ទីក្រុងមួយនៅរដ្ឋកាលីហ្វ័រញ៉ារបស់សហរដ្ឋអាមេរិក បានចេញច្បាប់ពាក់ម៉ាស់ដ៏តឹងរឹងបំផុត សូម្បីតែនៅក្នុងផ្ទះឯកជនក៏ដោយ
- BY
- autoadmin
- November 24, 2021
ទីក្រុង Santa Cruz រដ្ឋកាលីហ្វ័រញ៉ា បានចេញច្បាប់ពាក់ម៉ាស់ដ៏តឹងរឹងបំផុត ដែលសូម្បីនៅក្នុងផ្ទះឯកជនខ្លួនឯងក៏ត្រូវពាក់ម៉ាស់ដែរ ដោយមិនគិតពីស្ថានភាពនៃការចាក់វ៉ាក់សាំងនោះឡើយ។ បទបញ្ជាដែលបានចូលជាធរមានក្នុងសប្តាហ៍នេះ ធ្វើឡើងដើម្បីឆ្លើយតបទៅនឹងការកើនឡើងនៃករណីជំងឺ Covid-19 នៅក្នុងទីក្រុង ដែលបានកើនឡើងជាបន្ដបន្ទាប់។ តម្រូវការពាក់ម៉ាស់ថ្មីចុងក្រោយនេះ គ្របដណ្តប់មិនត្រឹមតែកន្លែងសាធារណៈ និងអាជីវកម្មប៉ុណ្ណោះទេ ប៉ុន្តែថែមទាំងផ្ទះឯកជនផងដែរ ក្នុងករណីប្រសិនបើមាននរណាម្នាក់នៅក្នុងផ្ទះ មិនបានរស់នៅជាទៀងទាត់ជាមួយគ្រួសារ។
ប្រសិនបើអ្នកនៅជុំវិញខ្លួនអ្នកមកពីគ្រួសារផ្សេងទៀត ការដោះម៉ាស់ចេញត្រូវបានអនុញ្ញាតតែពេលញ៉ាំអាហារ ឬផឹកទឹកប៉ុណ្ណោះ។ យ៉ាងណាក៏ដោយការណែនាំអំពីសុខភាពដ៏តឹងរ៉ឹងនេះ បានបង្កឱ្យមានការខឹងសម្បារក្នុងចំណោមមនុស្សមួយចំនួន ដោយអ្នករិះគន់ពិពណ៌នាការពាក់ម៉ាស់សូម្បីតែនៅផ្ទះថា ជាការរឹតត្បឹតហួសហេតុរបស់រដ្ឋាភិបាល និងការប៉ុនប៉ងធ្វើឱ្យមនុស្ស «វេទនាតាមដែលអាចធ្វើទៅបាន» នៅពេលពិធីបុណ្យ Thanksgiving កំពុងចូលមកដល់។ យោងតាមបទបញ្ជានេះ ការបំពានលើគោលការណ៍ណែនាំសុខភាពថ្មី អាចនឹងត្រូវ «ផ្តន្ទាទោសដោយការផាកពិន័យ ដាក់ពន្ធនាគារ ឬទាំងពីរ»៕
អត្ថបទ៖ លីដា
ប្រភព៖ RT
- Share This Post: