[ទំព័រម្ហូប] ក្តាមឆាទឹកម្ទេស ឆ្ងាញ់មិនចាញ់ក្ដាមឆាម្រេច បងៗស្រ្តីមេផ្ទះអាចសាកល្បងបានណា ធានាថាក្រុមគ្រួសារនឹងជាប់ចិត្ត
- BY
- autoadmin
- October 15, 2021
សួស្តីបងប្អូនទាំងអស់គ្នា ថ្ងៃនេះដែរយើងមានរូបមន្ត ក្តាមឆាទឹកម្ទេសមកចែកជូន ថ្មីទៀតហើយបងប្អូន តោះយើងមកមើលគ្រៀងផ្សំនិងវិធីធ្វើទាំងអស់គ្នា៖
*គ្រឿងផ្សំ
- ក្តាមថ្ម ៧០០ក្រាម
- ខ្ទឹមក្រហមហាន់ល្អិត ១ស្លាបព្រាបាយ
- ខ្ទឹមបារាំងហាន់សម្រាប់ឆា 1/2 ផ្លែ
- ខ្ញីចិញ្ច្រាំម៉ត់ ១ស្លាបព្រាបាយ
- ទឹកម្ទេស 1/2 ចានចង្កឹះ
- ទឹកប៉េងប៉ោះ 1/2 ចានចង្កឹះ
- ទឹកស៊ីអ៉ីវសៀង ២ស្លាបព្រាបាយ
- ស្ករស ២ស្លាបព្រាបាយ
- អំបិល ១ស្លាបព្រាកាហ្វេ
- ទឹកខ្មេះ ១ស្លាបព្រាបាយ
- ពងមាន់ ១គ្រាប់
- ស្លឹកខ្ទឹមហាន់កង់ៗ ១ចានចង្កឹះ
- ម្ទេសស្រស់ហាន់បញ្ឆិត ២គ្រាប់
*វិធីធ្វើ
- យកក្តាមមកលាងទឹកអោយស្អាត បេះយកអាចម៍ក្តាមចេញ រួចកាត់កង់ៗល្មម និងដំដង្កៀបអោយបែកល្មម ត្រៀមទុកសម្រាប់ឆា
- ចាក់ប្រេងឆាចូលក្នុងខ្ទះ រួចចាក់ខ្ទឹមក្រហមចូលទៅឆាអោយឈ្ងុយ តាមដោយខ្ញី ឆាអោយឈ្ងុយ ក្រោយមកចាក់ក្តាមចូលទៅ ឆារហូតទាល់តែក្តាមឆ្អិន ផ្សំរសជាតិដោយទឹកម្ទេស ទឹកប៉េងប៉ោះ ទឹកស៊ីអ៉ីវសៀង អំបិល ស្ករស ទឹកខ្មេះ ឆាអោយចូលគ្នា រួចគោះពងមាន់ដាក់ ញីនិងឆាអោយចូលគ្នាល្អ រោយពីលើដោយស្លឹកខ្ទឹមម្ទេសស្រស់ ឆាត្រឡប់ចុះឡើងរួចបិតភ្លើងដួសដាក់ចានជាការស្រេច។
- Share This Post: