ប្រធានអង្គការសុខភាពពិភពលោក (WHO) បានអំពាវនាវឱ្យមានការប្រុងប្រយ័ត្នប្រឆាំងនឹងមេរោគ COVID-19 វ៉ារ្យ៉ង់ Omicron ដោយលោកបាននិយាយថា «វាឆាប់ពេកក្នុងការកំណត់ឱ្យច្បាស់លាស់» អំពីហានិភ័យដែលអាចកើតមានរបស់មេរោគបំប្លែងខ្លួនថ្មីមួយនេះ នេះបើតាមការចុះផ្សាយរបស់សារព័ត៌មាន NHK នៅថ្ងៃព្រហស្បតិ៍ ទី០៩ ខែធ្នូ ឆ្នាំ២០២១។

អគ្គនាយក WHO លោក Tedros Adhanom Ghebreyesus បានប្រាប់សន្និសីទសារព័ត៌មានក្នុងប្រទេសស្វីសកាលពីថ្ងៃពុធថា៖«ទិន្នន័យដែលកំពុងលេចចេញមកពីអាហ្វ្រិកខាងត្បូង បង្ហាញពីការកើនឡើងហានិភ័យនៃការឆ្លងឡើងវិញជាមួយនឹងវ៉ារ្យ៉ង់អូមីក្រុង»។ លោក​បាន​ចង្អុល​បង្ហាញ​ថា វ៉ារ្យ៉ង់ថ្មីនេះ​អាច​បង្ក​ការ​គំរាម​កំហែង​ដល់​អ្នក​ដែលធ្លាប់​បាន​ឆ្លង​មេរោគ​កាលពី​អតីតកាល។

លោក Tedros បានផ្តល់យោបល់ថា វ៉ារ្យ៉ង់នេះអាចមិនសូវធ្ងន់ធ្ងរនោះទេ ក៏ដោយសារមានភស្តុតាងមួយចំនួនបង្ហាញថា អូមីក្រុង បង្កឱ្យមានជំងឺស្រាលជាង ដែលតា ។ ប៉ុន្តែ​លោក​បាន​សង្កត់​ធ្ងន់​ថា ​ត្រូវការ​ទិន្នន័យ​បន្ថែម​ទៀត​ ដើម្បី​វាយ​តម្លៃ​ស្ថានភាព ហើយ​បាន​ជំរុញឱ្យ​ប្រជាពលរដ្ឋ​រក្សា​ការ​ប្រុង​ប្រយ័ត្ន៕

អត្ថបទ៖ លីដា
ប្រភព៖ NHK