(ភ្នំពេញ)៖ ទស្សនិកជនប្រមាណជា៧០០០នាក់បានចូលរួមទស្សនាក្នុងកម្មវិធីប្រគុំតន្ត្រី The Passion Album brought to you By Sting MusicVerse ដែលបានធ្វើឡើងនៅថ្ងៃទី២៩ ខែតុលា ឆ្នាំ២០២២ នៅ The Elysée, ផ្លូវកោះពេជ្រ រាជធានីភ្នំពេញ។

ជាមួយនឹងការរៀបចំដ៏ប្លែកអស្ចារ្យរបស់ Sting អ្នក​ទស្សនា​រាប់​ពាន់​នាក់​បាន​ប្រមូល​ផ្តុំ​គ្នា​យ៉ាង​រំភើប​នៅ​លើ​ទីលាន The Elysée ក្រុងកោះពេជ្រ ដោយបានថតរូបកម្សាន្ត និងតម្រង់ជួរគ្នាដើម្បី​ចូល​រួម​ការប្រគំតន្ត្រី ដ៏ធំបំផុតប្រចាំឆ្នាំមួយនេះ។

The Passion Album brought to you By Sting MusicVerse នាំទស្សនិកជនរាប់ពាន់នាក់ជាមួយនឹងភាពភ្ញាក់ផ្អើលតាមរយៈបទពិសោធន៍ថ្មីៗជាបន្តបន្ទាប់ ក្រោមវត្តមានរបស់តារារ៉េប G-devith បាន​នាំ​ទស្សនិកជន​ទៅ​កាន់​ភាព​សប្បាយ​រីក​រាយ​យ៉ាង​ខ្លាំង​តាម​រយៈ​ការសម្តែងនូវបទចម្រៀងជាច្រើនបទ បន្ថែមពីលើក្បាច់រាំដ៏ទាក់ទាញ ព្រមទាំងមានការចូលរួមបង្ហាញវត្តមានពីតារាចម្រៀងល្បីៗមកពីប្រទេសថៃដូចជាកញ្ញា Jannine Weigel និងតារារ៉េប លោក Jarvis ធ្វើឱ្យកក្រើកទីក្រុងកោះពេជ្រតែម្តង។

អំឡុងពេលដែលលោកG-Devith កំពុងតែសម្តែងបទ Goblin អ្នកទស្សនាផ្ទាល់ ក៏ដូចជាតាមរយៈការផ្សាយផ្ទាល់ (live) មានភ្ញាក់ផ្អើលជាខ្លាំង ដោយការប្រគុំតន្រី្តរបស់ Sting បាននាំយកបច្ចេកវិទ្យា Holograpic ដែលបង្ហាញនូវរូបG-Devith ផុសចេញមកស្តែងៗពីលើអាកាស ធ្វើឱ្យអ្នកទស្សនារំភើបរីករាយ ក្នុងការទទួលបាននូវបទពិសោធន៍ថ្មីមួយដែលមិនធ្លាប់មានពីមុនមក ដែលការប្រគុំតន្រ្តី Sting MusicVerse ដ៏ធំមួយនេះបានធ្វើឡើងមុនគេបង្អស់នៅកម្ពុជា។

The Passion Album brought to you By Sting MusicVerse ជាការប្រគំតន្ត្រី ដ៏ធំបំផុតប្រចាំឆ្នាំដែលបង្កើតនូវបទពិសោធន៍ពិសេសៗជាច្រើន ដែលមានតែនៅក្នុងការប្រគុំតន្ត្រីមួយនេះតែប៉ុណ្ណោះ៕