Pheakdey
  • អន្តរជាតិ

    ឥណ្ឌូនេស៊ី៖ មនុស្សចំនួន ២នាក់បានស្លាប់បាត់បង់ជីវិតនៅក្នុងហេតុការណ៍បាក់ដីដ៏ឆាប់រហ័សមួយនៅតំបន់ទេសចរណ៍លើកោះបាលី ប្រទេសឥណ្ឌូនេស៊ី  ដែលកោះមួយនេះត្រូវបានគេស្គាល់ថាគឺជាទិសដៅទេសចរណ៍ដ៏មានប្រជាប្រិយភាពបំផុតមួយនៅលើពិភពលោក។ ហេតុការណ៍អកុសលមួយនេះបានកើតឡើងក្រោយតំបន់ខាងលើបានរងនូវសម្ពាធទឹកភ្លៀងយ៉ាងជោគជាំជាច្រើនថ្ងៃ នេះបើយោងតាមការបញ្ជាក់របស់បណ្តាញសារព័ត៌មាន Channel News Asia។ បើតាមអាជ្ញាធរឥណ្ឌូនេស៊ីបានបញ្ជាក់ថា ជនរងគ្រោះដែលបានស្លាប់បាត់បង់ជីវិតទាំង​ ២នាក់នោះគឺសុទ្ធតែជាភ្ញៀវទេសចរអន្តរជាតិ ដោយនៅក្នុងនោះមានជនរងគ្រោះម្នាក់គឺជាស្រ្តីវ័យ ៤៧ឆ្នាំ ជាពលរដ្ឋមានសញ្ជាតិអូស្រ្តាលីហើយបច្ចុប្បន្នទទួលបានសិទ្ធទៅរស់នៅអចិន្ត្រៃយ៍នៅសហរដ្ឋអាមេរិក ខណៈជនរងគ្រោះម្នាក់ទៀតគឺជាបុរស តែគេនៅមិនទាន់អាចកំណត់អត្តសញ្ញាណរបស់គាត់បាននៅឡើយទេ។ សូមបញ្ជាក់ជូនថា​ ឥណ្ឌូនេស៊ីគឺជាប្រទេសមួយដែលងាយនឹងកើតមានគ្រោះធម្មជាតិណាស់ដូចជា ព្យុះ ទឹកជំនន់ បាក់ដី រញ្ជួយដី និងផ្ទុះភ្នំភ្លើងជាដើម ហើយនៅក្នុងសប្តាហ៍នេះហេតុការណ៍បាក់ដីក៏បានផ្តាច់យកជីវិតពលរដ្ឋនៅកោះស៊ូម៉ាត្រាអស់ចំនួន ២៧នាក់ផងដែរ៕ អត្ថបទ៖ ភក្តី ប្រភព៖ Channel News Asia

    March 15, 2024
  • អន្តរជាតិ

    អាមេរិក៖ នៅទីបំផុតសភាអាមេរិកបានអនុម័តលើសេចក្តីស្នើច្បាប់សម្រាប់រឹតបន្តឹងលើការប្រើប្រាស់បណ្តាញសង្គម​ TikTok ហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃព្រហស្បតិ៍ ទី១៤ ខែមីនានេះ។ សេចក្តីស្នើច្បាប់នេះត្រូវបានអនុម័តដោយសំឡេងគាំទ្រ ៣៥២ ទល់នឹងសំឡេងប្រឆាំងចំនួន ៦៥​ នៅក្នុងចំណោមសមាជិកសភាអាមេរិកទាំងអស់ ខណៈសេចក្តីស្នើច្បាប់នេះនឹងត្រូវបញ្ជូនទៅកាន់ស្ថាប័នព្រឹទ្ធសភាដើម្បីត្រួតពិនិត្យមួយដំណាក់កាលទៀត មុននឹងត្រូវបញ្ជូនទៅដល់សេតវិមានដើម្បីឱ្យលោកប្រធានាធិបតី​ ចូ បៃឌិន ចុះហត្ថលេខាឱ្យប្រើប្រាស់ជាផ្លូវការ។ ប្រភពខាងលើបានបន្តថា តាមរយៈច្បាប់ថ្មីខាងលើនេះគឺអាមេរិកនឹងឥទ្ធិពលក្នុងការបិទកម្មវិធី TikTok ក្នុងរយៈពេលត្រឹមតែ ៦ខែ ឬបង្ខំឱ្យក្រុមហ៊ុនរបស់ចិនមួយនេះត្រូវលក់ភាគហ៊ុនខ្លះឱ្យទៅអាមេរិកដើម្បីអនុញ្ញាតឱ្យអាមេរិកអាចគ្រប់គ្រងលើការប្រើប្រាស់កម្មវិធីមួយនេះនៅលើទឹកដីខ្លួនបាន។ ឆ្លើយតបទទៅនឹងចំណាត់ការខាងលើនេះ លោក Chew Shou Zi ដែលជានាយកប្រតិបត្តិរបស់ក្រុមហ៊ុន TikTok បានព្រមានថា

    March 14, 2024
  • អន្តរជាតិ

    ចិន៖ អាជ្ញាធរចិននៅក្នុងថ្ងៃពុធ ទី១៣ ខែមីនានេះបានព្រមានថា គម្រោងហាមឃាត់បិទមិនឱ្យប្រើប្រាស់កម្មវិធី TikTok របស់សភាអាមេរិកនឹងជះឥទ្ធិពលអាក្រក់ដល់សហរដ្ឋអាមេរិកខ្លួនឯង នេះបើយោងតាមការចុះផ្សាយរបស់បណ្តាញសារព័ត៌មាន The Strait Time។ ការចេញសេចក្តីព្រមាននេះត្រូវបានធ្វើឡើងភ្លាមៗក្រោយសមាជិកសភាអាមេរិកបានបើកកិច្ចប្រជុំមួយដើម្បីពិភាក្សាអំពីគម្រោងធ្វើការកាត់បន្ថយមិនឲ្យពលរដ្ឋអាមេរិកអាចប្រើប្រាស់កម្មវិធី TikTok បានដោយទូលំទូលាយដូចក្នុងពេលបច្ចុប្បន្ន ឬក៏អាចឈានដល់ការបិទកម្មវិធីទាំងស្រុងតែម្តង។ គួរកត់សម្គាល់ថា TikTok ដែលជាកម្មវិធីចែករំលែកវីដេអូកំសាន្តនៅក្នុងទូរស័ព្ទគឺជាកម្មសិទ្ធិរបស់ក្រុមបច្ចេកវិទ្យាចិន ByteDance ខណៈនាពេលកន្លងមកអាមេរិកតែងធ្វើការចោទប្រកាន់ថា កម្មវិធីដែលកំពុងទទួលបានប្រជាប្រិយភាពខ្លាំងនៅលើពិភពលោកមួយនេះបានលួចតាមដាននិងប្រមូលយកទិន្នន័យសំខាន់ៗរបស់ពលរដ្ឋអាមេរិកដើម្បីផ្តល់ទៅឱ្យរដ្ឋាភិបាលចិន។ យោងតាមការចោទប្រកាន់នេះ សហរដ្ឋអាមេរិកតែងដាក់សម្ពាធទៅលើក្រុមហ៊ុន ByteDance ជាបន្តបន្ទាប់តាមរយៈគំរាមហាមឃាត់កម្មវិធីមួយនេះឬមិនដូចនោះទេក្រុមហ៊ុន ByteDance ត្រូវលក់ភាគហ៊ុនខ្លះទៅអាមេរិកដើម្បីឱ្យអាមេរិកមានសិទ្ធគ្រប់គ្រងលើការប្រើប្រាស់កម្មវិធីនេះនៅលើទឹកដីខ្លួនក្រោមហេតុផលដើម្បីការពារសន្តិសុខឌីជីថលជាតិ។ ​ប្រភពខាងលើបានបន្តថា គិតត្រឹមពេលនេះមានពលរដ្ឋអាមេរិកជាង ១៧០លាននាក់កំពុងប្រើប្រាស់កម្មវិធី TikTok យ៉ាងសកម្មជារៀងរាល់ថ្ងៃសម្រាប់ជាកម្សាន្ត និងសម្រាប់ផ្សព្វផ្សាយលក់ផលិតផលមួយចំនួនយ៉ាងមានសក្តានុពលផងដែរ ដូចនេះហើយទើបប្រទេសចិនបានព្រមានថា ការហាមឃាត់មិនឱ្យប្រើប្រាស់កម្មវិធី TikTok នឹងធ្វើឱ្យប៉ះពាល់ដល់សតិអារម្មណ៍របស់ពលរដ្ឋអាមេរិកជាច្រើនលាននាក់ និងធ្វើឱ្យប៉ះពាល់ដល់ចរន្តនៃលក់ផលិតផលមួយចំនួនផងដែរ៕ អត្ថបទ៖ ភក្តី

