ឯកឧត្តម គួច ចំរើន បញ្ជាក់ថា មានជនចង្រៃ បានលួចគាស់យកគម្របលូ ដែលទើបដាក់ថ្មីអស់ជាច្រើនផ្ទាំងនៅតាមវិថីសែនជ័យ

ក្រុងព្រះសីហនុ៖ យោងតាមការបញ្ជាក់នៅលើទំព័រហ្វេសប៊ុកផ្លូវការរបស់ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានឲ្យដឹងថា ថ្មីៗនេះមានជនចង្រៃ បានលួចគាស់យកគម្របលូ​ដែលទើបដាក់ថ្មី អស់ចំនួន១១​ផ្ទាំង នៅតាមវិថីសែនជ័យ​ ដែលជាការបំផ្លាញទ្រព្យសម្បត្តិសាធារណៈ និងអាច​បង្កជាគ្រោះថ្នាក់ដល់អ្នកធ្វើដំណើរតាមផ្លូវទៀត​ផង។

ករណីនេះ សមត្ថកិច្ចគ្រប់ផ្នែកកំពុងស្រាវជ្រាវរកមុខសញ្ញាជនល្មើស តាមបទបញ្ជារបស់ឯកឧត្តម គួច ចំរើន អភិបាលខេត្តនិងជាប្រធានគណៈបញ្ជាការឯកភាពរដ្ឋបាលខេត្តព្រះសីហនុ ដើម្បីផ្តន្ទាទោសតាមច្បាប់៕