រថយន្តកុងតឺន័រព្រលះជាមួយរថយន្តហាយឡែនឌ័រទាំងកណ្តាលយប់នៅព្រៃនប់
ស្រុកព្រៃនប់-យោងតាមព័ត៌មានប្រចាំថ្ងៃរបស់ស្នងការដ្ឋាននគរបាលខេត្តព្រះសីហនុ បានឲ្យដឹងថាៈនៅវេលាម៉ោង២ និង៣០នាទីយប់រំលងអាធ្រាត្រឆ្លងចូល ថ្ងៃទី១៤ ខែកុម្ភៈ ឆ្នាំ២០១៨នេះ មានរថយន្ត២គ្រឿង បុកគ្នានៅផ្លូវជាតិលេខ៤ ចន្លោះបង្គោលគីឡូម៉ែត្រ១៧២-១៧៣ ភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ រវាងរថយន្តធុនធំសណ្តោងរុឺម៉ក ដឹកកុងតឺន័ររបស់ក្រុមហ៊ុនសូងួន អ្នកបើកបរមិនស្គាល់អត្តសញ្ញាណ មានទិសដៅពីខេត្តព្រះសីហនុ ឆ្ពោះទៅ ភ្នំពេញ បានបុកនឹងរថយន្តម៉ាក HIGHLANDER ពណ៌ទឹកប្រាក់ ពាក់ផ្លាកលេខ ភ្នំពេញ2S-9522 ដែលមានទិសដៅផ្ទុយគ្នា អ្នកបើកបរ ឈ្មោះ រស់ វ៉ាន់សុជាតា ភេទប្រុស អាយុ២៣ឆ្នាំ មុខរបរ បុគ្គលិកក្រុមហ៊ុន ឯកជន មានលំនៅដ្ឋាន សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ក្នុងរថយន្តមានអ្នកដំណើរ ២នាក់៖១-ឈ្មោះ តេង លក្ខិណា ភេទ ស្រី អាយុ ២១ឆ្នាំ សិស្ស មានទីលំនៅសង្កាត់ភ្នំពេញថ្មី ខណ្ឌសែនសុខ ភ្នំពេញ ២-ឈ្មោះ រិន ឌីម៉ង់ ភេទ ប្រុស អាយុ ២៤ឆ្នាំ សិស្ស មានទីលំនៅសង្កាត់បឹងសាឡាង ខណ្ឌទួលគោក ភ្នំពេញ ។ គ្រោះថ្នាក់នេះ បណ្ដាលឲ្យរងរបួសមនុស្ស ចំនួន៣នាក់ស្រី១នាក់ បានបញ្ជូនទៅព្យាបាលនៅគ្លីនិកលិគឹមឌីវាលរេញ ។ រថយន្ត ទាំង២គ្រឿង បានយកមករក្សាទុកនៅអធិការដ្ឋាននគរបាលស្រុកព្រៃនប់៕
