តស៊ូមិនបោះបង់! បេក្ខនារីប្រឡងបាក់ឌុបអាយុច្រើនជាងគេ ធ្លាក់កាលពីឆ្នាំមុន ពេលនេះវិលត្រលប់មកម្ដងទៀត ដើម្បីបំពេញក្ដីស្រម៉ៃ
- BY
- srey nuch
- November 2, 2023
រាជធានីភ្នំពេញ៖ មហាជនពិតជាធ្លាប់ស្គាល់រួចមកហើយ ចំពោះបេក្ខនារីអាយុច្រើនជាងគេគឺ អ្នកមីង ហែម ស៊ីណាត អាយុ៥៧ឆ្នាំ នៅខេត្តបន្ទាយមានជ័យ ដោយអ្នកមីងបានបរាជ័យម្តងហើយកាលពីប្រឡងសញ្ញាបត្រទុតិយភូមិ (បាក់ឌុប) កាលពីឆ្នាំ២០២២ តែពេលនេះ អ្នកមីងមិនបង់បោះចោលក្ដីស្រមៃ មកប្រឡងម្តងទៀតនៅថ្ងៃទី០៦ ខែវិច្ឆិកានេះ ដោយមានលេងរៀងទី ៤៨៩ ស្ថិតនៅមណ្ឌលអនុវិទ្យាល័យទឹកថ្លា នាខេត្តបន្ទាយមានជ័យ។
សូមបញ្ជាក់ថា អ្នកមីងឈ្មោះ ហែម ស៊ីណាត អាយុ៥៧ឆ្នាំ ជាបេក្ខនារី អាយុច្រើនជាងគេ ដែលបានប្រឡងធ្លាក់ សម្រាប់ការប្រឡងសញ្ញាបត្រទុតិយភូមិ (បាក់ឌុប) កាលពីឆ្នាំ២០២២ ដែលមានទីលំនៅ នៅភូមិថ្មរមៀល ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ។ អ្នកមីងខំតស៊ូប្រឡងយកសញ្ញាបត្រមធ្យមសិក្សាទុតិយភូមិ ដើម្បីបំពេញក្ដីស្រមៃរបស់ខ្លួន ចង់ក្លាយជាគ្រូបង្រៀនបានប្រាក់យកមកចិញ្ចឹមកូន ៤ នាក់នៅក្នុងបន្ទុក។
ក្នុងនោះយោងតាមគណនីហ្វេសប៊ុកផេកផ្លូវការរបស់ ក្រសួងអប់រំ យុវជន និងកីឡា នៅថ្ងៃទី០២ ខែវិច្ឆិកា ឆ្នាំ២០២៣ បានបង្ហោះសារជូនពរ និងផ្តល់កម្លាំងចិត្ត ជូនបេក្ខជន ហែម ស៊ីណាត ឱ្យទទួលបានជោគជ័យក្នុងការប្រឡងសញ្ញាបត្រមធ្យមសិក្សាទុតិយភូមិ នៅថ្ងៃទី០៦ ខែវិច្ឆិកា ឆ្នាំ២០២៣ខាងមុខនេះផងដែរ ៕
ប្រភព៖ MoEYS Cambodia
- Share This Post: