[ទំព័រម្ហូប] ស៊ុបមាន់បែបបារាំង មុខម្ហូបថ្មីសម្រាប់បងៗស្រ្តីមេផ្ទះ អាចញ៉ាំជាមួយបាយសរ រឺ នំបុ័ងក៏បាន
រៀនធ្វើម្ហូប October 17, 2021 Bee Food

សួស្តីបងប្អូនទាំងអស់គ្នា ថ្ងៃនេះដែរយើងមានរូបមន្ត ស៊ុបមាន់បែបបារាំងមកចែកជូន ស៊ុបមាន់នេះដែរបងប្អូនអាចទទួលទានជាមួយនិងបាយសរ រឺ នំបុ័ងក៏បាន តោះយើងមកមើលគ្រឿងផ្សំនិងវិធិធ្វើទាំងអស់គ្នា៖

*គ្រឿងផ្សំ

  1. សាច់ភ្លៅជាប់ត្រគាកមាន់ ៥០០ក្រាម
  2. ម្ស៉ៅសម្រាប់បំពង ២០០ក្រាម
  3. ប្រេងសម្រាប់បំពង ២ចានចង្កឹះ
  4. ការ៉ុតហាន់ជាបួនជ្រុងតូចៗ ៣០០ក្រាម
  5. ដំឡូងបារាំង ហាន់ជាបួនជ្រុងតូចៗ ៣០០ក្រាម
  6. ខ្ទឹមបារាំង ១០០ក្រាម
  7. គ្រាប់សណ្តែកហោឡាន់តោ ១០០ក្រាម
  8. ឬសជីវ៉ាន់ស៊ុយ ៣ឬស
  9. ម្រេចគ្រាប់ ១ស្លាបព្រាបាយ
  10. ទឹកខ្មេះប៉ោម ៣ស្លាបព្រាបាយ
  11. ទឹកប៉េងប៉ោះ 1/3 ចានចង្កឹះ
  12. ស្ករស ២ស្លាបព្រាបាយ
  13. ទឹកស៊ុបមាន់ ២លីត្រ

*គ្រឿងផ្សំជ្រក់បន្លែ

  1. ត្រសក់ ១០០ក្រាម
  2. ប៉េងប៉ោះឈើរី ១០០ក្រាម
  3. ខ្ទឹមក្រហម ៥០ក្រាម
  4. អំបិល ១ស្លាបព្រាកាហ្វេ
  5. ទឹកខ្មេះប៉ោម ២ស្លាបព្រាបាយ
  6. ទឹកស្ករ ២ស្លាបព្រាបាយ
  7. ទឹកសុទ្ធ ២ស្លាបព្រាបាយ

*វិធីធ្វើ

  • ជាដំបូងយើងចាប់ផ្តើម ធ្វើជ្រក់មុនទាំងអស់គ្នា ដោយយកទឹកខ្មេះប៉ោម និងទឹកស្ករលាយចូលគ្នា ជាមួយនិងទឹកសុទ្ធ រួចដាក់ត្រសក់ ខ្ទឹមក្រហម ប៉េងប៉ោះចូលទៅលាយអោយចូលគ្នា រួចដួសដាក់ចានទុកមួយអន្លើរ
  • ក្រោយមកទៀយយើងយកសាច់ត្រគាកមាន់មកជ្រលក់ជាមួយនិងម្ស៉ៅសម្រាប់បំពង អោយសប់ រួចដាក់បំពងក្នុងខ្លាញ់ដែលក្តៅ បំពងមាន់រហូតទាល់តែមាន់ពណ៍ស្អាត និងលឿងល្អ ក្រោយមកទៀតយើងស្រង់ឡើងអោយស្រស់ខ្លាញ់
  • ចាក់ទឹកស៊ុបចូលក្នុងឆ្នាំង តាមដោយឬសជីវ៉ាន់ស៊ុយ ម្រេច រង់ចាំរហូតទាល់តែពុះល្អ ផ្សំរសជាតិដោយទឹកប៉េងប៉ោះ ទឹកខ្មេះប៉ោម និងស្ករស កូរអោយចូលគ្នា រួចបន្ថយភ្លើងកណ្តាល រួចដាក់ការ៉ុត ដំឡូងបារាំង ស្ងោរអោយពុះ រួចរំងាស់បន្តក្រោយមកទៀតដាក់មាន់បំពងចូលទៅ តាមដោយហោឡាន់តោ ខ្ទឹមបារាំង កូរអោយចូលគ្នា រួចបន្ថយនៅភ្លើងតិចៗ រំងាស់បន្តរយះពេល ៣០នាទី រួចដួសដាក់ចានទទួលទានជាមួយនឹងជ្រក់ដែលយើងបានធ្វើទុកជាការស្រេច។