សង្ហាកប់! យុវជនវ័យ២០ឆ្នាំ ត្រៀមខ្លួនតំណាងអោយកម្ពុជា ចូលរួមប្រកួត Mister Universe Ambassador 2018

ក្រោយពីប្រទេសកម្ពុជាបានចាប់ផ្តើមនាំយុវជនយុវតីខ្មែរជាច្រើនរូបយកទៅប្រកួតប្រជែងសម្រស់លើឆាកអន្តរជាតិ និងមានការកោតសរសើរពីសំណាក់មហាជនចំពោះសម្រស់យុវតីជំនាន់ថ្មី។ ដោយទោះបីជាបេក្ខភាពដែលកម្ពុជាបញ្ជូន ពុំទាន់ទទួលបាននូវជ័យលាភីក្តី ប៉ុន្តែកម្ពុជានៅតែជំរុញឲ្យមានការចេញទៅប្រកួតនៅក្រៅប្រទេស ដើម្បីបង្ហាញនូវមុខមាត់ ទង់ជាតិប្រទេស នៅលើឆាកអន្តរជាតិ។

យ៉ាងណាមិញថ្មីៗនេះយោងតាមហ្វេសប៊ុក Team Cambodia បានឲ្យដឹងថា យុវជន ជា ឃៀងឆែ មានអាយុ ២០ឆ្នាំ និងកម្ពស់ 1.83 cm លោកនឹងតំណាងអោយកម្ពុជា ចូលរួមប្រកួត MISTER UNIVERSAL AMBASSADOR 2018 ដែលនឹងចាប់ផ្តើមប្រកួតពីថ្ងៃទី១៨ ដល់ថ្ងៃទី២៥ ខែវិច្ឆិកា ឆ្នាំ២០១៨ នៅទីក្រុង JAIPUR ប្រទេសឥណ្ឌា។ គួររំលឹកផងដែលថា កម្ពុជាបានខកខានចូលរួមប្រកួតកម្មវិធីនេះអស់រយះពេលពីរឆ្នាំកន្លងមកហេីយ តាំងពីឆ្នាំ២០១៥ ដោយលោក  យិត មាសឧស្សាហ៍ បានតំណាងកម្ពុជាចេញទៅប្រកួត៕