រន្ធត់ណាស់ ! រថភ្លើងពីរគ្រឿងរត់បុកគ្នាបង្កការខូចខាតយ៉ាងធ្ងន់ធ្ងរ សំណាងមិនមានមនុស្សរបួសនិងស្លាប់

បរទេស ៖ ធ្លាប់តែលឺគ្រោះថ្នាក់ចរាចរណ៍រវាងរថយន្តជាមួយរថយន្តរឺម៉ូតូ តែពេលនេះបែរជាមានគ្រោះថ្នាក់ចរាចរណ៍រវាងរថភ្លើងនឹងរថភ្លើងទៅវិញ។ តាមប្រភពព័ត៌មានបរទេសមួយបានចុះផ្សាយករណីរន្ធត់មួយ ដែលរថភ្លើងពីគ្រឿងបានរត់បុកគ្នាបង្កជាការខូតខាតយ៉ាងធ្ងន់ធ្ងរនៅក្នុងតំបន់ភាគខាងកើតប្រទេស Pakistan។ ឧបទ្ទេវហេតុនេះបានកើតឡើងកាលពីថ្ងៃអង្គារ ទី២២ ខែឧសភាម្សិលមិញនេះ តែមិនមានបង្កអោយមានមនុស្សរបួសនិងស្លាប់នោះទេ។

តាមប្រភពបានអោយដឹងថារថភ្លើងដែលមានពណ៌ខៀវជារថយន្តដឹកអ្នកដំណើរ រីឯរថភ្លើងមួយទៀតជារថភ្លើងដឹកទំនិញ។ គ្រោះថ្នាក់ចរាចរណ៍មួយនេះត្រូវបានគេដឹងថាបង្កឡើងពីរថភ្លើងពណ៌ខៀវដែលបានបើកហួសល្បឿនកំណត់ បណ្តាលធ្វើអោយខូចខាតដល់ផ្លូវរថភ្លើងពីរទៀត។ ការជាប់គាំងដោយសារការខូច​ខាត​ផ្លូវធ្វើអោយរថភ្លើងដឹកទំនិញរត់ធ្លាក់ ចូលទៅក្នុងផ្លូវរបស់រថភ្លើងដឹកអ្នកដំណើរ ទើបបណ្តាលអោយមានការប៉ះះទង្គិចគ្នាយ៉ាងធ្ងន់ធ្ងរបែបនេះ៕

អត្ថបទ ៖ Mali
ប្រភព ៖ CHINAPLUS