ជប៉ុន៖ គណបក្សប្រជាធិបតេយ្យសេរីនិយមរបស់លោកស្រី Sanae Takaichi បានទទួលជ័យជម្នះដ៏គួរឱ្យភ្ញាក់ផ្អើលបំផុតក្នុងការបោះឆ្នោតជាតិនៅក្នុងប្រទេសជប៉ុន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី៩ ខែកុម្ភៈ។ លទ្ធផលបានបង្ហាញថា  គណបក្សប្រជាធិបតេយ្យសេរីនិយមបានឈ្នះអាសនៈរហូតដល់ ៣១៦ នៅក្នុងចំណោមអាសនៈចំនួន ៤៦៥នៅក្នុងសភា។ ជាមួយនឹងជ័យជំនះជាប្រវត្តិសាស្រ្តនេះ លោកស្រី Sanae Takaichi ត្រូវបានគេប្រសិទ្ធនាមជា “Iron Lady” (ស្រ្តីដែលរឹងមាំដូចដែក) ហើយគាត់ក៏ជាស្រ្តីដំបូងនៅក្នុងប្រទេសជប៉ុនផងដែរ ដែលត្រូវគេទទួលស្គាល់ពីភាពខ្លាំងរបស់គាត់ដូចនេះ។ សូមបញ្ជាក់ជូនថា គិតត្រឹមពេលនេះលោកស្រី Sanae Takaichi មានអាយុ ៦៤ឆ្នាំ ហើយគោលនយោបាយរបស់លោកស្រីដែលទទួលបានការគាំទ្រពីសំណាក់ប្រជាជនជប៉ុនខ្លាំងបំផុតនោះគឺ ការត្រួសត្រាយផ្លូវសម្រាប់ការកាត់បន្ថយពន្ធដែលធ្វើឱ្យល្អប្រសើរចំពោះទីផ្សារហិរញ្ញវត្ថុ

ចិន៖ មនុស្សចំនួន ៨នាក់បានស្លាប់បាត់បង់ជីវិតនៅក្នុងហេតុការណ៍ផ្ទុះនៅក្នុងរោងចក្រមួយកន្លែងក្នុងប្រទេសចិន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី ៨ ខែកុម្ភៈ។ រោងចក្រដែលជាកន្លែងកើតហេតុមានឈ្មោះថា Jiapeng ជារោងចក្រជីវបច្ចេកវិទ្យា មានទីតាំងស្ថិតនៅក្នុងខេត្ត Shanxi ភាគខាងត្បូងប្រទេសចិន។ សូមបញ្ជាក់ជូនថា ភ្លាមៗក្រោយពេលកើតហេតុអាជ្ញាធរចិនបានរាយការណ៍ជនរងគ្រោះ ដែលបានស្លាប់បាត់បង់ជីវិតមានត្រឹម ៧នាក់ប៉ុណ្ណោះ ខណៈមានមនុស្សម្នាក់កំពុងបាត់ខ្លួន។ យ៉ាងណាក្តី របាយការណ៍ចុងក្រោយរបស់អាជ្ញាធរចិនបានបញ្ជាក់ថា មនុស្សម្នាក់ដែលបានបាត់ខ្លួននោះក៏បានស្លាប់បាត់បង់ជីវិតដែរ ទើបធ្វើឱ្យចំនួនជនរងគ្រោះដែលត្រូវស្លាប់បាត់បង់ជីវិតបានកើនឡើងដល់៨ នាក់៕ អត្ថបទ៖ ភក្តី ប្រភព៖ Channel News Asia    

បារាំង៖ យ៉ាងហោចណាស់មានមនុស្សចំនួន ២នាក់បានស្លាប់បាត់បង់ជីវិតនៅក្នុងហេតុការណ៍បាក់រអិលដុំទឹកកកនៅក្នុងប្រទេសបារាំង នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី៩​ ខែកុម្ភៈ។ ជនរងគ្រោះដែលបានស្លាប់បាត់បង់ជីវិតទាំង ២រូប គឺជាអ្នកទេសចរ ដែលកំពុងជិះស្គីលេងនៅកន្លែងកើតហេតុនោះ។ ប្រភពខាងលើបានបន្តថា ហេតុការណ៍គ្រោះថ្នាក់បានកើតឡើងនៅតំបន់ភ្នំ French Alps ដែលជាតំបន់ភ្នំទឹកកក និងជាកន្លែងទេសចរណ៍ដ៏ល្បីមួយនៅភាគខាងត្បូង នៃប្រទេសបារាំង។ សូមបញ្ជាក់ជូនថា ហេតុការណ៍បាក់រអិលទឹកកកពីលើភ្នំ ឬពីលើតំបន់ខ្ពស់ៗ តែងបង្កគ្រោះថ្នាក់ដល់អាយុជីវិតមនុស្សជារឿយៗ ជាក់នៅក្នុងឆ្នាំនេះបញ្ហាធម្មជាតិនេះបានបណ្តាលឱ្យអ្នកជិះស្គីនៅក្នុងប្រទេសបារាំង ស្វីស និងអូទ្រីស ជាង ២០នាក់ហើយ ដែលបានស្លាប់បាត់បង់ជីវិត៕ អត្ថបទ៖ ភក្តី ប្រភព៖ The

ថៃ៖ ការរាប់សន្លឹកឆ្នោតនៅក្នុងប្រទេសថៃត្រូវបានបិទបញ្ចប់នៅម៉ោង ១១ និង ៤៥នាទីយប់មិញនេះ ខណៈលទ្ធផលបានបង្ហាញថា គណបក្ស Bhumjaithai របស់លោក Anutin Charnvirakul បានឈ្នះការបោះឆ្នោត។ គណបក្ស Bhumjaithai ទទួលបានអាសនៈចំនួន ១៧០ នៅក្នុងចំណោមអាសនៈ ៤០០។ ប្រភពខាងលើបានបន្តថា គណបក្សដែលទទួលបានការគាំទ្រច្រើនលំដាប់ទី២ គឺគណបក្ស People’s Party ដែលមានសំឡេងគាំទ្រ ៨៥អាសនៈ ខណៈគណបក្ស Pheu Thai របស់ក្រុមគ្រួសារលោក ថាក់​ស៊ីន ស៊ីណាវ៉ាត្រា វិញ ទទួលបានសំឡេងគាំទ្រចំនួន ៦០អាសនៈ។

បង់ក្លាដេស៖ អាជ្ញាធរសុខាភិបាលនៃប្រទេសបង់ក្លាដេសបានប្រកាសពីការរកឃើញករណីអ្នកស្លាប់បាត់បង់ជីវិតម្នាក់ដោយសារវីរុសនីប៉ា (Nipah Virus)  នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី៧ ខែកុម្ភៈ។ ជនរងគ្រោះដែលបានស្លាប់បាត់បង់ជីវិតនេះគ្មានប្រវត្តិធ្លាប់ធ្វើដំណើចេញក្រៅប្រទេសឡើយ ខណៈក្រុមអ្នកជំនាញបានសង្ស័យថា គាត់បានឆ្លងវិរុសនីប៉ាតាមរយៈអាហារដែលគាត់បានបរិភោគ។ បើតាមអាជ្ញាធរសុខាភិបាលបង់ក្លាដេសបានបញ្ជាក់ថា មុនពេលឆ្លងវិរុសនីប៉ាជនរងគ្រោះខាងលើនេះបានបរិភោគ​ទឹកល្មើស្រស់ (Raw date palm sap ឬជាទឹកធម្មជាតិដែលគេយកចេញពីដើមល្មើ) ដែលគេទើបយកមកពីលើដើមថ្មីៗ។ តាមការសនិ្នដ្ឋាន ទំនងជានៅក្នុងទឹកល្មើស្រស់នោះមានផ្ទុកនូវវីរុសនីប៉ាចម្លងមកពីសត្វប្រចៀវ ដែលបានទៅផឹកឬប៉ះពាល់ជាមួយទឹកនោះតាំងតែពីពេលដែលវានៅលើដើមម្លេះ។ គួររម្លឹកជូនថា ថ្មីៗនេះប្រទេសឥណ្ឌាក៏បានប្រកាសរកឃើញអ្នកស្លាប់បាត់បង់ជីវិតដោយសារវិរុសនីប៉ាចំនួន ២ករណីផងដែរ ខណៈនៅតាមបណ្តាប្រទេសជាច្រើននៅជុំវិញពិភពលោកកំពុងមានការព្រួយបារម្ភយ៉ាងពីការរាតត្បាតនៃវិរុសដ៏កាចសហាវមួយនេះ៕   អត្ថបទ៖ ភក្តី ប្រភព៖ Channel News

ថៃ៖ នៅទីបំផុតការបោះឆ្នោតមុនអាណត្តិនៅក្នុងប្រទេសថៃបានចាប់ផ្តើមនៅក្នុងថ្ងៃទី៨ ខែកុម្ភៈនេះហើយ ខណៈគេបានរំពឹងថា គណបក្សធំៗចំនួន ៣អាចនឹងទទួលបានសំឡេងគាំទ្រច្រើនជាងគេពីការបោះឆ្នោតនៅទូទាំងប្រទេស។ គណបក្សនយោបាយទាំង ៣នោះ រួមមានគណបក្ស People’s Party  ដែលត្រូវបានគេដឹងថា ជាអតីតគណបក្ស Move Forward ហើយជាទូទៅគណបក្សនយោបាយមួយនេះមានការគាំច្រើនពីសំណាក់ក្រុមយុវជននិងពលរដ្ឋនៅក្នុងទីក្រុង ចំពោះគោលនយោបាយកែទម្រង់របបនយោបាយ លទ្ធិប្រជាធិបតេយ្យ សិទ្ធិមនុស្ស និងតួនាទីយោធា។ គណបក្សរបស់អតីតនាយករដ្ឋមន្ត្រីថៃ លោក Anutin Charnvirakul គឺគណបក្ស Bhumjaithai ក៏ត្រូវបានគេកត់សម្គាល់ថា​ ជាគណបក្សទទួលបានការគាំទ្រច្រើនសំណាក់ពលរដ្ឋថៃដែលមានស្មារតីជាតិនិយមជ្រុលផងដែរ។ គណបក្សនយោបាយដ៏ធំមួយទៀតដែលគេមិនអាចមើលរំលងបាននោះគឺគណបក្ស Pheu Thai ជាគណបក្សជាប់ពាក់ព័ន្ធនឹងក្រុមនយោបាយរបស់ លោក ថាក់ស៊ីន

ហ្គ្រីនឡែន៖ ប្រទេសបារាំង និងកាណាដា បានសម្រចបើកស្ថានកុងស៊ុលរបស់ពួកគេនៅលើដែនដីស្វយ័តហ្រ្គីនឡែនជាផ្លូវការហើយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី​៧ ខែកុម្ភៈ។ ការសម្រចបើកស្ថានកុងស៊ុលពីសំណាក់ប្រទេសធំៗទាំង២ នេះ គឺជាការបង្ហាញការគាំទ្រចំពោះហ្រ្គីនឡែនពីការទាមទារចង់បានរបស់សហរដ្ឋអាមេរិក។ គួរររម្លឹកជូនថា គិតត្រឹមពេលនេះដែនដីហ្គ្រីនឡែនគឺជាតំបន់ស្វយ័តមួយរបស់ប្រទេសដាណឺម៉ាក ដែលមានប្រជាពលរដ្ឋកំពុងរស់នៅជាងកន្លះលាននាក់ប៉ុណ្ណោះ។ យ៉ាងណាក្តី ចាប់តាំងពីលោក ដូណាល់ ត្រាំ បានចូលកាន់តំណែងជាប្រធានាធិបតីអាមេរិកកាលពីដើមឆ្នាំ២០២៥ មក គឺលោកបានបង្ហាញជំហរយ៉ាងខ្លាំងខ្លាក្នុងការចង់បានដែនដីមួយនេះទៅគ្រប់គ្រង ហើយរហូតមកទល់នឹងពេលនេះអាមេរិកបានដាក់ចេញផែនការសំខាន់ៗជាច្រើនរួចហើយដើម្បីយកហ្គ្រីនឡែនធ្វើជាផ្នែកមួយនៃទឹកដីរបស់ខ្លួន៕ អត្ថបទ៖ ភក្តី ប្រភព៖ The Strait Time  

អូស្ត្រាលី៖ យ៉ាងហោចណាស់មានមនុស្សចំនួន ៣នាក់បានស្លាប់បាត់បង់ជីវិតនៅក្នុងហេតុការណ៍ធ្លាក់យន្តហោះមួយគ្រឿងនៅក្នុងប្រទេសអូស្រ្តាលី នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី៧ ខែកុម្ភៈ។ យន្តហោះដែលបានជួបគ្រោះថ្នាក់នេះគឺជាយន្តហោះខ្នាតតូច ដែលមានអ្នកបើកបរម្នាក់ និងអ្នកធ្វើដំណើរចំនួន ២នាក់។ បើតាមអាជ្ញាធរអូស្រ្តាលីបានឱ្យដឹងថា យន្តហោះបានធ្លាក់ចូលទៅក្នុងសមុទ្រ Long Bay  នៅក្បែរកំពង់ផែទីក្រុង Goolwa South ដែលស្ថិតនៅក្នុងរដ្ឋ South Australia នៃ​ប្រទេសអូស្រ្តាលី។ ប្រភពខាងលើបានបន្តថា គេនៅមិនទាន់បានដឹងអំពីមូលហេតុជាក់លាក់ ដែលបានបណ្តាលឱ្យយន្តហោះត្រូវធ្លាក់យ៉ាងឆាប់រហ័សដូចនេះនៅឡើយទេ ខណៈការស៊ើបអង្កេតកំពុងត្រូវបានធ្វើឡើងពីសំណាក់ក្រុមអ្នកជំនាញផ្នែកអាកាសចរណ៍៕ អត្ថបទ៖​ ភក្តី ប្រភព៖ The Strait Time

ឥណ្ឌា៖ យ៉ាងហោចណាស់មានមនុស្សចំនួន ១៨នាក់បានស្លាប់បាត់បង់ជីវិតនៅក្នុងហេតុការណ៍ផ្ទុះនៅអណ្តូងរ៉ែធ្យូងថ្មមួយកន្លែងនៅក្នុងប្រទេសឥណ្ឌា នេះបើយោងតាមការចុះផ្សាយរបស់បណ្តាញសារព័ត៌មាន BBC នៅក្នុងថ្ងៃទី៦ ខែកុម្ភៈ។ ទន្ទឹមគ្នានេះក៏នៅមានមនុស្សម្នាក់កំពុងរងរបួសធ្ងន់ធ្ងរផងដែរ។ ប្រភពខាងលើបានបន្តថា អណ្តូងរ៉ែដែលជាកន្លែងកើតហេតុខាងលើនេះគឺជាអណ្តូងរ៉ែដំណើរការដោយគ្មានអាជ្ញាបណ្ណត្រឹមត្រូវនោះទេ និងមានទីតាំងស្ថិតនៅក្នុងតំបន់ភ្នំ East Jaintia នៃរដ្ឋ Meghalaya ភាគខាងជើងនៃប្រទេសឥណ្ឌា។ ភ្លាមៗក្រោយពេលកើតហេតុ លោកនាយករដ្ឋមន្ត្រីឥណ្ឌា Narendra Modi បានប្រកាសផ្តល់ប្រាក់ឧបត្ថម្ភដល់ក្រុមគ្រួសារនៃជនរងគ្រោះដែលបានស្លាប់បាត់បង់ជីវិតម្នាក់ចំនួន ២០០,០០០រូពី (ជាង ២,២០០ដុល្លារ) និងអ្នករងរបួសម្នាក់ចំនួន ៥០,០០០រូពី (៥៥០ដុល្លារ)៕ អត្ថបទ៖​ ភក្តី ប្រភព៖ BBC

តៃវ៉ាន់៖ តៃវ៉ាន់បានសហការជាមួយក្រុមហ៊ុនអាមេរិកផលិតដ្រូនវាយប្រហារបានយ៉ាង​ជោគជ័យ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី៦ ខែកុម្ភៈ។ ក្រុមហ៊ុនដែលបានសហការជាមួយយោធាតៃវ៉ាន់នោះមានឈ្មោះថា Kratos Defense មានមូលដ្ឋាននៅក្នុងទីក្រុង Oklahoma សហរដ្ឋអាមេរិក។ ប្រភពខាងលើបានបន្តថា​ តាមរយៈកិច្ចសហការណ៍នេះបានជួយឱ្យតៃវ៉ាន់អាចផលិតបានដ្រូនក្នុងបរិមាណយ៉ាងច្រើនជាមួយនឹងតម្លៃទាប ដ្បិតការបញ្ជាទិញដ្រូនពីក្រៅប្រទេសគឺត្រូវចំណាយអស់ប្រាក់ច្រើនជាងការផលិតដោយខ្លួនឯងនៅក្នុងស្រុក។ បើតាម វិទ្យាស្ថានវិទ្យាសាស្ត្រ និងបច្ចេកវិទ្យាជុងសានជាតិ (NCSIST) របស់តោះតៃវ៉ាន់ បានបញ្ជាក់ថា តាមរយៈកិច្ចសហការណ៍ខាងលើនេះក៏បានបើកផ្លូវឱ្យតៃវ៉ាន់អាចបន្តអភិវឌ្ឍន៍អាវុធទំនើបៗជាច្រើនបន្ថែមទៀតផងដែរ ដើម្បីប្រើប្រាស់ប្រឆាំងនឹងការគំរាមគំហែងពីសំណាក់ប្រទេសចិន៕ អត្ថបទ៖ ភក្តី ប្រភព៖ The Strait Time