ក្រោយផ្ទុះការរិះគន់យ៉ាងចាស់ដៃ លោក ឯម រៀម ចេញមកសុំទោស បន្ទាប់ពីធ្វើឲ្យប៉ះពាល់ដល់ «បេះដូង ១លានបេះដូង» នៅសៀមរាប
- BY
- srey nuch
- April 11, 2023
រាជធានីភ្នំពេញ៖ ក្រោយផ្ទុះការជជែកវែកញែក និងរិះគន់យ៉ាងចាស់ដៃពីសំណាក់មហាជន ក្នុងបណ្ដាញសង្គមហ្វេសប៊ុកពីលោក ឯម រៀម ដែលជាអ្នកច្នៃម៉ូតដល់ល្បីម្នាក់ ដោយកាលពីម្សិលមិញលោកបានបង្ហោះខុសអត្ថន័យ សរសេរថា៖ «១លាន បេះដូងក្លែងក្លាយ បើជាថវិការដ្ឋសូមចូលរួមសោកស្តាយ តែបើជាទឹកចិត្តរបស់បងប្អូន មិនគួរធ្វើនៅទីនេះ…»។
បន្ទាប់ពីបានមើលឃើញនូវកំហុសរបស់ខ្លួន នៅថ្ងៃទី១១ ខែមេសា ឆ្នាំ២០២៣ យោងតាមគណនីហ្វេសប៊ុករបស់លោក ឯម រៀម បានធ្វើការសូមអភ័យទោសដល់មហាជន ដែលលោកបានសរសេរ Caption ខុសអត្ថន័យ «១លានបេះដូងកាត់បទ» កាលពីម្សិលមិញ ក្នុងនោះលោក ឯម រៀម បានសរសេររៀបរ៉ាប់យ៉ាងដូច្នេះថា៖ «សូមអភ័យទោសពីបងប្អូន ន័យដែលខ្ញុំបានសរសេរ Caption ខុសអត្ថន័យ របស់១លានបេះដូងកាត់បទ កាលម្សិលមិញ ហើយខ្ញុំក៏បានកែសម្រួលរួច Caption ឡើងវិញហើយ ដូចនេះហើយសូមខន្ដី និងអភ័យទោសផង ដោយខ្ញុំមិនបានពិចារណា ហើយពីពេលនេះទៅសន្យាថានឹងធ្វើសិល្បៈរបស់ខ្ញុំ និងមិនប៉ះពាល់ដល់សង្គមឡើយ » ៕
ប្រភព៖ លោក EM RIEM
- Share This Post: