[ទំព័រម្ហូប] ពិសេសទៀតហើយ ពងក្រឡុកសាច់ក្តាមទឹកសុសម្រះព្រៅ ចង់ដឹងរសជាតិ និងវិធីធ្វើបែបណា តោះរៀនធ្វើទាំងអស់គ្នា
- BY
- autoadmin
- October 17, 2021
សួស្តីបងប្អូនទាំងអស់គ្នា ថ្ងៃនេះដែរយើងមានរូបមន្ត ពងក្រឡុកសាច់ក្តាមទឹកសុះម្រះព្រៅ ពិសេសមកចែកជូនតោះកុំអោយខាតពេលយូរយើងមកមើលគ្រឿងផ្សំនិងវិធីធ្វើទាំងអស់គ្នា៖
*គ្រឿងផ្សំ
- ពងមាន់ ៣គ្រាប់
- សាច់ក្តាម ២០០ក្រាម
- ទឹកដោះគោស្រស់ ២ស្លាបព្រាបាយ
- ទឹកស៊ីអ៉ីវ ១ស្លាបព្រាកាហ្វេ
- បាយសរ តាមចំណូលចិត្ត
- ស្លឹកម្រះព្រៅបំពងស្រួយ សម្រាប់រោយពីលើ តាមចំនូលចិត្ត
*គ្រឿងផ្សំទឹកសុសម្រះព្រៅ
- ស្លឹកម្រះព្រៅ ១ចានចង្កឹះ
- ខ្ទឹមសចិញ្ច្រាំ ២ស្លាបព្រាបាយ
- ម្ទេសខ្មាំងចិញ្ច្រាំ ២ស្លាបព្រាបាយ
- ប្រេងសម្រាប់បំពង 1/2 ស្លាបព្រាបាយ
- ប្រេងខ្យង ១ស្លាបព្រាបាយ
- ទឹកស៊ីអ៉ីវសៀង ១ស្លាបព្រាបាយ
- ស្ករស 1/2 ស្លាព្រាបាយ
- ម្ស៉ៅដំឡូង 1/2 ស្លាបព្រាកាហ្វេ
- ទឹកស្អាត 1/2 ចានចង្កឹះ
*វិធីធ្វើ
- ចាក់ប្រេងឆាចូលខ្ទះ រួចដាក់ខ្ទឹមសនិងម្ទេសចូលទៅឆាអោយឈ្ងុយ រួចចាក់ទឹកស្អាត ផ្សំរសជាតិដោយ ប្រេងខ្យង ទឹកស៊ីអ៉ីវសៀង ស្ករស កូរអោយចូលគ្នាល្អ រួចចិញ្ច្រាំស្លឹកម្រះព្រៅអោយម៉ត់រួចដាក់ចូលទៅ តាមដោយម្ស៉ៅដំឡូង កូរអោយចូលគ្នាល្អ រួចដួសដាក់ចាន
- គោះពងមាន់ដាក់ចានផ្សំរសជាតិ ដោយទឹកស៊ីអ៉ីវ រួចហ្វឹកអោយចូលគ្នា រួចចាក់ទឹកដោះគោស្រស់ចូលទៅ កូរអោយចូលគ្នាម្តងទៀត
- យកខ្ទះបើកភ្លើង ពេលដែលខ្ទះក្តៅ រួចចាក់ពងមាន់ក្រឡុកចូលទៅ រួចរោយសាច់ក្តាមពីលើពងមាន់ក្រឡុករបស់យើង នៅពេលឆ្អិនល្អ ដួសឡើង ដាក់ពីលើបាយស រួចស្រោយទឹកសុសពីលើជាការស្រេច។
- Share This Post: