[ទំព័រម្ហូប] ស្ប៉ាហ្គេតទីកូនបាល់ វិធីធ្វើងាយៗ ចំណាយពេលតិច ឃើញហើយគួរឱ្យចង់ញ៉ាំណាស់
- BY
- autoadmin
- October 14, 2021
សួស្តីបងប្អូនទាំងអស់គ្នា ថ្ងៃនេះដែរយើងមានរូបមន្ត ស្បា៉ហ្គេតទីកូនបាល់មកចែកជូន បងប្អូនច្បាស់ជាឆ្ងល់ហើយមែនទេថាតើអ្វីទៅជា ស្ប៉ាហ្គេតទីកូនបាល់ នោះគឺជាការដែលយើងយកសាច់គោមកពូនជាដុំមូលដូចបាល់ទៅវិញទេ ដែលឈ្មោះដែលគេនិយមហៅនោះ គឺ ស្ប៉ាហ្គេតទីមីតប៊ល តោះយើងមកមើលគ្រឿងផ្សំ និងវិធីធ្វើទាំងអស់គ្នា៖
*គ្រឿងផ្សំ
- សាច់គោកិនម៉ត់ ៦០០ក្រាម
- កម្ទេចនំបុ័ងសម្រាប់បំពង ២ស្លាបព្រាបាយ
- ពងមាន់ ២គ្រាប់
- ផាសលីចិញ្ច្រាំម៉ត់ តាមចំណូលចិត្ត
- អំបិល តាមចំនូលចិត្ត
- ម្រេចម៉ត់ ១ស្លាបព្រាកាហ្វេ
- ខ្ទឹមបារាំងហាន់ល្អិត ១ផ្លែ
- ទឹកប៉េងប៉ោះ ៥០០ក្រាម
- សរសៃស្ប៉ាហ្គេតទីស្ងោរឆ្អិន តាមចំណូលចិត្ត
- ប្រេងខ្យង ១វែក
- ប្រេងអូលីវ
*វិធីធ្វើ
- យកសាច់គោកិនម៉ត់ មកលាយជាមួយនិង ពងមាន់ កម្ទេចនំបុ័ង ខ្ទឹមបារាំង1/4 ផាសលី អំបិល និងម្រេចលាយអោយចូលគ្នាល្អ រួចយកប្លាស្ទឹកបិតអាហារមករុំអោយជិតរួចយកទៅផ្លាសេក្នុងទូទឹកកកក
- យកសរសៃស្ប៉ាហ្គេតទីទៅស្រុះក្នុងទឹកក្តៅដោយចាក់ប្រេងអូលីវចូលបន្តិច រយះពេល៨នាទី
- ក្រោយមកទៀត យកសាច់គោចេញពីទូទឹកកក រួចពូនជារាងកូនបាល់តូចៗ រួចចាក់ប្រេងអូលីវចូលក្នុងខ្ទះ នៅពេលដែលខ្ទះក្តៅ ចាក់សាច់គោដែលយើងបានពូនចូលទៅចៀនអោយឆ្អិនល្អ រួចស្រង់ឡើងអោយស្រស់ខ្លាញ់
- ក្រោយមកទៀតយើងប្រើខ្ទះដដែលដោយដាក់ខ្ទឹមបារាំងដែលនៅសល់ចូលទៅឆាអោយឈ្ងុយរួចចាក់ទឹកប៉េងប៉ោះចូលទៅតាមដោយប្រេងខ្យង ទឹកស្អាតបន្តិច ឆាអោយចូលគ្នា ភ្លក់រសជាតិតាមចំណូលចិត្តរងចាំអោយពុះដាក់សាច់គោដែលយើងបានចៀនរួចចូលទៅ រោយដោយផាសលី រំងាស់ភ្លើងតិចៗរយះពេល៣០នាទី
- ក្រោយពេលដែលគ្រប់រយះពេល៣០នាទិហើយ ដួសស្ប៉ាកេតទីដាក់ចានរួចដួសទឹកសុសស្រោចពីលើតាមចំណូលចិត្តជាការស្រេច។
- Share This Post: