បុគ្គលិកជិត១០០នាក់របស់ស្តេច Charles III ប្រឈមនឹងហានិភ័យនៃការបាត់បង់ការងារ

មនុស្សរហូតដល់ ១០០នាក់នៃបុគ្គលិក ក្រោមការដឹកនាំរបស់ស្តេច Charles ដែលស្ថិតនៅវាំង Clarence House ត្រូវបានគេរាយការណ៍ថាអាចនឹងបាត់បង់ការងារ ក្រោយស្តេចអង់គ្លេសថ្មី បានឡើងគ្រងរាជ្យ នឹងត្រង់ផ្លាស់ទៅវាំងBuckingham។ នេះ បើយោងតាមសេចក្តីរាយការណ៍របស់ The Guardian នៅថ្ងៃទី១៣ ខែកញ្ញា ឆ្នាំ២០២២។ ក្នុងចំណោមបុគ្គលិកជិត ១០០នាក់ អ្នកខ្លះបាននៅធ្វើការក្នុងវាំង Clarence House អស់ជាច្រើនទសវត្សរ៍មកហើយ។

នៅក្នុងលិខិតនោះបានសរសេរថា «ការផ្លាស់ប្តូរតួនាទីរបស់ស្តេចក៏នឹងធ្វើឱ្យមានការផ្លាស់ប្តូរបុគ្គលិកផងដែរ។ ការងារពីមុនដើម្បីគាំទ្រផលប្រយោជន៍ផ្ទាល់ខ្លួន សកម្មភាពចាស់ៗនឹងលែងត្រូវបានអនុវត្ត ហើយបុគ្គលិកនៅវាំង Clarence House នឹងត្រូវរំសាយ»។ បុគ្គលលិកដែលបាត់បង់ការងារ នឹងត្រូវបានជួយក្នុងការស្វែងរកការងារថ្មី និងទទួលបានប្រាក់បំណាច់លើសពីកម្រិតអប្បបរមាផងដែរ៕

ប្រភព៖ walesonline