ចិនបើករថយន្តមែសឺដែសស៊េរីទំនើប បុកម៉ូតូពីក្រោយ របួសមនុស្សចាស់២នាក់
ក្រុងព្រះសីហនុ -នគរបាលប្រាប់ថា កាលពីមុនថ្ងៃត្រង់ ថ្ងៃទី២២ ខែកុម្ភៈ ឆ្នាំ២០១៨ លើផ្លូវ២ធ្នូ ត្រង់ចំណុច ឆ្នេរឯករាជ្យ ស្ថិតនៅក្នុងភូមិ១ សង្កាត់លេខ៣ ក្រុងព្រះសីហនុ មានគ្រោះថ្នាក់ចរាចរណ៍មួយកើតឡើង រវាង រថយន្ត តូច០១គ្រឿងពណ៌ ស ពាក់ផ្លាកលេខភ្នំពេញ2BB-1566 បើកបរដោយឈ្មោះ ឡេវ ម៉េងតាំង ភេទ ប្រុស អាយុ ៥៣ឆ្នាំជនជាតិខ្មែរ មានទីលំនៅខណ្ឌដូនពេញ រាជធានីភ្នំពេញ មានទិសដៅសណ្ឋាគារឯករាជ្យ ឆ្ពោះទៅ សណ្ឋាគារសុខា លុះដល់ចំណុចខាងលើក៏បានបុកប៉ះពីក្រោយម៉ូតូ០១គ្រឿង ដែលបត់ឆ្លងកាត់ផ្លូវ ទិសដៅស្របគ្នា ម៉ូតូម៉ាក HONDA C125 ពណ៌ខ្មៅ បើកបរដោយឈ្មោះ ម៉ាក់ គឹម ភេទ ប្រុស អាយុ ៦១ឆ្នាំ មុខរបរ រត់ម៉ូតូឌុប មានទីលំនៅភូមិ៤ សង្កាត់លេខ៤ ក្រុងព្រះសីហនុ មានអ្នករួមដំណើរម្នាក់ឈ្មោះ កែវ ឆឹង ភេទ ស្រី អាយុ ៤១ឆ្នាំ មុខរបរ លក់ដូរ មានទីលំនៅភូមិ៤ សង្កាត់លេខ៤ ក្រុងព្រះសីហនុ ។
គ្រោះថ្នាក់នេះបណ្ដាលឲ្យរងរបួសមនុស្សចំនួន ០២នាក់៖
១-ឈ្មោះ ម៉ាក់ គឹម អ្នកបើកបរម៉ូតូ រងរបួសបាក់ជើង បានបញ្ជូនទៅសង្គ្រោះនៅគ្លីនិកចាក់អង្រែក្រុងព្រះសីហនុ។
២-ឈ្មោះ កែវ ឆឹង អ្នករួមដំណើរលើម៉ូតូ រងរបួសធ្ងន់ បានបញ្ជូនទៅសង្គ្រោះនៅគ្លីនិកចាក់អង្រែក្រុងព្រះសីហនុ។
រីឯវត្ថតាង រថយន្ត និង ម៉ូតូ បានយកមករក្សាទុកនៅការិយាល័យនគរបាលចរាចរណ៍ផ្លូវគោកដើម្បីដោះស្រាយតាមនិតិវិធី៕(រូបភាពនិងដំណឹងពីន.បខេត្ត)
