[ទំព័រម្ហូប] សាំងវ៉ិចប័រសណ្តែកដី និងដំណាប់ស្ត្រប័រី បងប្អូនអាចធ្វើញ៉ាំជាអាហារពេលព្រឹក រឺអាហារសម្រន់ក៏បាន
- BY
- autoadmin
- October 14, 2021
សួស្តីបងប្អូនទាំងអស់គ្នា ថ្ងៃនេះដែរយើងមានរូបមន្តងាយៗក្នុងការធ្វើសាំងវ៉ិចអប់រសជាតិ ប័រសណ្តែកដីនិងដំណាប់ស្រ្តប័រីមកចែកជូន បងប្អូនអាចធ្វើញាំជាអាហារពេលព្រឹក រឺអាហារសម្រន់ក៏បាន តោះយើងមកមើលគ្រឿងផ្សំនិងវិធីធ្វើទាំងអស់គ្នា៖
*គ្រឿងផ្សំ
- នំបុ័ងបន្ទះ ៤បន្ទះ
- ដំណាប់ស្រ្តប័ររី ២ស្លាបព្រាបាយ
- ប័រសណ្តែកដី ២ស្លាបព្រាបាយ
- ប័រសាបសម្រាប់លាប
*វិធីធ្វើ
- ជាដំបូងយើងយកនំបុ័ង មកលាបដោយប័រសណ្តែកដីអោយក្រាស់និងសប់ល្អ ក្រោយមកទៀតយើងយកបន្ទះនំបុ័ងមួយទៀតមកផ្គុំរួចប្រើពុម្ពនំកាត់ជារូបរាងតាមចំណូលចិត្ត
- ក្រោយមកទៀតបងប្អូនយកបន្ទះនំបុ័ងមួយបន្ទះទៀតមកលាប ដំណាប់ស្រ្តប័ររី រួចយកបន្ទះនំបុ័ងមួយទៀតមកផ្គុំនិងកាត់ជារាងមូលរឺតាមចំណូលចិត្ត
- ក្រោយមកទៀតបងប្អូនយកប័រសាបមកលាបនៅពីលើថាសសម្រាប់ដាក់នំបុ័ងដុត ក្រោយមកទៀតយកនំបុ័ងដែលយើងបានកាត់រួចដាក់ពីលើថាសដែលយើងលាបប័រសាបរួចយកចូលទៅដុតក្នុងសីតុណ្ហភាព ១៧០អង្សាសេ រយះពេល ៥ទៅ១០នាទី
Tip ក្នុងដំណាក់កាលកាត់នំបុ័ងជារាងផ្សេងៗ ប្រសិនបើបងប្អូនមិនមានពុម្ពកាត់ បងប្អូនអាចប្រើកូនចានតូចបងសង្កត់ដូចក្នុងរូបរួចប្រើកន្រ្តៃរឺកាំបិតមកកាត់ផ្នែកខាងក្រៅចេញ មួយវិញទៀតប្រសិនបើបងប្អូនចង់អោយនំបុ័ងយើងមានក្លិនឈ្ងុយល្អ អាចលាបប័រពីលើនំបុ័ងដែលយើងបានកាត់រូបផងដែរ។
- Share This Post: