រាជធានីភ្នំពេញ៖ កាលពីថ្ងៃទី០៥ ខែមីនា ឆ្នាំ២០២៣កន្លងទៅ វីដេអូមួយកំពុងផ្ទុះខ្លាំងក្នុងបណ្ដាញសង្គមហ្វេសប៊ុក ករណីលោកតាវ័យចំណាស់ម្នាក់ ពិការជើងម្ខាង រត់កង់បី ដើម្បីរកប្រាក់ចិញ្ចឹមជីវិត។ តាមរយៈវីដេអូ ប្រមាណជិត១នាទី លោកតា បាននិយាយថា នៅក្នុងមួយថ្ងៃលោកតារកប្រាក់បានតែ ១ម៉ឺនរៀល ទៅ២ម៉ឺនរៀលតែប៉ុណ្ណោះ មិនចេះប្រើ App ដូចគេទេ ចំណែកកូនចៅវិញ គឺនៅស្រែទាំងអស់ លោកតាគ្រាន់សុំឱ្យអ្នកដំណើរ ជួយជិះកង់បីរបស់លោកតាតែប៉ុណ្ណោះ មិនសុំអ្វីច្រើននោះទេ។

ក្នុងនោះយោងតាមគណនីហ្វេសប៊ុកផ្ទាល់របស់ម្ចាស់វីដេអូឈ្មោះ តាំង គីមឡេង បានសរសេររៀបរាប់យ៉ាងដូច្នេះថា៖ «បងប្អូនទាំងអស់គ្នាមេត្តាជួយចែករំលែកដូចបានជួយលោកតា បានមានអ្នកជួយជិះនិងហៅលោកតាបានដឹកបានកម្រៃចិញ្ចឹមជីវិតនិងស្រឡាញ់ការតស៊ូរបស់លោកតាណាស់ ទោះពិការក៏លោកតាថាមិនលើកដៃសុំគេ មានតែប្រឹងរកតាមអ្វីដែលលោកតាអាចធ្វើបាន។ លេខលោកតា
012636422, 0964058899 » ៕

ប្រភព៖ តាំង គីមឡេង