ត្រឹមរយៈពេល២ថ្ងៃ គ្រោះថ្នាក់ចរាចរណ៍មានចំនួន៥លើក បណ្ដាលឲ្យមនុស្សប្រុសស្រី ៨នាក់ ស្លាប់របួសធ្ងន់ និងស្រាលសរុបទូរទាំងខេត្ដកណ្ដាល
កណ្ដាល៖ សរុបទូទាំងខេត្ដកណ្ដាល ដោយគិតចាប់ពីថ្ងៃទី២៤ ដល់ថ្ងៃទី២៥ ខែកុម្ភៈ ឆ្នាំ២០១៨ មានករណីគ្រោះថ្នាក់ចរាចរណ៍ចំនួន៥លើក បណ្ដាលឲ្យមនុស្សប្រុសស្រីចំនួន៨នាក់បានស្លាប់និងរបួសធ្ងន់ស្រាល និងធ្វើឲ្យរថយន្ដរងការខូចខាតចំនួន៥គ្រឿង ,ម៉ូតូចំនួន៥គ្រឿង ដោយយោងតាមរបាយការណ៍របស់មន្រ្ដីនគរបាលការិយាល័យចរាចរណ៍ខេត្ដកណ្ដាល ។
មន្រ្ដីនគរបាលការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្ដកណ្ដាលបានឲ្យដឹងថា ករណីគ្រោះថ្នាក់ចរាចរណ៍ខាងលើនេះ ចាប់ពីថ្ងៃទី២៤ ដល់ថ្ងៃទី២៥ ខែកុម្ភៈ ឆ្នាំ២០១៨ គឺបានកើតឡើងចំនួន៥លើក ក្នុងនោះ ស្រុកអង្គស្នួលមានចំនួន២លើក បង្កឡើងរវាងម៉ូតូនិងម៉ូតូ១លើក ,រថយន្ដនិងម៉ូតូ១លើក បណ្ដាលឲ្យមនុស្សស្លាប់១នាក់ (ប្រុស) និងរបួសធ្ងន់២នាក់ (ប្រុស) ខូចខាតរថយន្ដចំនួន១គ្រឿងនិងម៉ូតូចំនួន៣គ្រឿង ,ស្រុកកៀនស្វាយមាន១លើក បង្កឡើងរវាងរថយន្ដនិងរថយន្ដ បណ្ដាលឲ្យមនុស្សស្លាប់ចំនួន១នាក់ (ប្រុស) និងរបួសស្រាលចំនួន១នាក់ (ស្រី) និងខូចខាតរថយន្ដ២គ្រឿង ,ស្រុកកណ្ដាលស្ទឹងមានចំនួន១លើក បង្កឡើងរវាងរថយន្ដនិងម៉ូតូ បណ្ដាលឲ្យរបួសធ្ងន់១នាក់ ធ្វើឲ្យខូចខាតរថយន្ដមួយគ្រឿងនិងម៉ូតូ១គ្រឿង និងស្រុកកោះធំ បង្កឡើងរវាងរថយន្ដនិងម៉ូតូ២គ្រឿង បណ្ដាលឲ្យរបួសធ្ងន់១នាក់(ស្រី) និងរបួសស្រាល១នាក់ប្រុស ធ្វើឲ្យខូចខាតរថយន្ដ១គ្រឿងនិងម៉ូតូ២គ្រឿង ។
ប្រពដដែលបន្ដ គ្រោះថ្នាក់ចរាចរណ៍ខាងលើនេះ គឺកើតឡើងមកពីការបើកបរឆ្លងផ្លូវមិនប្រយ័ត្នចំនួន៣លើក ,បើកបរមិនពិនិត្យបច្ចេកទេសរថយន្ដ(ដាច់ហ្រ្វាំង)១លើក និងមិនគោរពសិទ្ធិអាទិភាពចំនួន១លើក ។ ចំពោះមធ្យោបាយពាក់ព័ន្ធទាំងអស់ត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលតាមបណ្ដាស្រុករៀងៗខ្លួន ដើម្បីចាត់ការតាមនីតិវិធីច្បាប់ ៕
ប្រភព៖ អគ្គស្នងការដ្ឋាននគរបាលជាតិ