[ទំព័រម្ហូប] ឆាបន្លែផ្សិតបួស មុខម្ហូបដ៏ល្បីសម្រាប់អ្នកញ៉ាំអាហារបួស រឺ អាហារចិន ងាយស្រួលធ្វើបែបនេះសោះ
- BY
- autoadmin
- October 13, 2021
សួស្តីអ្នកទាំងអស់គ្នា ថ្ងៃនេះដែរយើងមានរូបមន្ត ឆាបន្លែផ្សិតក្រៀមបែបចិនមកចែកជូន ដែលជាមុខម្ហូបដ៏ល្បីសម្រាប់បងប្អូនដែលនិយមចូលចិត្តទទួលទាលអាហារបួស រឺអាហារចិន តោះយើងមកមើលគ្រឿងផ្សំនិងវិធីធ្វើទាំងអស់គ្នា៖
*គ្រឿងផ្សំ
- ផ្សិតក្រៀម ២៥ក្រាម
- ខាត់ណា ៥០ក្រាម
- ទឹកស៊ីអ៉ីវសៀងថៃ ១ស្លាបព្រាបាយ
- ប្រេងល្ង ២ស្លាបព្រាកាហ្វេ
- ល្ងសលីងរួច ២ស្លាបព្រាកាហ្វេ
- ទឹកស្អាត ២០០មីលីលីត្រ
- ម្ស៉ៅពោត ១ស្លាបព្រាបាយ
*វិធីធ្វើ
- ជាដំបូងយើងយកផ្សិតក្រៀមគ្រាប់តូចៗ មកត្រាំទឹកអោយទន់ រួចកាត់ដើមរឹងចេញ រួចផ្សំរសជាតិដោយទឹកស៊ីអ៉ីវសៀង និងប្រេងល្ង លាយអោយចូលគ្នា រួចផ្អាប់ទុករយះពេល ១០នាទី
- ក្រោយផ្អាប់ទុករយះពេល១០នាទីហើយ យើងយកផ្សិតនោះមកលីងលើខ្ទះអោយឈ្ងុយនិងមានពណ៍លឿងល្អ
- ក្រោយមកទៀតយើងយកខាត់ណាដែលខ្ចីមកស្រុះក្នុង ទឹកក្តៅអោយឆ្អិនល្អ រួចយកទៅត្រាំនឹងទឹកកកដើម្បីអោយនៅស្រួយល្អ និងមានពណ៍ស្អាត
- យកផ្សិតដែលលីងលើខ្ទះរួចមករៀបចំដាក់ចាន រួចយកខាត់ណាដែលស្រុះរួចរៀបដាក់មួយចំហៀងផ្សិត
- ក្រោយមកទៀតយកទឹកស្អាតមកលាយជាមួយនឹងម្ស៉ៅពោត ផ្សំរសជាតិដោយទឹកស៊ីអ៊ីវសៀង កូរអោយចូលគ្នាល្អ រួចយកទៅកូរនឹងភ្លើងអោយពុះកូររហូតអោយខាប់ល្អ រួចស្រោចពីលើផ្សិតនិងខាត់ណាដែលយើងបានរៀបចំដាក់ចានមុននេះរោយពីលើដោយល្ងសរលីងរួចជាការស្រេច។
- Share This Post: