ អត្ថបទ៖ ភក្តី ប្រភព៖ India Time

ថៃ៖ អាជ្ញាធរថៃបានព្រមានពីការកើតមានរលកយក្សនៅតំបន់ឈូងសមុទ្រថៃ (Gulf of Thailand) នេះបើយោងតាមការចុះផ្សាយរបស់បណ្តាញសារព័ត៌មាន Khaosod English នៅក្នុងថ្ងៃទី៦ ខែមករា។ នៅចំពោះមុខការព្រមានអំពីគ្រោះថ្នាក់នៃរលកយក្សនេះ អាជ្ញាធរថៃក៏បានណែនាំឱ្យពលរដ្ឋដែលស្ថិតនៅក្នុងតំបន់ងាយរងគ្រោះជាច្រើនត្រូវធ្វើការជម្លៀសខ្លួនជាបណ្តោះអាសន្នសិនផងដែរ។ បើតាមមជ្ឈមណ្ឌលឧតុនិយមថៃបានបញ្ជាក់ថា វត្តមានរបស់រលកយក្សនៅតំបន់ឈូងសមុទ្រថៃ អាចនឹងកើតមានចាប់ពីថ្ងៃទី ៦ រហូតដល់ថ្ងៃទី ៩ ខែមករា ហើយកម្ពស់ទឹករលកសមុទ្រកើនឡើងចន្លោះពី ២-៣ម៉ែត្រ ឬខ្ពស់ជាង ៣ម៉ែត្រ ខណៈបាតុភូតធម្មជាតិនេះបានកើតឡើងដោយសារតែឥទ្ធិពលនៃព្យុះមូសុង ដែលបានបោកបក់មកពីប្រទេសចិន និងតំបន់សមុទ្រចិនខាងត្បូង។ ប្រភពខាងលើបានបន្តថា ក្រៅពីបានបណ្តាលឱ្យមានរលកយក្សនៅតំបន់ឈូងសមុទ្រហើយ ឥទ្ធិពលរបស់ព្យុះមូសុងខាងលើនេះក៏អាចបង្កឱ្យមាន ព្យុះភ្លៀង រន្ទះ និងខ្យល់បោកបក់ខ្លាំងនៅតាមតំបន់មួយចំនួន ដែលស្ថិតនៅក្បែរឈូងសមុទ្រថៃផងដែរ៕ អត្ថបទ៖

បារាំង៖ តុលាការក្រុងបារីសសម្រេចចោទប្រកាន់មនុស្ស ចំនួន ១០នាក់ឱ្យមានទោស ក្រោយពួកគេបានបរិហារលោកជំទាវទី១ របស់ប្រទេសបារាំងថា ជាមនុស្សកែភេទ នេះបើយោងតាមការចុះផ្សាយរបស់បណ្តាញសារព័ត៌មាន ABC នៅក្នុងថ្ងៃទី៦ ទីខែមករា។ នៅលើបណ្តាញអ៊ីនធឺណិតក្រុមមនុស្សទាំង ១០នោះ បានធ្វើការផ្សព្វផ្សាយព័ត៌ដោយរិះគន់ថា ភរិយារបស់លោកប្រធានាធិបតីបារាំងមានភេទពីកំណើតជាមនុស្សប្រុសហើយបានកែភេទទៅជាមនុស្សស្រី។ ពួកគេក៏បានរិះគន់ផងដែរថា រវាងលោកជំទាវទី១ របស់ប្រទេសបារាំង និងលោកប្រធានាធិបតីបារាំងគឺពួកគាត់មានគំលាតអាយុខុសគ្នារហូតដល់ទៅ ២៤ឆ្នាំ។ ប្រភពខាងលើបានបន្តថា នៅក្នុងចំណោមអ្នកប្រើប្រាស់បណ្តាញទាំង ១០រូបនោះ គឺមានមនុស្សប្រុសចំនួន ៨នាក់ និងមនុស្សស្រីចំនួន ២នាក់ ដែលមានអាយុចន្លោះពី ៤១ឆ្នាំដល់៦៥ឆ្នាំ។ ចំពោះការទទួលទោសវិញ គឺពួកគេម្នាក់ៗត្រូវជាប់ពន្ធនាគារក្នុងរយៈពេលផ្សេងគ្នាចន្លោះពី ៤ខែ ដល់ ៨ខែ។

ជប៉ុន៖ ប្រទេសជប៉ុនបានរងការវាយប្រហារដោយគ្រោះរញ្ជួយដីក​ម្រិត ៦,២រ៉ិចទ័រ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី៦ ខែមករា។ ទីតាំងដែលជាកន្លែងរងការគំរាមគំហែងដោយគ្រោះធម្មជាតិខាងលើនេះគឺតំបន់ Chugoku ដែលស្ថិតនៅភាគខាងលិច នៃប្រទេសជប៉ុន។ បើតាមទីភ្នាក់ងារឧតុនិយមជប៉ុនបានបញ្ជាក់ថា នៅក្នុងតំបន់ Chugoku ទាំងមូលគឺមានទីតាំងចំនួន ៧ ដែលបានរងនូវការវាយប្រហារក្នុងកម្រិតគួរឱ្យកត់សម្គាល់ ពោលគឺចាប់ពីកម្រិត ១ដល់៥ លើមាត្រដ្ឋានអាំងតង់ស៊ីតេរញ្ជួយដីរបស់ជប៉ុន ហើយទីតាំងទាំងនោះរួមមានតំបន់ Sakai-Minato, Hino, Kofu, Tottori, Matsua, Yasuki, និងខេត្ត Shimane។ យ៉ាងណាក្តី គ្រោះរញ្ជួយដីនេះមិនបានបណ្តាលឱ្យមានរលកយក្សស៊ូណាមិនោះទេ៕ អត្ថបទ៖ ភក្តី ប្រភព៖

កូរ៉េខាងជើង៖ ប្រទេសកូរ៉េខាងជើងបានធ្វើការថ្កោលទោសសហរដ្ឋអាមេរិកយ៉ាងខ្លាំងចំពោះប្រតិបត្តិការយោធានៅក្នុងប្រទេសវេណេស៊ុយអេឡា នេះបើយោងតាមការចុះផ្សាយរបស់បណ្តាញសារព័ត៌មាន KBS នៅក្នុងថ្ងៃទី៥ ខែមករា។ ការថ្កោលទោសខាងលើនេះត្រូវបានធ្វើឡើងតាមរយៈអ្នកនាំពាក្យរដ្ឋាភិបាលកូរ៉េខាងជើង នៅក្នុងសន្និសីទផ្លូវការមួយជាមួយក្រុមអ្នកកាសែតរដ្ឋ Korean Central News Agency។ កូរ៉េខាងជើងបានបញ្ជាក់ថា ប្រតិបត្តិការយោធារបស់របស់អាមេរិកនៅវេណេស៊ុយអេឡា គឺជាការរំលោភបំពានអធិបតេយ្យភាព និងជាការរំលោភបំពានលើធម្មនុញ្ញអង្គការសហប្រជាជាតិ និងច្បាប់អន្តរជាតិយ៉ាង​ធ្ងន់ធ្ងរ ចំពោះគោលការណ៍នៃការគោរពអធិបតេយ្យភាព ការមិនជ្រៀតជ្រែក និងបូរណភាពទឹកដីរបស់ប្រទេសដទៃ។ កូរ៉េខាងជើងបានបន្តថា ការចាប់ខ្លួន និងផ្ទេរប្រធានាធិបតីវេណេស៊ុយអេឡា លោក Nicolás Maduro ទៅកាន់ទឹកដីអាមេរិក គឺ «ចរិតឃោរឃៅ និងព្រៃផ្សៃ» បំផុតមួយរបស់ទីក្រុងវ៉ាស៊ីនតោន៕ អត្ថបទ៖ ភក្តី ប្រភព៖

អាមេរិក៖ លោកប្រធានាធិបតីសហរដ្ឋអាមេរិក ដូណាល់ ត្រាំ បានគំរាមចាត់វិធានការយោធាប្រឆាំងនឹងរដ្ឋាភិបាលកូឡុំប៊ីបន្ថែមទៀត នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី៥ ខែមករា។ ការគំរាមនេះត្រូវបានធ្វើឡើងក្រោយសហរដ្ឋអាមេរិកបានប្រើប្រាស់កម្លាំងយោធាប្រឆាំងនឹងរដ្ឋាភិបាលនៃប្រទេសវេណេស៊ុយអេឡាបានយ៉ាងជោគជ័យ និងឈានទៅដល់ការចាប់ខ្លួនលោកប្រធានាធិបតី នីកូឡាស ម៉ាឌូរ៉ូ និងភរិយារបស់គាត់ទៀតផង។ ថ្លែងប្រាប់ទៅកាន់អ្នកសារព័ត៌មាន លោក ដូណាល់ ត្រាំ បានបញ្ជាក់ថា “ប្រទេសកូឡុំប៊ីគឺកំពុងមានជំងឺធ្ងន់ធ្ងរខ្លាំងណាស់” ដ្បិតប្រទេសមួយនេះស្ថិតនៅក្រោមការគ្រប់គ្រងរបស់អ្នកដឹកនាំដែលចូលចិត្តតែផលិតកូកាអ៊ីន ហើយលក់សារធាតុខុសច្បាប់ទាំងនេះទៅកាន់សហរដ្ឋអាមេរិក។ លោក ដូណាល់ ត្រាំ បានបន្តថា សម្រាប់ខ្ញុំការប្រឆាំងទៅនឹងរដ្ឋាភិបាលកូឡុំប៊ីគឺ “ស្តាប់ទៅវាល្អសម្រាប់ខ្ញុំ”។ យ៉ាងណាក្តី ប្រធានាធិបតីអាមេរិករូបនេះនៅមិនទាន់បញ្ជាក់លម្អិតថា នឹងចាត់វិធានការយោធាទៅលើប្រទេសកូឡុំប៊ីនៅពេលណានោះទេ៕ អត្ថបទ៖

ចិន៖ ចិនបានបាញ់មីស៊ីលជាច្រើនគ្រាប់នៅក្នុងថ្ងៃទី២ នៃការធ្វើសមយុទ្ធយោធាឡោមព័ទ្ធកោះតៃវ៉ាន់ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia កាលពីយប់ថ្ងៃទី៣០ ខែធ្នូ។ បន្ថែមពីការបាញ់មីស៊ីល​​ ចិនក៏បានដាក់ពង្រាយយន្តហោះចម្បាំង និងនាវាចម្បាំងរាប់សិបគ្រឿងនៅជុំវិញកោះតៃវ៉ាន់ផងដែរ។ គួរកត់សម្គាល់ថា យមយុទ្ធយោធាដែលចិនកំពុងធ្វើឡើងនៅពេលនេះគឺជាសមយុទ្ធបាញ់គ្រាប់ពិត (Live-fire Drills) ដែលមានគោលបំណងចង់បង្ហាញពីសមត្ថភាពជាក់ស្តែងរបស់កងកម្លាំងចិនក្នុងការបិទផ្លូវកំពង់ផែសំខាន់ៗរបស់កោះដែលស្ថិតនៅក្រោមការគ្រប់គ្រងរបស់ចិន និងសមត្ថភាពដ៏ខ្លាំងខ្លាក្នុងការវាយប្រហារទៅលើគោលដៅសមុទ្រ។ ឆ្លើយតបនឹងការធ្វើសមយុទ្ធយោធារបស់ចិនខាងលើនេះ កោះតៃវ៉ាន់បានរិះគន់ថា “ជាការញុះញង់បង្កឱ្យមានជម្លោះ”​ ហើយសមយុទ្ធនេះក៏បានបរាជ័យក្នុងការបិទផ្លូវលើកោះតៃវ៉ាន់ផងដែរ៕ អត្ថបទ៖ ភក្តី ប្រភព៖ Channel News Asia