    March 13, 2024
  • អន្តរជាតិ

    ឥណ្ឌូនេស៊ី៖ អ្នកនេសាទចំនួន ១១នាក់មានសំណាងនៅរស់មានជីវិតក្រោយបានអណ្តែតនៅលើសមុទ្រអស់រយៈពេល ៣ថ្ងៃ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃពុធ ទី១៣ ខែមីនានេះ។ គួររម្លឹកជូនថា​ កាលពីថ្ងៃអាទិត្យកន្លងទៅនេះមានទូកនេសាទមួយគ្រឿងបានក្រឡាប់នៅក្បែរកោះ Selayar ដែលជាកោះដាច់ស្រយាលមួយស្ថិតនៅក្នុងដែនដីនៃខេត្តស៊ូម៉ាត្រាខាងលិច នៃប្រទេសឥណ្ឌូនេស៊ី។ នៅលើទូកនេសាទនោះមានផ្ទុកក្រុមអ្នកនេសាទសរុបចំនួន ៣៥នាក់ ហើយក្រោយពេលដែលទូកបានក្រឡាប់ភ្លាមគឺគ្មានអ្នកណាម្នាក់ដឹងនិងទៅជួយសង្គ្រោះឱ្យបានទាន់ពេលវេលាឡើយ ទើបធ្វើឲ្យអ្នកនេសាទអាយុថ្លៃទាំង ១១នាក់ខាងលើនេះត្រូវរស់នៅលើទឹកសមុទ្រអស់រយៈពេល ៣ថ្ងៃដោយពួកគេបានពាក់អាវពោងនិងបានចងខ្លួនពួកគេជាប់ទៅនឹងបំណែកទូកដែលក្រឡាប់នោះ ខណៈពួកគេគ្មានអាហារសម្រាប់ទទួលទាននោះទេ។ ប្រភពខាងលើបានបន្តថា គិតត្រឹមពេលនេះក្រុមអ្នកជួយសង្គ្រោះបានរកឃើញសាកសពអ្នកនេសាទចំនួន ២នាក់ ខណៈអ្នកនេសាទចំនួន ២២នាក់ផ្សេងទៀតកំពុងតែបាត់ខ្លួន ហើយតាមការសន្និដ្ឋានបឋមអ្នកបាត់ខ្លួនទាំងអស់នោះទំនងជាបានស្លាប់បាត់បង់ជីវិតអស់ទៅហើយ៕  អត្ថបទ៖ ភក្តី ប្រភព៖ Channel News Asia

    March 13, 2024
  • អន្តរជាតិ

    ​សិង្ហបុរី៖ អាជ្ញាធរអន្តោប្រវេសន៍និងប៉ុស្តិ៍ត្រួតពិនិត្យសិង្ហបុរីនឹងដាក់ឲ្យប្រើប្រាស់ប្រព័ន្ធបច្ចេកវិទ្យាដ៏ទំនើបមួយសម្រាប់ត្រួតពិនិត្យលិខិតឆ្លងដែនរបស់អ្នកដំណើរតាមរថយន្ត​ ដែលអនុញ្ញាតឲ្យអ្នកដំណើរអាចធ្វើការស្កេន QR Code ជំនួសឱ្យការបង្ហាញលិខិតឆ្លងដែនផ្ទាល់ទៅកាន់ប៉ូលិសអន្តោប្រវេសន៍នៅតាមប៉ុស្តិ៍ត្រួតពិនិត្យលិខិតឆ្លងដែន។ យោងតាមការចុះផ្សាយរបស់បណ្តាញសារព័ត៌មាន The Strait Time បានបញ្ជាក់ថា បច្ចេកវិទ្យាដ៏ទំនើបនេះនឹងត្រូវដាក់ឱ្យប្រើប្រាស់ចាប់ពីថ្ងៃទី១៩ ខែមីនានេះនៅប៉ុស្តិ៍ត្រួតពិនិត្យចំនួន ២កន្លែង គឺប៉ុស្តិ៍ត្រួតពិនិត្យ Woodlands និងប៉ុស្តិ៍ត្រួតពិនិត្យ Tuas ។ ប្រភពខាងលើបានបន្តថា ដើម្បីអាចប្រើប្រាស់ប្រព័ន្ធត្រួតពិនិត្យលិខិតឆ្លងដែនដ៏ទំនើបនេះបានគឺអ្នកដំណើរទាំងអស់ត្រូវតែទាញយកកម្មវិធី MyICA ដាក់ក្នុងទូរសព្ទដៃជាមុនសិន បន្ទាប់មកត្រូវបំពេញព័ត៌មានលម្អិតនៅក្នុងលិខិតឆ្លងដែនចូលទៅក្នុងកម្មវិធីមួយនេះដើម្បីទុកស្កេនពេលទៅដល់ប៉ុស្តិ៍ត្រួតពិនិត្យលិខិតឆ្លងដែន។ អ្វីដែលកាន់តែពិសេសនោះគឺកម្មវិធី MyICA ក៏មានមុខងារអនុញ្ញាតឲ្យលោកអ្នកអាចស្កេនលិខិតឆ្លងដែនរបស់អ្នកដំណើរបានរហូតដល់ ១០នាក់ឯណោះក្នុងពេលតែមួយ។ បើតាមអាជ្ញាធរសិង្ហបុរីបានបញ្ជាក់ថា ប្រព័ន្ធបច្ចេកវិទ្យាដ៏ទំនើបនេះបានជួយសន្សំសំចៃពេលវេលាយ៉ាងច្រើន ដោយវាត្រូវការរយៈពេលត្រឹមតែ ២០វិនាទីប៉ុណ្ណោះក្នុងការត្រួតពិនិត្យលិខិតឆ្លងដែនរបស់មនុស្សម្នាក់ឬជាក្រុមសម្រាប់មនុស្ស៤ នាក់ និងរយៈពេល ១នាទីសម្រាប់ការត្រួតពិនិត្យលិខិតឆ្លងដែនជាក្រុមសម្រាប់មនុស្ស ១០នាក់៕ អត្ថបទ៖

    March 13, 2024
  • អន្តរជាតិ

    ឥណ្ឌូនេស៊ី៖ អាជ្ញាធរឥណ្ឌូនេស៊ីបាននិរទេសបុរសជនជាតិជប៉ុនម្នាក់ដែលជាប់ពាក់ព័ន្ធក្នុងករណីវិនិយោគក្លែងក្លាយមួយមានទំហំទឹកប្រាក់រហូតដល់ជាង ៩០លានដុល្លារ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ បុរសជនជាតិជប៉ុនរូបនេះមានឈ្មោះថា Yusuke Yamazaki អាយុ ៤៣ឆ្នាំ និងជាអតីតនាយកប្រតិបត្តិក្រុមហ៊ុន Nishiyama Farm ដែលមានមូលដ្ឋាននៅក្នុងទីក្រុង Okayama ប្រទេសជប៉ុន។ ប្រភពខាងលើ​បានបន្តថា នៅក្នុងឆ្នាំ ២០១៩ ក្រុមហ៊ុន Nishiyama Farm ដែលជាក្រុមហ៊ុនអភិវឌ្ឍន៍កសិដ្ឋានឲ្យក្លាយទៅជាកន្លែងទេសចរបានប្រកាសក្ស័យធន ដែលតាមការពិតវាគឺជាល្បិចបោកប្រាស់ពីសំណាក់ប្រធានក្រុមហ៊ុននិងបក្សពួកមួយចំនួនប៉ុណ្ណោះ ពោលគឺជាការប្រមូលលុយពីក្រុមអ្នកដាក់ប្រាក់វិនិយោគដើម្បីយកទុកក្នុងហោប៉ៅខ្លួនឯងហើយក៏ប្រកាសក្ស័យធនដើម្បីគេចវេះមិនសងប្រាក់ទាំងនោះទៅឱ្យម្ចាស់ដើមវិញ។ ជុំវិញករណីបោកប្រាស់ទ្រង់ទ្រាយធំមួយនេះ អាជ្ញាធរជប៉ុនបានចាប់ខ្លួនមនុស្សចំនួន ៥នាក់រួចហើយកាលពីឆ្នាំ ២០២១ កន្លងទៅ​ ខណៈលោក Yusuke Yamazaki​ បានរត់គេចខ្លួនចេញពីប្រទេសជប៉ុននិងមកលាក់ខ្លួននៅក្នុងប្រទេសឥណ្ឌូនេស៊ី។ សូមបញ្ជាក់ជូនថា ក្រោយពេលនិរទេសបុរសជប៉ុនរូបនេះទៅដល់ប្រទេសកំណើតវិញគឺអាជ្ញាធរជប៉ុននឹងផ្តន្ទាទោសរូបគាត់ទៅតាមផ្លូវច្បាប់ ខណៈគេនៅមិនទាន់ដឹងច្បាស់ថាជនបោកប្រាស់រូបនេះនឹងទទួលទោសកម្រិតណានោះទេ៕ អត្ថបទ៖ ភក្តី

    March 13, 2024
  • អន្តរជាតិ

    ម៉ាឡេស៊ី៖ ពិធីមង្គលការមួយដែលមានកូនកំលោះម្នាក់និងកូនក្រមុំចំនួន ២នាក់កំពុងផ្ទុះការចាប់អារម្មណ៍យ៉ាងខ្លាំងនៅក្នុងចំណោមអ្នកប្រើប្រាស់បណ្តាញអ៊ីនធឺណិត​ ដ្បិតវាគឺជាករណីដ៏កម្រមួយនៅក្នុងសង្គមនាពេលបច្ចុប្បន្ននេះ  ខណៈនៅតាមប្រទេសមួយចំនួនវិញការមានប្រពន្ធពីរគឺត្រូវបានចាត់ជាសកម្មភាពខុសច្បាប់ទៀតផងដែរ។ យោងតាមការចុះផ្សាយរបស់បណ្តាញសារព័ត៌មាន World of Buzz នៅក្នុងថ្ងៃអង្គារ ទី១២ ខែមីនានេះបានបញ្ជាក់ថា ពិធីមង្គលការដ៏កម្រនេះបានកើតឡើងនៅក្នុងទីក្រុង Kuching រដ្ឋ Sarawak ភាគខាងជើងនៃប្រទេសម៉ាឡេស៊ី។ ប្រភពខាងលើបានបន្តថា កូនកំលោះនិងកូនក្រមុំទាំង ៣នាក់នេះគឺជាជនជាតិចិន ខណៈអត្តសញ្ញាណពិតប្រាកដរបស់ពួកគេមិនត្រូវបានបង្ហាញជាសាធារណៈឡើយ។ នៅក្នុងថ្ងៃរៀបការកូនក្រមុំទាំង ២នាក់បានបង្ហាញនូវភាពចុះសម្រុងនិងរីករាយជាមួយគ្នាយ៉ាងខ្លាំង ព្រោះអាពាហ៍ពិពាហ៍មួយនេះត្រូវបានរៀបចំឡើងដោយមានការយល់ព្រមពីសំណាក់សាមីខ្លួនទាំងអស់ ពោលគឺគ្មានការបង្ខិតបង្ខំពីភាគីណាមួយឡើយ។ ក្រោយប្រទះឃើញពិធីរៀបការដ៏កម្រមួយ ក្រុមអ្នកប្រើប្រាស់បណ្តាញសង្គម Facebook នៅក្នុងប្រទេសម៉ាឡេស៊ីបានបញ្ចេញមតិផ្សេងៗគ្នា ដោយអ្នកខ្លះបានលើកឡើងថា ចំណងស្នេហាត្រីកោណមួយនេះអាចនឹងមានភាពរង្គោះរង្គើប្រសិនបើបុរសជាប្តីមិនអាចបែងចែកពេលវេលាសម្រាប់រស់នៅជាមួយប្រពន្ធម្នាក់ៗឱ្យស្មើគ្នា​ ខណៈអ្នកខ្លះបានត្រឹមជូនពរឲ្យប្តីប្រពន្ធទាំង ៣នាក់នេះអាចរស់នៅជុំគ្នាប្រកបដោយសុភមង្គលរហូតដល់ចាស់រៀងៗខ្លួន៕   អត្ថបទ៖ ភក្តី ប្រភព៖ World

    March 12, 2024
  • អន្តរជាតិ

    ចិន៖ បញ្ញាសិប្បនិម្មិត ឬហៅកាត់ថា AI (Artificial Intelligence) កំពុងត្រូវបានក្រុមអ្នកវិទ្យសាស្រ្តយកទៅប្រាស់ជាជំនួយការនៅក្នុងកិច្ចការជាច្រើន រាប់ចាប់តាំងពីកិច្ចការនៅក្នុងវិស័យបច្ចេកវិទ្យា ការកំសាន្ត ការអប់រំ រហូតដល់កិច្ចការនៅក្នុងវិស័យវេជ្ជសាស្រ្តផងដែរ។ ជាក់ស្តែងយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអង្គារ ទី១២ ខែមីនានេះបានឲ្យដឹងថា ក្រុមអ្នកវិទ្យាសាស្រ្តចិនកំពុងសាកល្បងប្រើប្រាស់បច្ចេកវិទ្យា AI ជាជំនួយការវេជ្ជបណ្ឌិតក្នុងពេលវះកាត់នៅតាមមន្ទីរពេទ្យធំៗ។ ប្រភពខាងលើបានបន្តថា គិតត្រឹមពេលនេះគឺមានមន្ទីរពេទ្យចំនួន ៧ហើយនៅក្នុងទីក្រុងប៉េកាំងដែលបានសាកល្បងប្រើប្រាស់បច្ចេកវិទ្យា AI ជាជំនួយការនៅក្នុងពេលវះកាត់សរសៃប្រសាទ ខណៈមន្ទីរពេទ្យធំៗមួយចំនួនទៀតនៅទូទាំងប្រទេសចិនរួមទាំងមន្ទីរពេទ្យនៅក្នុងទីក្រុងហុងកុងផងដែរសុទ្ធតែមានគម្រោងសាកល្បងប្រើប្រាស់ជំនួយការ AI ក្នុងការវះកាត់ដូចគ្នានេះនៅខែក្រោយ។ យ៉ាងណាក្តីក្រុមអ្នកវិទ្យាសាស្រ្តចិននៅមិនទាន់ធ្វើការបញ្ជាក់នៅឡើយទេថា ការសាកល្បងប្រើប្រាស់បច្ចេកវិទ្យា AI ជាជំនួយការក្នុងពេលវះកាត់នេះអាចទទួលបានគុណសម្បត្តិកម្រិតណា ឬមានចំណុចអវិជ្ជមានយ៉ាងណានោះទេ។

    March 12, 2024
  • អន្តរជាតិ

    ឥណ្ឌា៖ ប្រទេសឥណ្ឌាទទួលបានជោគជ័យក្នុងការបាញ់សាកល្បងមីស៊ីលផលិតក្នុងស្រុកជាលើកដំបូង នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅយប់ថ្ងៃចន្ទ ទី១១ ខែមីនានេះ។ សមិទ្ធផលមីស៊ីលដំបូងរបស់ប្រទេសឥណ្ឌានេះមានឈ្មោះថា Agni-V ជាប្រភេទមីស៊ីលផ្លោងអន្តរទ្វីប​ ដែលអាចបាញ់បានក្នុងរយៈចម្ងាយរហូតដល់ ៥,០០០គីឡូម៉ែត្រ។ ប្រភពខាងលើបានបន្តថា មីស៊ីលផ្លោង Agni-V ត្រូវបានអភិវឌ្ឍន៍ឡើងដោយអង្គការស្រាវជ្រាវ និងអភិវឌ្ឍន៍ការពារជាតិ (Defence Research and Development Organisation) ដែលជាស្ថាប័នមួយស្ថិតនៅក្រោមការគ្រប់គ្រងរបស់ក្រសួងការពារជាតិឥណ្ឌា។ គួរកត់សម្គាល់ថា ប្រទេសធំៗមួយចំនួនដូចជា អាមេរិក​ រុស្ស៊ី ចិន បារាំង និងអង់គ្លេសសុទ្ធតែមានមីស៊ីលប្រភេទនេះទុកសម្រាប់ប្រើប្រាស់ជាយូរឆ្នាំមកហើយ ខណៈកាលពីឆ្នាំ២០១៧ ប្រទេសប៉ាគីស្ថានក៏ធ្លាប់បាញ់សាកល្បងមីស៊ីលប្រភេទនេះផងដែរ៕ អត្ថបទ៖ ភក្តី

    March 12, 2024
  • អន្តរជាតិ

    ថៃ៖អាជ្ញាធរអាកាសចរណ៍ថៃបានជូនដំណឹងនៅក្នុងថ្ងៃចន្ទ ទី១១​​ ខែមីនានេះថា​ សំបុត្រយន្តហោះសម្រាប់ធ្វើដំណើរនៅក្នុងស្រុកនឹងត្រូវបញ្ចុះតម្លៃ ២០%​ នៅក្នុង​ឱកាសនៃពិធី “បុណ្យចូលឆ្នាំប្រពៃណីថៃ” នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍។ កម្មវិធីបញ្ចុះតម្លៃពិសេសនេះនឹងត្រូវអនុវត្តសម្រាប់តែជើងហោះហើយប្រភេទ Red-eye flight តែប៉ុណ្ណោះ ពោលគឺជាជើងហោះហើរដែលត្រូវចេញដំណើរនៅពេលយប់ជ្រៅ និងនៅពេលព្រឹកព្រលឹម។ ប្រភពខាងលើបានបន្តថា តាមគម្រោង គឺកម្មវិធីបញ្ចុះតម្លៃនេះនឹងត្រូវអនុវត្តនៅក្នុងរយៈពេលចំនួន ៤ថ្ងៃ គឺថ្ងៃទី១១ ថ្ងៃទី១២ ថ្ងៃទី១៥ និងថ្ងៃទី១៦ នៃខែមេសាខាងមុខនេះ ខណៈគោលបំណងនៃការបង្កើតកម្មវិធីពិសេសនេះឡើង គឺដើម្បីជួយសម្រួលដល់ការធ្វើដំណើរទៅកាន់ទីតាំងសំខាន់ៗមួយចំ​នួន ដ្បិតនៅក្នុងឱកាសនៃពិធីបុណ្យដ៏ធំមួយនេះការធ្វើដំណើរតាមមធ្យោបាយផ្សេងៗនៅទូទាំងប្រទេសថៃ នឹងមានភាពមមាញឹកយ៉ាងខ្លាំង។ បើតាមអាជ្ញាធរអាកាសចរណ៍ថៃបានបញ្ជាក់បន្ថែមថា នៅក្នុងឱកាសនៃពិធីបុណ្យសង្ក្រាន្តឆ្នាំថ្មីឆ្នាំ២០២៤នេះ ក្រុមហ៊ុនអាកាសចរណ៍ចំនួន​៦ បានសម្រេចបង្កើនជើងហោះហើរសរុបចំនួន ១០៤ជើងបន្ថែមពីលើកាលវិភាគហោះហើរតាមថ្ងៃធម្មតា ខណៈការបង្កើនជើងហោះហើរទាំង ១០៤ជើងនេះ

    March 11, 2024