ទីបំផុត! ក្រុមហ៊ុន Nutrilatt ព្រមចេញលិខិតសូមអភ័យទោស និងប្រាប់ថាខ្លួនពិតជាមិននឹកស្មានថា ម៉្សៅទឹកដោះគោ ដែលខ្លួនបាននាំចូលចែកចាយអស់រយៈពេល ៩ឆ្នាំមកនេះ មានបញ្ហាបច្ចេកទេសជាយថាហេតុ ប៉ះពាល់សុខភាពទារក

មុននេះបន្តិចក្រុមហ៊ុនម៉្សៅទឹកដោះគោ Nutrilatt បានចេញលិខិតសូមអភ័យទោសចំពោះមាតាបិតារបស់ទារកទាំងអស់ ដែលរងគ្រោះជាយថាហេតុ ដោយសារការបំបៅកូននៅម៉្សៅទឹកដោះគោ Nutrilatt លើលេខ Batch ចំនួន ៦ (B/N: 487, 488, 536, 537, 538, 539) និងចូលរួមចំណែកក្នុងការទទួលខុសត្រូវលើការខូតខាតចំពោះទារកដែលបណ្តាលមកពីម៉្សៅទឹកដោះគោនេះ។ សូមប្រិយមិត្តអានលិខិតសូមអភ័យទោសខាងក្រោម៖

ក្រសួងពាណិជ្ជកម្មអំពាវនាវដល់មាតាបិតា និងអាណាព្យាបាលបញ្ឈប់ជាបន្ទាន់នៅការបំបៅកូននៅម៉្សៅទឹកដោះគោ Nutrilatt លើលេខ Batch ចំនួន ៦ (B/N: 487, 488, 536, 537, 538, 539) និងអញ្ជើញដាក់ពាក្យបណ្តឹងដោយភ្ជាប់មកជាមួយនូវឯកសារនៅអគ្គនាយកដ្ឋាន កបប បើសិនជាសង្ស័យថា ទារករបស់ខ្លួនទទួលរងផលប៉ះពាល់ដោយសារការប្រើប្រាស់ទឹកដោះគោ Nutrilatt លេខកូដខាងលើ និងលេខកូដផ្សេង។ ដើម្បីជាព័ត៌មានបន្ថែម សូមប្រិយមិត្តអានសេចក្តីជូនដំណឹងស្តីពីការដាក់ចេញនូវវិធានការចំពោះផលិតផលទឹកដោះគោ Nutrilatt ខាងក្រោមនេះ៖