សួស្តីបងប្អូនទាំងអស់គ្នា​ ថ្ងៃនេះដែរយើងមានរូបមន្តមឹកបំពងខ្ទឹមសពិសេសមកចែកជូនរសជាតិផ្អែមឈ្ងុយឆ្ងាញ់ តោះយើងមកមើលគ្រឿងផ្សំ និងវិធីធ្វើទាំងអស់គ្នា៖

*គ្រឿងផ្សំ

1. ​មឹកបំពង់ ៥០០ក្រាម
2. ខ្ទឹមសចិញ្ច្រាំ ១ចានចង្កឹះ
3. ម្ស៉ៅស៊ុបខ្នរ ២ស្លាបព្រាបាយ
4. ប្រេងសម្រាប់បំពង ៥០០មីលីលីត្រ
5. ម្រេចម៉ត់ ១ស្លាបព្រាកាហ្វេ
6. ជីវ៉ាន់សុយ តាមចំណូលចិត្ត

*វិធីធ្វើ

• យកមឹកមកអង្កន់អោយសប់ល្អ រួចយកទៅប្រឡាក់ជាមួយនិងម៉្សៅស៊ុបខ្នរ ផ្អាប់ទុករយះពេល៣០នាទីក្នុងទូទឹកកក រួចយកទៅចំហុយរយះពេល ១៥នាទី រួចស្រង់ឡើងអោយត្រជាក់និងស្រស់ទឹក
• ចាក់ប្រេងឆាចូលក្នុងខ្ទះ រង់ចាំអោយក្តៅរួចយកខ្ទឹមសចូលទៅបំពងអោយស្រួយនិងលឿងល្អ រួចស្រង់ឡើងអោយស្រស់ខ្លាញ់
• ក្រោយមកទៀតយកមឹកដែលបានចំហុយចូលទៅបំពងអោយលឿងល្អ រួចស្រង់ឡើងអោយស្រស់ខ្លាញ់ ក្រោយមកទៀតយើងយកមឹករៀបដាក់ចាន រោយពីលើដោយខ្ទឹមសបំពងនិងជីវ៉ាន់សុយជាការស្រេច។