ចុងខែមិនទាន់លុយមិនសូវសំបូរហូរហៀដូចដើមខែ តែចិត្តចង់ញ៉ាំស៊ុបចិនជាមួយមិត្តភ្កិ ឬ ដៃគូដៃកង់ មិនជាបញ្ហាទេ ថ្ងៃនេះ Der Daily ដើរដេលី ណែនាំនូវវិធីងាយៗ ហើយចំណេញផ្ទួនៗតែម្ដង នោះគឺគ្រាន់តែហៅ TADA ដែលជា្រភេទម៉ូតូកង់បីអគ្គិសនី ជិះទៅហាងស៊ុប FU Hot Pot នឹងទទួលបានប្រម៉ូសិនផ្ទួនៗ។ ហើយមានឆ្ងល់អត់ប្រូម៉ូសិនផ្ទួនៗនេះធ្វើម៉េចទៅទើបបាន ហើយប្រូមូសិនមានអ្វីខ្លះ?

ដោយសារតែ TADA បានសហការជាមួយហាងស៊ុប FU Hot Pot បង្កើតនូវប្រូម៉ូសិនចំនួន ២ ដល់អិតិជន ដោយចំណេញទី១.សម្រាប់​ New user គ្រាន់តែគ្រាន់តែដោនឡូត App TADA នឹងទទួលបានទឹកប្រាក់ ៥០០០រៀល​សម្រាប់ការជិះក្នុងចំងាយ ២គីឡូ។ ប៉ុន្តែសម្រាប់អតិថជន TADA ស្រាប់គ្រាន់ប្រើប្រម៉ូកូដ «fuhotpot» នឹងទទួលបានការបញ្ចុះតម្លៃរហូត​ដល់ ៣០% លើការធ្វើដំណើរ។ ដោយឡែកចំណេញទី២ គឺគា្រន់តែដោនឡោត App TADA នឹងទទួលបានសាច់មួយចានភ្លាមៗ ហើយបើអ្នកមាន App ស្រាប់ គ្រាន់តែផុសនៅលើហ្វេសប៊ុក Check in ដាក់ថា FU Hot Pot X TADA នឹងទទួលបានសាច់មួយចានដូចគ្នា។

ចឹងហើយ ប្រញាប់ដោនឡោត App TADA ហើយជិះទៅញ៉ាំស៊ុបនៅ FU Hot Pot ហ្មងទៅ ទាន់មានប្រូម៉ូសិន សំខាន់ស៊ុបបែបចិនមានរហូតដល់ទៅ ៥ប្រភេទ ជាមួយមីនុយមុខម្ហូបសំបូរបែបមែនទែន។ ហាងស៊ុប FU Hot Pot បើកលក់ពីម៉ោង 10:30ព្រឹក ដល់ម៉ោង 10យប់,លេខទូរស័ព្ទ: 078 333 854, ទីតាំង: ផ្លូវលេខ ៤៥៤ ជិតផ្សារទួលទំពូង,ផែនទី:https://goo.gl/maps/TjnnANFeSTMiZhm99៕

ចេញពីធ្វើការហត់ ចង់ណាត់មិត្តភក្កិ គូស្នេហ៍ ឬ ណាត់ក្រាស់ ញ៉ាំម្ហូបឆ្ងាញ់ៗល្ងាចឡើងបែប Chill Chill អង្គុយស្ដាប់ភ្លេង មិនគួររំលងហាង D’lini Seafoods ដែលកំពុងរំលេចខ្លួននៅក្នុងកោះពេជ្រ។ នៅ D’lini Seafoods មានជម្រើសម្ហូបដល់ទៅជាង ១០០មុខឯណោះ មិនថា គ្រឿងក្លែម បែបស៊ុបក្ដៅៗ ឬប្រភេទគ្រឿងសមុទ្រគឺមានទាំងអស់ហើយស្រស់ៗតែម្ដង ចំណែកឯតម្លៃវិញ គឺសមរម្យមែនទែន។

ថាម្ហូបទៅតម្លៃសមរម្យនិងឆ្ងាញ់ទៅហើយ តែបើក្រឡេកមើលបរិយាកាសរឹតតែអេមទៀត ដោយសារខាងហាងដេគ័របែប outdoor រួមជាមួយបរិយាកាសព័ទ្ធដោយអាគារខ្ពស់ៗ តុបតែងដោយភ្លើងតូចៗគឺពិតជារីលែកតែម្ដង។ ក្រៅពីបរិយាកាសល្អ ហើយនៅហាងមានទាំង Band ច្រៀងកំដរហើយមាន DJ ទៀត។ លើសពីនេះ ហាងក៏មានប្រូម៉ូសិនពិសេស ចាប់ពីម៉ោង ៤ល្ងាច ដល់ម៉ោង ៦ល្ងាច និងមានការបញ្ចុះតម្លៃ ៣០% ហើយសម្រាប់ការរៀបចំពិធីខួបកំណើតបញ្ចុះតម្លៃ ១០%។ ហាង: D’lini Seafoods បើកលក់ពីម៉ោង 4ល្ងាច ដល់ម៉ោង 11យប់ លេខទូរស័ព្ទ: 069 93 93 54 ទីតាំង: នៅក្រោយ The bridge មួយផ្លូវ ជិត EDM3 ផែនទី: https://goo.gl/maps/cTrygqdfqGLR9E7K6

បើនិយាយពីហាងកាហ្វេដែលបង្កើតឡើងដោយកូនខ្មែរ អ្នកណាមិនស្គាល់ហាង Brown Coffee ដែលមានច្រើនសាខាមែនទែននៅទីក្រុងភ្នំពេញ។ ហាង Brown ជាហាងកាហ្វេដ៏ល្បីឈ្មោះមួយនៅស្រុកខ្មែរ​ មិនត្រឹមកាហ្វេមានរសជាតិឆ្ងាញ់ប៉ុណ្ណោះទេ តែបរិយាកាសនៅតាមសាខានីមួយៗ គឺប្លែកភ្នែក ហើយទាក់ទាញខ្លាំងមែនទែន ដោយសារការតុបតែងដែលផ្សារភ្ជាប់ទៅនឹងធម្មជាតិ ធ្វើឱ្យអតិថិជនមានអារម្មណ៍ស្រស់ស្រាយ។

ត្រឡប់មកនិយាយពីរសជាតិវិញ អ្នកណាមិនល្បីកាហ្វេនៅ Brown មានរសជាតិឆ្ងាញ់ មិនចាញ់ហាងកាហ្វេបរទេស ហើយមីនុយភេសជ្ជៈ និងអាហារនៅទីនោះក៏សំបូរបែបដែរ មានគ្រប់តាមតម្រូវការរបស់អតិថិជន។ ហើយថ្មីៗនេះ ហាងកាហ្វេ Brown បន្ថែមនូវកាហ្វេរសជាតិថ្មី ៣ប្រភេទ សម្រាប់ថ្ងៃបុណ្យសេចក្ដីស្រលាញ់ មានដូចជា Rose Latte, Vanilla Gelato Frappe និង Vanilla Gelato Latte។

ដូច្នេះចង់សាករសជាតិថ្មីទាំង ៣ខាងលើនេះ អតិថិជនអាចទៅសាកបាននៅគ្រប់សាខាទាំងអស់របស់ Brown Coffee ឬ អ្នកនៅម្ដុំ ឬស្សីកែវ អាចទៅហាង: BROWN Big Tree បានដែលបើកលក់ពីម៉ោង ៦:៣០ព្រឹក ដល់ ៩:០០ យប់។ ទីតាំង: ផ្លូវជាតិលេខ 5, ក្នុងសង្កាត់គីឡូលេខ ៦, ខណ្ឌឬស្សីកែវ, រាជធានីភ្នំពេញ។ ផែនទី: https://goo.gl/maps/fu3pGnjk467u8vZQ