ម្ហូបនាំសំណាងមួយចំនួន ដែលមិនអាចចោលបានក្នុងថ្ងៃសែនចូលឆ្នាំចិន
កាន់តែកៀកខិតជិតមកដល់ចូលឆ្នាំចិន ប្រជាជនចិន និងជនជាតិដែលកាត់ខ្សែស្រឡាយចិនទាំងអស់កំពុងមមាញឹកនឹងការសម្អាតផ្ទះសម្បែង និងគ្រឿងរណ្ដាប់សម្រាប់សែនព្រេន។ យ៉ាងណាមិញ ក្រៅពីតំណមជាច្រើន ក្នុងនោះចិនក៏មានជំនឿទៅលើអាហារមួយចំនួន ដែលត្រូវបានចាត់ទុកថាជាអាហារនាំជ័យលាភក្នុងឆ្នាំថ្មីផងដែរ។ អាហារទាំងនោះមានដូចជា៖
១.ត្រី៖ ប្រជាជនចិន មានជំនឿថា ការបរិភោគត្រីនឹងធ្វើឲ្យចម្រុងចម្រើន ជាពិសេសគឺត្រីចំហុយតែម្ដង។ មូលហេតុគឺដោយសារតែត្រីក្នុងភាសាចិន (鱼 Yú /yoo/) គឺស្រដៀងនឹងពាក្យច្រើនលើសលុប ហើយគេគិតថា ការបរិភោគត្រីនឹងធ្វើឲ្យគេទទួលបានភាពរីកចម្រើនលើសលុបនៅក្នុងឆ្នាំថ្មី។
២. គាវ៖ គាវ បានក្លាយជាម្ហូបប្រពៃណីរបស់ចិនជាង១៨០០ឆ្នាំ មកហើយ។ ដោយភាគច្រើនត្រូវបានគេជឿថា ការបរិភោគគៀវនឹងនាំនូវទ្រព្យសម្បត្តិ ភាពរុងរឿង និងកំណប់ទ្រព្យ រួមទាំងប្រាក់កាសផងដែរ។
៣. ចាយ៉៖ ចាយ៉ ជាអាហារមួយដែលត្រូវបានជនជាតិចិនចាត់ទុកថា ប្រៀបដូចជានាំលុយកាក់ ព្រោះរូបរាង និងពណ៌របស់វាប្រៀបដូចទៅនឹងដុំមាស។
៤. នំជាល ៖ នំជាល ជាបង្អែមដែលជនជាតិចិនជឿថា អាចជួយនាំចំណូលកើនឡើង ថែមទាំងអាចឡើងឋានៈផងដែរ។
៥. មីឆា រឺអាហារសរសៃវែង៖ មីឆា ឬមីសួ ជាអាហារដែលខានមិនបានក្នុងថ្ងៃចូលឆ្នាំ ដោយគេគិតថា អាហារប្រភេទសរសៃវែងទាំងនេះ នឹងអាចធ្វើឲ្យពួកគេទទួលបានសុភមង្គល និងអាយុវែងដូចគ្នា។
៦. ផ្លែឈើនាំសំណាង៖ ផ្លែឈើដែលត្រូវបានចាត់ទុកជាផ្លែនាំសំណាងមានដូចជា ក្រូច ក្រូចឃ្វិច និងក្រូចថ្លុង។ ពណ៌លឿងទុំច្រាលពីសំបកក្រួចគឺប្រៀបដូចជាពណ៌មាស ជាសញ្ញានៃភាពបរិបូរណ៍ និងទ្រព្យសម្បត្តិស្តុកស្តម្ភ។
៧. នំអ៊ី៖ នំអ៊ី ជានំនាំសំណាង និងសុភមង្គលដល់ក្រុមគ្រួសារ រួមទាំងសាច់ញាតិផងដែរ៕
ប្រភព៖ chinahighlight