Juventus កំពុងពិចារណាយកលោក Zidane ឬលោក Conte មកជំនួយតំណែងលោក Allegri
- BY
- Pheakdey
- January 16, 2023
អ៊ីតាលី៖ ក្លឹបបាល់ទាត់សេះបង្កង់ Juventus កំពុងពិចារណាធ្វើការផ្លាស់ប្តូរគ្រូបង្វឹកថ្មីហើយ នេះបើយោងតាមការចុះផ្សាយរបស់បណ្តាញសារព័ត៌មាន The Goal នៅរសៀលថ្ងៃចន្ទ ទី១៦ ខែមករានេះ។ អ្នកចាត់ការដែលកំពុងដឹកក្លឹបបាល់ទាត់ Juventus នាពេលបច្ចុប្បន្ននេះគឺលោក Massimiliano Allegri ជនជាតិអ៊ីតាលី វ័យ ៥៥ឆ្នាំ ដែលធ្លាប់ជួយឲ្យក្លឹបសេះបង្កង់ឈ្នះពានរង្វាន់ធំៗជាច្រើនផងដែរនាពេលកន្លងមក។
លោក Massimiliano Allegri
យ៉ាងណាក្តី ក្លឹប Juventus ហាក់បង្ហាញទម្រង់លេងមិនល្អនោះទេក្នុងមួយរយៈពេលចុងក្រោយនេះ ហើយថ្មីៗនេះទៀតសោធក្រុមសេះបង្កង់បានលេងចាញ់ក្រុម Napoli ក្នុងលទ្ធផលរហូតដល់ ៥ : ១ ឯណោះ។ ព្រោះលទ្ធផលចាញ់យ៉ាងអាម៉ាស់នេះហើយទើបធ្វើឲ្យប្រធានក្លឹបនិងក្រុមប្រឹក្សាពិបាលរបស់ក្លឹបមិនសប្បាយចិត្តជាមួយលោក Massimiliano Allegri នោះទេ និងចង់ស្វែករកគ្រូថ្មីមកជំនួយតំណែងរបស់គាត់តែម្តង ។ ប្រភពខាងលើបាបបញ្ជាក់ទៀតថា ចំពោះបេក្ខភាពគ្រូបង្វឹកដែលអាចមកដឹកនាំក្រុម Juventus ជំនួសលោក Massimiliano Allegri មាន ២រូប គឺលោក Zinedine Zidane ឬ លោក Antonio Conte៕
អត្ថបទ៖ ភក្តី
ប្រភព៖ Goal
- Share This Post: