ចិន៖ យ៉ាងហោចណាស់មានមនុស្សចំនួន ៨នាក់បានស្លាប់បាត់បង់ជីវិតក្នុងហេតុការណ៍ផ្ទុះនៅហាងលក់កាំជ្រួចមួយកន្លែង នេះបើយោងតាមការចុះផ្សាយរបស់សារព័ត៌មាន The Strait Time នៅក្នុងថ្ងៃទី១៦ ខែកុម្ភៈ។ ហេតុការណ៍គ្រោះថ្នាក់បានកើតឡើងនៅក្នុងហាងលក់កាំជ្រួចមួយកន្លែងស្ថិតនៅក្នុងស្រុក Donghai ខេត្ត Jiangsu ភាគខាងកើតនៃប្រទេសចិន។ បើតាមអាជ្ញាធរខេត្ត Jiangsu បានឱ្យដឹងថា ក្រៅតែពីបានបណ្តាលឱ្យមានមនុស្សត្រូវស្លាប់បាត់បង់ជីវិតភ្លាមៗនៅកន្លែងកើតហេតុហើយ ហេតុការណ៍អកុសលនេះក៏បានបណ្តាលឱ្យមានមនុស្សចំនួន ២នាក់បានរងរបួសធ្ងន់ធ្ងរ និងត្រូវបញ្ជូនទៅសង្គ្រោះបន្ទាន់នៅក្នុងមន្ទីរពេទ្យផងដែរ។ ប្រភពខាងលើបានបន្តថា ហេតុការណ៍ផ្ទុះខាងលើនេះបានកើតឡើងក្រោយហាងខាងលើនេះបានស្តុកកាំជ្រួចទុកយ៉ាងច្រើនសម្រាប់លក់ក្នុងពិធីបុណ្យចូលឆ្នាំចិន ដែលជាទូទៅគឺគេនឹងដុតកាំជ្រួចទាំងអស់នេះនៅក្នុងថ្ងៃទី១៧ ស្អែកនេះ៕ អត្ថបទ៖ ភក្តី ប្រភព៖ The Strait Time

ឥណ្ឌា៖ បុគ្គលិកសុខាភិបាលឥណ្ឌាម្នាក់បានស្លាប់បាត់បង់ជីវិតដោយសារវិរុសនីប៉ា នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១៤ ខែកុម្ភៈ។ ជនរងគ្រោះដែលបានស្លាប់បាត់បង់ជីវិតរូបនេះមានតួនាទីជាគិលានុបដ្ឋាយិកា ភេទស្រី ខណៈអត្តសញ្ញាណលម្អិតរបស់គាត់មិនត្រូវបានបង្ហាញជាសាធារណៈនោះទេ។ បើតាមអាជ្ញាធរសុខាភិបាលឥណ្ឌាបានឱ្យដឹងថា គិលានុបដ្ឋាយិកាខាងលើនេះបានឆ្លងវិរុសនីប៉ាក្នុងពេលកំពុងបំពេញការនៅក្នុងមន្ទីរពេទ្យមួយកន្លែងក្នុងរដ្ឋ  West Bengal កាលពីអំឡុងខែមករាកន្លងទៅ។ ប្រភពខាងលើបានបន្តថា ក្រោយរកឃើញថា រូបគាត់បានតេស្តវិជ្ជមានជាមួយវិរុសនីប៉ាហើយ ខាងក្រុមគ្រូពេទ្យជំនាញក៏បានព្យាយាមព្យាបាលរូបគាត់យ៉ាងពិសេសផងដែរ តែជាអកុសលរូបគាត់នៅតែត្រូវស្លាប់បាត់បង់ជីវិតដដែល៕ អត្ថបទ៖ ភក្តី ប្រភព៖ The Strait Time

ឥណ្ឌា៖ អាជ្ញាធរអាកាសចរណ៍ឥណ្ឌាបានពិន័យក្រុមហ៊ុនអាកាសចរណ៍ Air India ជាប្រាក់ចំនួន ១០លានរូពី (១១០,៣៥០ដុល្លារ) នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី១៤ ខែកុម្ភៈ។ ការពិន័យនេះត្រូវបានធ្វើឡើងក្រោយក្រោមហ៊ុនអាកាសចរណ៍ Air India បានធ្វើការហោះហើរដឹកអ្នកដំណើររបស់ខ្លួនជាច្រើនជើង ដោយគ្មានលិខិតអនុញ្ញាតឱ្យហោះហើរពីសំណាក់អាជ្ញាធរជំនាញនោះទេ។ បើតាមអាជ្ញាធរអាកាសចរណ៍ឥណ្ឌាបានឱ្យដឹងថា សកម្មភាពហោះហើរដោយបំពានទៅនឹងច្បាប់អនុញ្ញាតខាងលើនេះបានកើតឡើងចំនួន ៨ដង នៅក្នុងថ្ងៃទី២៤ និងថ្ងៃទី២៥ ខែវិច្ឆិកាកន្លងទៅ ​និងបានកើតឡើងចំពោះជើងហោះហើរពីទីក្រុង​ទីក្រុង​ New Delhi ទៅកាន់ទីក្រុង Bengaluru និងជើងហោះហើរពីទីក្រុង Mumbai ទៅកាន់ទីក្រុង Hyderabad ខណៈយន្តហោះសម្រាប់ដឹកអ្នកដំណើរវិញគឺយន្តហោះប្រភេទ Airbus

អាមេរិក៖ មន្ត្រីជាន់ខ្ពស់អាមេរិកបានឱ្យដឹងថា យោធាសហរដ្ឋអាមេរិកបានត្រៀមខ្លួនរួចរាល់ហើយសម្រាប់ធ្វើប្រតិ​បត្តិការប្រឆាំងនឹងអ៊ឺរ៉ង់ក្នុងរយៈពេលជាច្រើនសប្តាហ៍ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី១៤ ខែកុម្ភៈ។ ប្រតិ​បត្តិការយោធាគ្រប់ទម្រង់អាចនឹងកើតមានភ្លាមៗ ប្រសិនបើមានបញ្ជាពីលោក ដូណាល់ ត្រាំ។ ប្រភពខាងលើបានបន្តថា ប្រសិនបើលោក ដូណាល់ ត្រាំ ពិតជាបញ្ជាឱ្យយោធាអាមេរិកបើកការវាយប្រហារទៅលើប្រទេសអ៊ឺរ៉ងើមែននោះ គឺជម្លោះនិងការប្រយុទ្ធគា្នរវាងប្រទេសទាំង ២ អាចនឹងកើតមានឡើងនៅក្នុងរយៈពេលវែង ដ្បិតប្រទេសធំៗទាំង២ នេះសុទ្ធតែមានកម្លាំងយោធាច្រើនសម្បូរបែបដូចៗគ្នា។ សូមបញ្ជាក់ជូនផងដែរថា ជម្លោះការទូតរវាងអាមេរិកនិងអ៊ឺរ៉ង់បានកើតឡើងកាន់តែខ្លាំងក្នុងរយៈពេលប៉ុន្មានសប្តាហ៍ចុងក្រោយនេះ ពោលគឺក្រោយពេលដែលរដ្ឋាភិបាលអ៊ីរ៉ង់បានប្រើប្រាស់កងកម្លាំងបង្រ្កាបទៅលើហ្វូងបាតុករយ៉ាងធ្ងន់ធ្ងរ ដែលបានបណ្តាលឱ្យមានមនុស្សរាប់ពាន់នាក់ត្រូវស្លាប់បាត់បង់ជីវិត ខណៈអាមេរិកបានទទូចឱ្យរដ្ឋាភិបាលអ៊ីរ៉ង់ត្រូវស្វែងរកកិច្ចព្រមព្រៀងដោយសន្តិភាពមួយ ដើម្បីបញ្ចប់បញ្ហានៅក្នុងប្រទេសរបស់ខ្លួន៕ អត្ថបទ៖ ភក្តី ប្រភព៖ Channel News

ហូឡង់៖ ក្រុមហ៊ុនផលិតស្រាបៀរដ៏ល្បីរបស់ប្រទេសហូឡង់ គឺក្រុមហ៊ុន Heineken បានប្រកាសកាត់បន្ថយបុគ្គលិករហូតដល់ ៦,០០០នាក់ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី១២ ខែកុម្ភៈ។ ការសម្រេចនេះត្រូវបានធ្វើឡើងក្រោមហេតុផលថា ក្រុមហ៊ុនកំពុងប្រឈមនឹង “ស្ថានភាពទីផ្សារដ៏លំបាក”។ បើតាមលោក​  Dolf van den Brink នាយកប្រតិបត្តិក្រុមហ៊ុន Heineken ​បានបញ្ជាក់ថា នៅក្នុងឆ្នាំនេះបរិមាណនៃការលក់ស្រាបៀរ Heineken គ្រប់ប្រភេទបានធ្លាក់ចុះយ៉ាងគំហុកបើធៀបទៅនឹងឆ្នាំកន្លងទៅ ហើយនៅចំពោះមុខស្ថានភាពមិនអំណោយផលនេះ ខាងក្រុមហ៊ុនគ្មានជម្រើសឯណាក្រៅពីការកាត់បន្ថយបុគ្គលិកនោះទេ។ ​យ៉ាងណាក្តី នាយកប្រតិបត្តិរូបនេះបានបន្តថា ការកាត់បុគ្គលិកនឹងត្រូវធ្វើឡើងជាដំណាក់កាលៗក្នុងរយៈពេល ២ឆ្នាំ ខណៈក្រុមបុគ្គលិកដែលស្ថិតនៅក្នុងគម្រោងត្រូវកាត់ចេញនោះគឺមានចំនួនចន្លោះពី ៥,០០០នាក់

ជប៉ុន៖ របាយការណ៍មួយបានបង្ហាញថា ក្រុមពលរដ្ឋជប៉ុនបានចាញ់បោកការបោកប្រាស់តាមប្រព័ន្ធអ៊ីនធឺណិតអស់ទឹកប្រាក់សរុបប្រមាណជា ៣២៤,១១ពាន់លានយេន (ជាង ២,១ពាន់លានដុល្លារ)។ យោងតាមការចុះផ្សាយរបស់បណ្តាញសារព័ត៌មាន The Strait Time​ នៅក្នុង​ថ្ងៃទី១២ ខែកុម្ភៈបានបញ្ជាក់ថា របាយការណ៍ខាងលើនេះត្រូវវចេញផ្សាយដោយប៉ូលិសជំនាញជប៉ុន ខណៈករណីបោកប្រាស់ត្រូវបានគេគិតពេញមួយឆ្នាំ នៃឆ្នាំ២០២៥កន្លងទៅនេះ។ នៅក្នុងរបាយការណ៍ដដែលនេះបានបង្ហាញ ការប្រោកប្រាស់តាមបណ្តាញអ៊ីនធឺណិតដែលបានកើតឡើងចំពោះពលរដ្ឋជប៉ុននោះគឺមាន ២ទម្រង់ ដោយទម្រង់ទី១ គឺជាការបោកបញ្ឆោតឱ្យដាក់ប្រាក់វិនិយោគក្នុងគម្រោងផ្សេងៗដើម្បីទទួលបានប្រាក់ចំណេញ និងទម្រង់ទី២ គឺការល្បួងឱ្យលង់ក្នុងទំនាក់ទំនងស្នេហាក្លែងក្លាយ។ ប្រភពខាងលើបានបន្តថា ក្រុមពលរដ្ឋជប៉ុនដែលជាជនរងគ្រោះក្នុងករណីបោកប្រាស់ខាងលើនេះ គឺភាគជាច្រើជាពលរដ្ឋមានអាយុខ្ទង់៥០ ឆ្នាំ បន្ទាប់មកទៀត គឺពលរដ្ឋមានអាយុខ្ទង់ ៦០ឆ្នាំ និង៤០ឆ្នាំ៕ អត្ថបទ៖ ភក្តី ប្រភព៖ The

