[ទំព័រម្ហូប] ថ្មីទៀតហើយ ការ៉េមបំពងពិសេស ស្រួយៗជាមួយការ៉េមត្រជាក់ៗឆ្ងាញ់ញាក់សាច់
រៀនធ្វើម្ហូប October 17, 2021 Bee Food

សួស្តីបងប្អូនទាំងអស់គ្នា ពិតជាប្លែកទៀតហើយមែនទេ ការ៉េមបំពង តើបងប្អូនគិតថាមានពិតឬ? ជាការពិតណាស់ គឺមានមែន ការ៉េមបំពង មិនត្រឹមតែស្រួយឆ្ងាញ់នោះទេ តែការ៉េមនៅតែត្រជាក់ជាប់ចិត្ត តោះយើងមកមើលគ្រឿងផ្សំ និងវិធីធ្វើទាំងអស់គ្នា៖

*គ្រឿងផ្សំ
1. ការ៉េម ៤ដុំ
2. នំបុ័ងបន្ទះ កាត់រឹមខាងក្រៅចេញ ៤បន្ទះ
3. ពងមាន់ ១គ្រាប់
4. កម្ទេចនំបុ័ង ២ចានចង្កឹះ
5. ផ្លាស្ទិករុំបិតអាហារ
6. ប្រេងសម្រាប់បំពង

*វិធីធ្វើ

  • ជាដំបូងយើងយកបន្ទះនំបុ័ងមកសង្កត់អោយសំប៉ែត រួចដាក់ពីលើផ្លាស្ទិកសម្រាប់រុំអាហារកាត់អោយធំជាងបន្ទះនំបុ័ងរួចដួសការ៉េមដាក់ចំពីកណ្តាលរួចធ្វើការរុំអោយមូលល្អ រួចយកទៅផ្លាសេក្នុងទូទឹកកកកន្លែងកក រយះពេល ១ទៅ២ម៉ោង
  • រួចយើងបកផ្លាស្ទិកចេញ យកទៅជ្រលក់ជាមួយពងមាន់និងកម្ទេសនំបុ័ង រួចដាក់បំពងក្នុងខ្លាញ់ដែលក្តៅខ្លាំង ដោយប្រើភ្លើតតិចៗ រួចបំពងអោយមានពណ៍លឿងរួចស្រង់ដាក់ចានរួចរាល់សម្រាប់ទទួលទាន។