លោក ដូណាល់ ត្រាំ គំរាមឈប់ការពារ NATO ក្រោយសម្ព័ន្ធមិត្ត NATO ដែលមិនបានបញ្ជូនកងទ័ពទៅកាន់ច្រកសមុទ្រហ័រមូស

អាមេរិក៖ លោកប្រធានាធិបតីអាមេរិក ដូណាល់ ត្រាំ បានគំរាមមិនការពារអង្គការ NATO ទៀតនោះទេ នេះបើយោងតាមការចុះផ្សាយរបស់បណ្តាញសារព័ត៌មាន VN Express នៅក្នុងថ្ងៃទី២៨ ខែមីនា។ ការគំរាមនេះត្រូវបានធ្វើឡើងបន្ទាប់ពីរូបលោកខកចិត្តយ៉ាងខ្លាំង ចំពោះសម្ព័ន្ធមិត្ត NATO ដែលមិនបានបញ្ជូនកងទ័ពទៅកាន់ច្រកសមុទ្រហ័រមូស។

ថ្លែងនៅក្នុងវេទិកាវិនិយោគមួយនៅរដ្ឋ Florida លោកប្រធានាធិបតីសហរដ្ឋអាមេរិក ដូណាល់ ត្រាំ បាននិយាយចំៗថា៖ “យើងបានចំណាយប្រាក់រាប់ពាន់លានដុល្លារក្នុងមួយឆ្នាំដើម្បីជួយពួកគេ (NATO) យើងបានចំណាយប្រាក់រាប់ពាន់លានដុល្លារក្នុងមួយឆ្នាំដើម្បីការពារពួកគេ  ហើយយើងតែងតែត្រៀមខ្លួនជានិច្ចដើម្បីជួយពួកគេផងដែរ។ តែយ៉ាងណាក្តី តែបើផ្អែកតាមសកម្មភាពរបស់ពួកគេនាពេលនេះ ខ្ញុំគិតថា យើងមិនចាំបាច់បន្តជួយ ឬការពារពួកគេទៀតនោះទេ”៕

អត្ថបទ៖ ភក្តី

ប្រភព៖ VN Express