រថយន្តដឹកម្រេច​មួយគ្រឿង​ ធ្លាយប្រេងតាមប្រអប់លេខ​ បណ្តាល​ឲ្យ​ឆេះខូចខាតទាំងស្រុង​ តែសំណាងល្អមិនបង្កឲ្យគ្រោះថ្នាក់ដល់មនុស្សទេ

ខេត្ត​មណ្ឌលគិរី​​៖​ នៅវេលាម៉ោង​ ១២:៣៨​នាទី​ ថ្ងៃទី០៤ ខែកញ្ញា ឆ្នាំ២០២០ កម្លាំងការិយាល័យបង្ការពន្លត់អគ្គីភ័យ បានទៅពន្លត់អគ្គីភ័យរថយន្តឆេះមួយគ្រឿងម៉ាក ហ្រុនធា គ្មានផ្លាកលេខនៅចំណុចភ្នំបាយឆៅ តាមផ្លូវលេខ៧៦អា​ ស្ថិតនៅភូមិពូលូង សង្កាត់រមនា ក្រុង​សែនមនោរម្យ ខេត្តមណ្ឌលគិរី។

ដោយប្រើទឹកចំនួន ០១ឡាន​ បានរលត់អស់ ចំណែករថយន្តឆេះខូចខាតទាំងស្រុង​។ អ្នកបើកបរឈ្មោះ ថុល ថា ភេទប្រុស ជនជាតិខ្មែរ មុខរបរ សុីស្នូលបើកឡានអោយឈ្មោះ​ ម៉ន ស្រី ជាម្ចាស់ឡានឆេះ ដឹកម្រេកចេញ មកខេត្តមណ្ឌលគិរី​។
មូលហេតុ​ បណ្ដាលធ្លាយប្រេងតាមប្រអប់លេខ ពុំមាន​គ្រោះថ្នាក់​ដល់មនុស្សទេ​ ៕