(ភ្នំពេញ)៖ ទស្សនិកជនភាគច្រើនប្រាកដជាដឹងហើយថា ដួង វីរៈសិទ្ធ និង ម៉ម ពេជ្ជរិទ្ធ ជាបងប្អូនគ្នា ប៉ុន្តែតារាចម្រៀងទាំង2រូបដែលមានសម្លេងផ្អែមស្រទន់នេះ មិនដែលរួមការងារឬច្រៀងជាមួយគ្នាជាផ្លូវការនោះទេ។ ស្រាប់តែពេលថ្មីៗនេះ Pleng បានប្រកាសពីការចូលរួមគាំទ្រ ព្រឹត្តិការណ៍ប្រកួតកីឡាជាតិលើកទី 3 ដោយបានផលិតបទចម្រៀង «វីរភាពកីឡា» ដែលមានការចូលរួមច្រៀងនិងសម្ដែងដោយតារាធំៗល្បីៗដូចជា៖ មាស សុខសោភា ដួង វិរៈសិទ្ធ ម៉ម ពេជ្ជរិទ្ធ ពូ ឃ្លាំង តី និង រៀម សុខភិរម្យ។ ការប្រកាសនេះ បានធ្វើឱ្យហ្វេនៗជាច្រើនភ្ញាក់ផ្អើល រួមជាមួយសប្បាយចិត្តដែលបានឃើញអាយដលរបស់ខ្លួនទាំងពីរ គឺលោក ដួង វីរៈសិទ្ធ និង លោកម៉ម ពេជ្ជរិទ្ធ ច្រៀងរួមគ្នាលើកដំបូង។

គួរបញ្ជាក់ផងដែរថា បទចម្រៀងនេះនឹងក្លាយជាបទខ្មែរដំបូងគេដែរប្រើឧបករណ៏ភ្លេងខ្មែរ ច្រើនជាងគេរហូតដល់ 16 មុខ ដូចជា៖
1.ទ្រសោ
2.ខ្លុយ
3.ប៉ីអ
4.ទ្រខ្សែបី
5.ទ្រអ៊ូ
6.ស្គរធំពីរ
7.រនាតភ្លោះ
8.ស្គរសម្ភោរ
9.ឈិង
10.ស្គរខ្យល់
11.ស្រឡៃ
12.ស្នែងតូច
13.ស្នែងធំ
14.តាឃេ
15.គងភ្លោះ
16.ឃឹម

បទចម្រៀងនេះ នឹងត្រូវសម្ដែងក្នុងពិធីបើកជាផ្លូវការកីឡាជាតិ លើកទី3 នាខែវិច្ឆិកា ឆ្នាំ2022 ខាងមុខនេះ នៅពហុកីឡដ្ឋានជាតិមរតកតេជោ នឹងទទួលបានការផ្តល់កិត្តិយសដ៏ខ្ពង់ខ្ពស់ពីសម្តេចអគ្គមហាសនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន។

បទចម្រៀង«វីរភាពកីឡា» នេះដែរ នឹងមានសម្រាប់ហ្វេនៗស្តាប់ នៅក្នុង Pleng app ឆាប់ៗនេះហើយ
ស្ដាប់ Playlist ចម្រៀងបាល់ទាត់ ត្រៀមរង់ចាំបទថ្មី : https://pleng.smart.com.kh/playlists/songs-for-football/712/