លិចទូកដឹកភ្ញៀវទេសចរណ៍នៅកោះរ៉ុង បណ្តាលឲ្យស្លាប់ស្ត្រីម្នាក់
កោះរ៉ុង- យោងតាមព័ត៌មានប្រចាំថ្ងៃរបស់ស្នងការដ្ឋាន នគរបាល ខេត្តព្រះសីហនុ បានឲ្យដឹងថា នៅល្ងាចម៉ោង១៧ និង៣០នាទី ថ្ងៃទី២៦ ខែកុម្ភៈ ឆ្នាំ២០១៨ មានទូកដឹកភ្ញៀវទេសចរណ៍ មួយគ្រឿងបានលិច នៅកំពង់ផែភូមិសុខសាន្ត សង្កាត់កោះរ៉ុង បណ្តាលអោយស្លាប់ស្ត្រីម្នាក់ ឈ្មោះ ហែម ឡំ អាយុ៣៨ឆ្នាំ។ បើតាមរបាយការណ៍ដ៍ដែលបញ្ជាក់ថា ជនរងគ្រោះទើបនឹងមកពីស្រុកកំណើត នៅភូមិទូកមាស ឃុំទូកមាសខាងលិច ស្រុកបន្ទាយមាស ខេត្តកំពត។
ទូកដឹកភ្ញៀវទេសចរណ៏នោះ បានធ្វេីដំណើរពីខេត្តព្រះសីហនុ ចូលចតនៅកំពង់ផែយាយសក់ក្រហម ក្នុងភូមិសុខសាន្ត សង្កាត់កោះរ៉ុង ក្រុងព្រះសីហនុ។ ពេលនោះ មានខ្យល់ខ្លាំង រលកធំៗ បោកបក់ បណ្ដាលឲ្យលិចទូកនៅក្បែរផែចំណតទូក បណ្តាលអោយធ្លាក់ជនរងគ្រោះចូលទៅក្នុងទឹក ទម្រាំនឹងអ្នកជួយសង្គ្រោះ ចុះមុជទឹក រាវរកឃេីញ ជនរងគ្រោះ បានលង់ទឹកស្លាប់បាត់ទៅហើយ៕
