អន្តរជាតិ

អតីតប្រធានាធិបតីលោក ដូណាល់ ត្រាំ និងលោកជុំទាវទី១ មេឡានៀ ត្រាំ បានទទួលវ៉ាក់សាំងប្រឆាំងជំងឺកូវីដ១៩ តាំងតែពីខែមករា

BY
autoadmin
March 2, 2021

ទីប្រឹក្សាអតីតប្រធានាធិបតីលោក ដូណាល់ ត្រាំ បានប្រាប់ CNN កាលពីថ្ងៃចន្ទថា លោក ដូណាល់ ត្រាំ និងលោកជុំទាវទី១ លោកស្រី មេឡានៀ ត្រាំ បានទទួលវ៉ាក់សាំងបង្ការជំងឺ COVID-19 នៅឯសេតវិមានកាលពីខែមករារួចហើយ។ យ៉ាងណាគេមិនទាន់ដឹងច្បាស់ថា តើវ៉ាក់សាំងណាមួយ ឬចំនួនប៉ុន្មានដូសដែលពួកគាត់បានទទួលនៅឡើយទេ។ ការលាតត្រដាងនេះធ្វើឡើងបន្ទាប់ពីអតីតប្រធានាធិបតីរូបនេះ បានជំរុញឱ្យអ្នកគាំទ្រគាត់ចាក់វ៉ាក់សាំងការពារពីជំងឺ COVID-19 ក្នុងអំឡុងពេលថ្លែងសុន្ទរកថាមួយ នៅឯសន្និសីទសកម្មភាពនយោបាយនៅទីក្រុង Orlando កាលពីថ្ងៃអាទិត្យ ដោយប្រាប់ថា៖«វ៉ាក់សាំងចាក់វ៉ាក់សាំងចាក់មិនឈឺទេ ដូច្នេះអ្នកគ្រប់គ្នាត្រូវទៅទទួលវា!»។

ប៉ុន្តែ CNN បានរាយការណ៍ពីមុនថា មន្រ្តីសេតវិមានម្នាក់កាលពីពាក់កណ្តាលខែធ្នូបាននិយាយថា លោក ដូណាល់ ត្រាំ នឹងមិនត្រូវបានគេចាក់វ៉ាក់សាំងបង្ការទេ រហូតដល់វ៉ាក់សាំងត្រូវបានណែនាំដោយក្រុមវេជ្ជសាស្ត្រនៅសេតវិមាន។ មន្ត្រីរូបនោះបាននិយាយនៅពេលនោះថា លោក ត្រាំ នៅតែទទួលបានអត្ថប្រយោជន៍ពីអង្គបដិប្រាណ monoclonal ចេញពីការលាយថ្នាំបញ្ចូលគ្នា (cocktail) ដែលគាត់ត្រូវបានផ្តល់ឱ្យក្នុងកំឡុងពេលព្យាបាលជំងឺ COVID-19 កាលពីដើមរដូវស្លឹកឈើជ្រុះ នៅពេលដែលគាត់ និងលោកជុំទាវបានធ្វើតេស្តវិជ្ជមានចំពោះជំងឺនេះ៕

អត្ថបទ៖ លីដា
ប្រភព៖ CNN

Share This Post:

SPONSOR

អត្តបទទាក់ទង