ហ្វីលីពីន៖ ប្រទេសហ្វីលីពីនអាចនឹងបើករោងចក្រនុយក្លេអ៊ែរឡើងវិញ ប្រសិនបើលោក Marcos Junior ឈ្នះតំណែងជាប្រធានាធិបតីនៃប្រទេសហ្វីលីពីន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី៥ ខែឧសភានេះ។ សូមបញ្ជាក់ជូនថា លោក Ferdinand “Bongbong” Marcos Junior បេក្ខភាពប្រធានាធិបតីហ្វីលីពិនសម្រាប់ការបោះឆ្នោតជាតិឆ្នាំ ២០២២នេះ គឺជាកូនប្រុសរបស់អតីតមេដឹកនាំហ្វីលីពីនគឺលោក Ferdinand Marcos ដែលត្រូវបានគេស្គាល់ថាជាមេដឹកនាំបែបផ្តាច់ការនិងមេដឹកនាំដ៏មានឥទ្ធិពលម្នាក់ផងដែរ។

ប្រភពខាងលើបានបន្តថា នៅក្នុងជំនាន់ដឹកនាំរបស់អតីតមេដឹកនាំផ្តាច់ការ Ferdinand Marcos ហ្វីពីពីនធ្លាប់មានរោងចក្រថាមពលនុយក្លេអ៊ែរមួយឈ្មោះ Bataan មានតម្លៃ ២,២ពាន់លាន តែរោងចក្រមួយនេះក៏ត្រូវក្លាយជាវិមានធម្មតាមួយនៅក្នុងឆ្នាំ ១៩៨៦ ព្រោះក្រុមមេដឹកនាំហ្វីលីពីនក្នុងជំនាន់នោះមានភាពលោភលន់និងពុករលួយខ្លាំងពេក។ ព្រោះហេតុផលនេះហើយទើបក្រុមអ្នកជំនាញបានវិភាគថា ប្រសិនបើលោក Marcos Junior បច្ចុប្បន្នមានអាយុ ៦៤ឆ្នាំអាចឈ្នះការបោះឆ្នោតនៅសប្តាហ៍នេះគឺលោកអាចនឹងបន្តគម្រោងនុយក្លេអ៊ែរដែលខកខានកាលពីជំនាន់ដឹកនាំរបស់ឪពុកលោក ពោលគឺរោងចក្រនុយក្លែអ៊ែរ Bataan អាចនឹងបើកដំណើរជាធម្មតាវិញ៕

អត្ថបទ៖ ភក្តី

ប្រភព៖ Channel News Asia