ថៃ៖ ក្រុមនិសិ្សត និងបាតុករថៃជាច្រើនបាននាំគ្នាសម្រុកចូលអគាររដ្ឋាភិបាលថៃ និងទាមទារឱ្យសមាជិកនៃគណៈកម្មការរៀបចំការបោះឆ្នោតលាលែងពីតំណែង នេះបើយោងតាមការចុះផ្សាយរបស់បណ្តាញសារព័ត៌មាន Khaosod English  នៅក្នុងថ្ងៃទី១១ ខែកុម្ភៈ។ ការសម្រុកចូលទៅក្នុងអគាររដ្ឋាភិបាលនេះ បានកើតឡើងក្រោយមន្ត្រីរដ្ឋាភិបាលថៃមិនបានផ្តល់ភ្លើងអគ្គិសនីឱ្យក្រុមបាតុករដើម្បីប្រើប្រាស់ឧបករណ៍បំពងសំឡេងនៅខាងក្រៅអគារ។ យ៉ាង​ណាក្តី រហូតមកទល់នឹងពេលនេះនៅមិនទាន់មានសេចក្តីរាយការណ៍អំពីការកើតមានអំពើហិង្សានោះទេ។ សូមបញ្ជាក់ជូនថា មានក្រុមនិស្សិត និងពលរដ្ឋថៃជាច្រើនបាននាំគ្នាទៅតវ៉ានៅមុខអគាររដ្ឋាភិបាលថៃជាច្រើនថ្ងៃមកហើយ ពោលគឺចាប់តាំងពីដើមសប្តាហ៍នេះមក ដ្បិតពួកគេមិនពេញចិត្តជាមួយនឹងលទ្ធផលនៃការបោះឆ្នោតកាលពីថ្ងៃអាទិត្យកន្លងទៅនេះ ហើយពួកគេចោទប្រកាន់ថា គណៈកម្មការរៀបចំការបោះឆ្នោតបានជួយលួចបន្លំសន្លឹកឆ្នោតឱ្យគណបក្សដែលបានឈ្នះឆ្នោត៕ អត្ថបទ៖ ភក្តី ប្រភព៖ Khaosod English  

លីបង់៖ យ៉ាង​ហោចណាស់មានមនុស្សចំនួន ១៥នាក់បានស្លាប់បាត់បង់ជីវិតនៅក្នុងហេតុការណ៍បាក់អគារនៅក្នុងប្រទេសលីបង់ នេះបើយោងតាមការចុះផ្សាយរបស់បណ្តាញសារព័ត៌មាន BBC នៅក្នុងថ្ងៃទី១០ ខែកុម្ភៈ។ អគារដែលបានដួលរលំមានចំនួន ២ខ្នង និងមានទីតាំងស្ថិតនៅក្នុងទីក្រុង Tripoli ភាគខាងជើងនៃប្រទេសលីបង់។ បើតាមអាជ្ញាធរលីបង់បានបញ្ជាក់ថា ភ្លាមៗក្រោយពេលកើតហេតុអាជ្ញាធរក៏បានជួយសង្គ្រោះមនុស្សចេញពីគំនរបាក់បែកបានចំនួន ៨នាក់ផងដែរ ខណៈពួកគេបានរងរបួសស្រាលប៉ុណ្ណោះ។ ប្រភពខាងលើបានបន្តថា នៅក្នុងទីក្រុង Tripoli មានអគារចាស់ៗដែលប្រឈមនឹងការដួលរលំជាច្រើនខ្នង ជាក់ស្តែងកាលពីខែមុនអាជ្ញាធរលីបង់បានជូនដំណឹងដល់ម្ចាស់អគារជាង ១០០ខ្នងអំពីហានិភ័យនៃការបាក់រលំអគារផងដែរ៕ អត្ថបទ៖ ភក្តី ប្រភព៖ BBC    

អាមេរិក៖ យ៉ាងហោចណាស់មានមនុស្សចំនួន ១៨នាក់នៅក្នុងទីក្រុងញូវយ៉ក សហរដ្ឋអាមេរិក បានស្លាប់បាត់បង់ជីវិតដោយសារបញ្ហាអាកាសធាតុចុះត្រជាក់ខ្លាំង នេះបើយោងតាមាការចុះផ្សាយរបស់បណ្តាញសារព័ត៌មាន BBC នៅក្នុងថ្ងៃទី១០ ខែកុម្ភៈ។ តួលេខអ្នកស្លាប់ខាងលើនេះត្រូវគេរាប់ចាប់តាំងពីចុងខែមករារហូតមកដល់ពេលចុះផ្សាយនេះ។ បើតាមលោក  Zohran Mamdani អភិបាលក្រុង​ញូវយ៉កបានបញ្ជាក់ថា សីតុណ្ហភាពនៅក្នុងទីក្រុង​ញូវយ៉កបានចុះដល់កម្រិតសូន្យនិងក្រោមសូន្យអង្សាសេក្នុងរយៈពេលចំនួន ១៣ថ្ងៃជាប់ៗគ្នា ហើយវាក៏ជាពេលដែលអាកាសធាតុបានធ្លាក់ដល់កម្រិតសូន្យនិងក្រោមសូន្យអង្សាសេយូរបំផុតមិនធ្លាប់កើតមាននៅក្នុងទីក្រុងញូវយ៉កផងដែរ បើគិតក្នុងរយៈពេលប្រាំមួយទសវត្សរ៍ចងុក្រោយនេះ។ លោក  Zohran Mamdani បន្តថា ក្រៅតែពីបានបណ្តាលឱ្យមានមនុស្សត្រូវស្លាប់ហើយ បញ្ហាអាកាសធាតុនេះក៏បានបង្ខំឱ្យពលរដ្ឋប្រមាណជា ១,៤០០នាក់ផ្សេងទៀតត្រូវជម្លៀសខ្លួនចេញពីផ្ទះសម្បែងជាបណ្តោះអាសន្នសិនផងដែរ៕ អត្ថបទ៖ ភក្តី ប្រភព៖ BBC

អាមេរិក៖ លោក ដូណាល់ ត្រាំ បានគំរាមបញ្ឈប់ការបើកស្ពានសម្រាប់ឆ្លងកាត់ពីប្រទេសកាណាដាមកកាន់សហរដ្ឋអាមេរិក នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១០ ខែកុម្ភៈ។ លោក ដូណាល់​ ត្រាំ បានបញ្ជាក់ថា អាមេរិកគួរតែមានសិទ្ធគ្រប់គ្រងលើស្ពានមួយខ្សែនេះយ៉ាងហោចណាស់ក៏ ៥០%ដែរ។ សូមបញ្ជាក់ថា ស្ពានខាងលើនេះមានឈ្មោះថា “ស្ពាន​អន្តរជាតិ Gordie Howe​” ដែលត្រូវបានចាប់ផ្តើមសាងសង់នៅក្នុងឆ្នាំ២០១៨ សម្រាប់តភ្ជាប់ពីខេត្ត Ontario នៃប្រទេសកាណាដាមកកាន់រដ្ឋ Michigan របស់សហរដ្ឋអាមេរិក។ ស្ពានមួយខ្សែនេះមានតម្លៃជាទឹកប្រាក់ប្រមាណជា ៤,៧ពាន់លាន ខណៈយោងតាមគម្រោងនាពេលកន្លងមកគឺរដ្ឋាភិបាលកាណាដាជាអ្នកចំណាយប្រាក់លើការសាងសង់ ហើយបន្ទាប់ពីសាងសង់រួចក៏ភាគីខាងរដ្ឋាភិបាលកាណាដាជាអ្នកគ្រប់គ្រងចំណូលដែលបានមកពីការប្រើប្រាស់ស្ពានទាំងស្រុងផងដែរ។ សូមបញ្ជាក់ជូនផងដែរថា គិតត្រឹមពេលនេះ