កោតចេះធ្វើទៅរួច សូម្បីតែកូនស្រីបង្កើតខ្លួនឯងក៏ចាប់រំលោភដែរ
បាត់ដំបង ៖ នៅថ្ងៃទី០៥ ខែមីនា ឆ្នាំ២០១៨ តាមបទបញ្ជារបស់លោកឧត្តមសេនីយ៍ទោ អ៊ុចសុខុន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចមតិដឹកនាំរបស់ឧត្តមសេនីយ៍ទោ សាន ហាក់ស្នងការស្តីទីព្រមទាំងស្ថិតក្រោមបញ្ជាដឹកនាំផ្ទាល់ពីឧត្តមសេនីយ៍ត្រី កុយហៀង ស្នងការរងទទួលផែនប្រឆាំងបទល្មើស និងដោយបានការអនុញ្ញាតិពីលោកព្រះរាជអាជ្ញាអមសាលាដំបូងខេត្តបាត់ដំបងផងនោះ មន្ត្រីនគរបាលការិយាល័យជំនាញនៃស្នងការដ្ឋានបានឃាត់ខ្លួនបុរសម្នាក់ឈ្មោះ ខន សុខា អាយុ ៣៦ឆ្នាំ រស់នៅភូមិអូរមុនី ឃុំអន្ល់ងវិល ស្រុកសង្កែ ខេត្តបាត់ដំបង ដែលជាជនសង្ស័យក្នុងករណីចាប់រំលោភសេពសន្ថវៈកូនស្រីបង្កើតរបស់ខ្លួនក្នុងអំឡុងខែ មេសា ឆ្នាំ២០១៧ កន្លងទៅ ។ ករណីនេះ ជនសង្ស័យត្រូវបានមន្ត្រីការិយាល័យជំនាញរៀបចំសំណុំរឿងបញ្ជូនទៅសាលាដំបូងខេត្តបាត់ដំបង ដើម្បីចាត់ការតាមផ្លូវច្បាប់ ៕
