ស្ទាវ២ក្រុមបើកឆាកប្រយុទ្ធគ្នាក្នុងទឹកនៅរមណីយដ្ឋាន”ទំនប់ទឹកគង្គា” បង្កការភ្ញាក់ផ្អើលយ៉ាងខ្លាំងភ្ញៀវដទៃទៀតរត់ឡើងគោកវិញអស់ លែងហ៊ានចុះលេងទឹក (មានវីដេអូ)

ខេត្តកំពង់ឆ្នាំង ៖ ក្រុមក្មេងស្ទាវ និងក្មេងទំនើងចំនួន២ក្រុម ម្ខាងៗមានគ្នាជិត២០នាក់ដូចគ្នា បានឌឺដងដាក់គ្នាចេញចរិកជើងកាង ទាញខ្សែក្រវ៉ាត់ និងដំបង ដេញវាយតប់គ្នាទៅវិញទៅមក ប្រសេចប្រសាចពេញក្នុងរមណីយដ្ឋាន ទំនប់ទឹកគង្គារ បង្កអស្ថេរភាព អសន្តិសុខសង្គមយ៉ាងខ្លាំង និងបណ្ដាលឲ្យមានអ្នករងរបួសដួលទៅក្នុងទឹកទៀតផង ។

ហេតុការណ៍នេះបានបង្កការភ្ញាក់ផ្អើលយ៉ាងខ្លាំងនៅក្នុងរមណីយដ្ឋាន “ទំនប់ទឹក គង្គារ”ស្ថិតក្នុងភូមិចាស់ ឃុំតាំងក្រសាំង ស្រុកទឹកផុស ខេត្តកំពង់ឆ្នាំង មានទាំងវីឌីអូបង្ហោះផ្អើលបណ្តាញសង្គមកាលពីថ្ងៃទី៦ ខែកញ្ញា ឆ្នាំ២០២០នេះផងដែរ ក្រោយពេលកើតហេតុ ក្រុមបង្កអសន្តិសុខទាំងពីរ បាននាំគ្នារត់គេខ្លួនបាត់អស់ទៅ ។

ចំពោះហេតុការណ៍នេះ ប្រជាពលរដ្ឋដែលទៅលេងកម្សាន្តតំបន់នោះ បានរិះគន់ និងស្នើឲ្យអាជ្ញាធរយកចិត្តទុកដាក់ចំពោះសន្តិសុខសណ្តាប់ ព្រោះតំបន់រមណីយដ្ឋាន ទំនប់ទឹកគង្គារ នេះ ជាតំបន់ទេសចរណ៍មួយ ដែលកំពុងតែមានការទាក់ទាញភ្ញៀវទេសចរណ៍របស់ខេត្តកំពង់ឆ្នាំងផងដែរ៕

ដោយ៖ បងម៉េង ខ្មែរណូត